المواجهة 🔥

❤️

ّلَـــمًوٌأّجّــــهّـةّ🔥

💕#أّبًــــوٌأّبً_أّلَمًــــأّضًـيِّ💕

#للكاتــبة_ČЎŘĮŇẸ🥀

أّلَحًلَـــــقُةّ 🥀124🥀

عٌنِدٍ ﺰيِّنِـــةّ🥀

خرجت من الدار راحت تتمشا وتخمم مخها سارح في كل واش صرا معاها وهي مع ادم لدرجة انو السوجي هادا مش حاب يخرج من راسها كل لحضة عاشتها لبارح  معاه استسلامها رضوخها ليه تفاعلها معاه هدرتها لي معندها حتا معنا ومفهمتش منين خرجت بيها حست روحها تافهة وحشمت بزاف من روحها لدرجة كل ما تتفكر الموضوع تهز براسها حابة تطرد هاد الأفكار من راسها....  وصلت للحمل كانت راح تفتح حتا سمعت صوت وراها تلفتت ليه كان جان يجي في 18هاك... طفل: سلام اختي وشراكي.... زينة تبسمت: وعليكم السلام صفا خويا ونتا.... طفل: صفا الحمدلله نتي لي شريتي المحل تاع عمي راشد.... زينة: وي شريتو من فترة اما مزال مفتحتوش... طفل: ألف مبروك فاتحة خير ان شاء الله صراحة انا نخدم في هاديك لكافي لي لهيك وعمي راشد وصاني عليك على هاك راح نرجع كل صباح نجيبلك قهوتك واذا تحتاجي اي حاجة عيطيلي برك... هاهو فنجان قهوة مع كعبتين ميلفاي قلت بلاك مفطرتيش... تبسمت معاه زينة رغم انها مش جيعانة اما محبتش تحرجو: ربي يحفظك خويا جات في وقتها درك نخلصك.... طفل: لا ميشقاش ليوم على حسابنا ولمرة جاية بلا جدك تطيحي بألفين تاع القهوة متلعبيلناش بالخبزة ههههه.... زينة ضحكت: هههه لا حاشا منلعبلكش بخبزك هههه ادخل قصر معايا اذا تحب.... طفل: غير مرة ختيتو ورايا كليونت نقهويهم هيا باي ومتشرفين مرة اخرى.... زينة تبسمت معاه: شرف ليا هيا باي... راح وخلاها تشوف في القهوة والميلفاي شربت كاس القهوة على جغمة خاطرها من عاشقات القهوة وتلفتت لباب فتحاتو ودخلت... حطت الميلفاي فوق لاكاس ودخلت نحات مونتوها تشوف في المكان مزال خاصو بزاف حاجات... تنهدت ودخلت للكوزينة تشوف في البلاط مسخ لازملو تنضيف عميق(ههههه نتوياج فابو).... رفعت راسها تصدمت جمدت في بلاصتها مش مصدقة وش تشوف رجليها فشلو ورعشة سراتفي بدنها.... قربت منها تشوف فيها مصدومة منين دخلت كيفاه وش صرا.... قربت منها ايديها يرجفو حملتها بين ايديها مش مصدقة حكمت الورقة لي كانت معلقة في رقبت الدمية فتحتها تقرا فيها وترجف... غير فتحتها ايدها فشلو لدرجة طاحت الدمية من ايدها كان مكتوب بدم بخط عريض «انا أراك».... حملت روحها سيف وخرجت مرعةبة حابة برك تخرج من تماك.... خرجت تتنفس بقوة  وطاحت في لارض تهز في راسها تحاول تنفي وش شافت وبما انو المحل تاعها مقابل القهوة شافها طفل تاع قبيل جا ليها يجري... طفل: ختي ختي وشبيك وش صرا.... زينة بصوت متقطع: ل لد لدا اخل ل لداخل ه هي ه هي ل لداخل ق قاتلي راهي راه ي ت تشو شوف ف فيا... طفل يحاول يوقفها: تهدني ختي وش كاسن تحبي ندخل معاه نشوف وش كاين.... زسنة: ل لا م من منحبش نرجع ن نخلف م منحبش نشوفها.... طفل: يا ختي تهدني واهدري مليح وش كاين لداخل اذا شفتي حاجة انوؤمال نكلنو البوليس... زينة سكتت بعدها شافت فيه: ا ارواح معايا ش شوفها.... هز برلسو وحكمها من اسدها وقفها وهي مكبشة في ذراعو ترجف دخلو للكوزينة تلفت من ومن مكاين والو... شاف فيهالقاها لازة ليه ومغمضة عينيها.... طفل: ختي حلي عينيك مكاين والو شبيك... فتحت عينيها بشوي تتلفت من ومن في لارض وفوق البوتاجي مكاين والو تصدمت اكثر خاطر المحل معندوش باب ثاني وهاد شي دخلها في دوامة.....
أّلَـــمًوٌأّجّــــهّـةّ🔥