أّلَـــمًوٌأّجّــــهّـةّ🔥
💕#أّبًــــوٌأّبً_أّلَمًــــأّضًـيِّ💕
#للكاتــبة_ČЎŘĮŇẸ🥀
أّلَحًلَـــــقُةّ 🥀175🥀
عٌنِدٍ سِـيِّلَيِّأّ🥀
قاعدة على صور البالكون الريح يضرب في وجها شعرها يدي فيه الريح تخمم غايسة في الفراغ رجليها يلعبو بينهم وبين الأرض طابقين يعني لوكان تزيد شعرة تطيح من البالكون تموت على البلاصة.... حست بإيد تلفت على خصرها وحملها من خصرها بقوة وهبطها في البالكون.... رائد يقحر: اذا حابة تموتي طنتي قلتيلي نفرغ سلاحي في راسك بلاش منو هاد لأكشن.... سيليا شافت فيه ببرود وتعداتو داخلة تبسم بإستهزاء لعبتلو على اعصابو لحقها جبدها من ذراعها بعنف ضربها مع صدرو.... رائد عينيه حمر ويلز على سنانو: وقت نحكي مع ### جاوبيني متبقايش كيف الصنم تتفرجي.... سيليا تنهدت: وشبيك؟ وش درتلك تاني؟... رائد طلع حاجبو: انا لي وش بيا ولا نتي؟؟.... سيليا: بعد عليا لو سمحت... رائد مطلع حاجبو: واذا مبعدتش... سيليا تبسمت ابتسامة غريبة: معندي ما نعملك كيما لعادة تعمل وش تحب فيا ومكانش لي يحاسبك.... رائد مصدوم في خلق ربي: شبيك نتي؟؟ سيريو شبيك.... سيليا: مبيا والو.... رائد: هدوئك هادا مش مريحني.... سيليا: ههه شنوا الفايدة من انو نحاربك وناقشك راح تضربني وتعذبني ساو انا قررت نركح ومنديرش مشاكل حتا تخليني نروح... رائد تبسم بإستهزاء: شكون كذب عليك وقلك راح نخليك تروحي؟ .... سيليا: عاجلا ام اجلا راح تتخلص مني يا تقتلني يا تخليني نمشي يعني هاد الطريق اخرتها باينة.... رائد سكت يشوف فيها....بعدها حكا: جهزي ؤوحك راح تروحي مع ألاء بعد غدوة لروسيا باش تدير العملية وبعدها انا نقرر شنوا نعمل فيك.... سيليا بهدوء: اوكي.... بعد عليها رائد وخرج ماشي مأمنلها حاسس ورا سكوتها قمبلة اما مش حاب يحكي شي درك.... اما سيليا تنهدت وراحت جبدت فاليز عمرت فيها قشها وحطتها وراحت دخلت لصالدوبا دوشت وشيحت شعرها ولبست غوب تاع نوم قصيرة وهبطت تتعشا معاهم.... طلع رائد عينيه فيها سكاناها من لفوق لتحت اما هي قعدت جنب ألاء وباستها.... سيليا: ألولة وش رايك بعدالعشاء نخرجو للجاردان الجو يقتل.... ألاء: اوكي.... مسحت على شعرها وحكت راسها تاكل....
كملو لأكل وقفت سيليا وقفت ألاء... سيليا: هيا نخرجو لجاردان.... هزتلها ألاء براسها فرحانة... جاو ماشيين وقفهم صوتو الخشين.... رائد: مفماش خروج ... تلفتو ليه في زوج.... ألاء: ألااااه بااابي🥺🥺.... رائد: ألاء قلت مفماش خروج روحي ترقدي تأخر الوقت تعرفي انو دواك ما ينفعكش اذا مرقدتيش مليح.... سيليا: اوكي هي متخرجش اما انا علاه... رائد شاف فيها بحدة: مراكيش في ملهى ليلي تخرجي عريانة أطلعي ل### شمبرتك متخلينيش نوض ليك.... ألاء ضربت رجلها في القاع وطلعت اما شيليا شافت فيه مطولا بعدها طلعت خلاتو يخمم متأكد انها تخطط لشي اما كيما يقول هو تبع الكذاب لباب الدار....أّلَـــمًوٌأّجّــــهّـةّ🔥
أنت تقرأ
المواجهة 🔥
Comédie#جديــــد♕ #ممنووووووع_نقـــل_بدوون_اذنـــي بعد النجاح لكبير لي حصداتو كرونيك ارملتي المتمردة جيتكم بالجديد تجربة هاد المرة جديدة بزاف وستيل جديد عليا نتمنى تعجبكم 😍😍 #مقتبس_عن_قصة_حقيقية
