اصدقاء ولاكن

بداية اللقاء والتعارف أيموشة بنت تبحث عن عمل

                   (أيموشة)
بنية رافضة فكرة العلاقات العاطفية وماتثق بأي شخص بس عدهة صديقة مقربة بيوم من الايام أيموشة اتصلت علئ صديقتهة سارة
أيموشة:الووو شلونج ضلعتي
سارة:هلا رويحتي شلونج مشتاقتلج اشو ماكو

                     صديقتهة(سارة)
ايموشة:والله تدرين جنت مشغولة بلبضائع ومنتجات
سارة: لحظة شنو جنتي ليش شصار
ايموشة:بطلت شغل المندوبة يتعب ومابي ارباح وانتي تعرفين الشركات كثرانة والناس موهلكد تطلب
سارة:وهسة؟
ايموشة:ماادري الله كريم راح ادور علئ شغل واشوف
سارة:ماشي ...اني هم راح اخليج علئ بالي اول ماالكالج شغلة اكلج
أيموشة:ماشي حبي مشكورة
سارة عضو بنادي للهوايات يشمل جميع الاشخاص من رسم ورياضة وغناء ...الخ
كاعدة وي اصدقائهة وتفكر بأيموشة

                رامي حبيب سارة
:يمعودة مو جاي احجي وياج وين صافنة ؟
سارة:اسفة حبي والله دا افكر بصديقتي أيموشة خطية
رامي:شبيهة خيرر؟
سارة:مبطلة من شغلهة وهسة حايرة شلون راح ادبر العيشة وانتة تعرف عدهة بس اخ واحد وامهة وهم يشتغل بس مايلحكون
رامي:أي والله صحيح ...أكلج خلتجي هنا تشتغل بلنادي مالتنة
سارة: شتشتغل؟
رامي:خل اشوف فراس بلكي يكدر يساعدنة ويشغلهة هنا لان هوة عندة معارف ونص النادي الاقاربهم
سارة:اي والله هم صدك فدوة حبي حاجي والك اجر وهم تجي هنا تتونس ويانة
اثناء ماجاي يحجون اجو شلتهم متكونة من تلث ولد وثنين بنات الي همة (فراس وموسئ وبلال وملك وزهراء) اجو كعدو وي سارة ورامي واحد سلم علثاني وبدو يسولفون ويتشاقون بهلاثناء سارة اشرت لرامي حتئ يحجي وي فراس