ملك: الوووو ها حبي شلونك
فراس: هلا صباح الخير شلونج
ملك: عاش من سمع صوتك شنو ولاكأنما مخطوبين لاتسال لاتخابر
فراس: ملك يومية اشوفج بلنادي ونسولف واعرف شلونج يعني موضروري 24ساعة احجي وياج هيج يصير ملل
ملك: ملل! ملل؟ فراس من هسة بديت اتمل
فراس: اهووو بدة النكد من الصبح شوفي ليش مااخابرج لان بس اتنكدين
ملك: ماشي اخذ راحتك باي وسدت الموبايل بوجهة وزعلت عبالهة راح يرجع يتصل ويعتذر بس هوة بدل مايتصل بيهة راح واتصل علئ أيموشة
أيموشة جاوبت بصوت ناصي وهية منعسة وتوهة كاعدة من النوم
أيموشة: الوووو
فراس: صح النوم
أيموشة: صباح الخير شعجب متصل بية من الصبح خوماكو شي
فراس: لا ماكو شي راح امر بيج انتي وسارة ونروح للنادي
أيموشة: وملك؟
فراس: ملك عدهة سيارة تجي بيهة
أيموشة: لا خاف ماتقبل
فراس: عوفي هاي السوالف وكومي يلة غسلي وتريكي راح امر عليج
أيموشة: ماشي
وراحو سوية ولكة ملك سابقتة وكالبة خلقتهة ومن شافت أيموشة ويا عصبت اكثر وتنرفزت بس ماحجت وياهم سلمو وماردت السلام وراحت عنهم
فراس: ملك اوكفي شبيج؟
ملك: شبية! متعرف شبية يعني فوك مامزعلني جايب أيموشة وياك وهية منو وتصعد وياك
فراس: اها بدت الغيرة أكول ماعندي شي وي البنية بس طريقي عليهم وكلت اوصلهة وهية هم تصير اخت صديقي ماكو داعي تغارين
ملك: يعني عبالك اني غبية مثلا ماجاي تشوف عاميتك اغلب مشاكلنة من ابراهة وهية الي تخرب علاقتنة اتظل بس وياك بس تريد اتفاركنة
فراس: لاغلطانة والله ترة البنية فقيرة واني أساعدهة
ملك: اني مو خطيبتك؟
فراس: اي
ملك: احجي وي بنات النادي كلهن بس أيموشة ثكل بوجهة ماريدك تحجي وياهة انتة ليش ماتفهم هاي البنية اني مااطيقهة
فراس لزم ملك من ايدهة بقوة وجراهة وهوة عصبي
فراس: اسمعي ملك انتي ماتتحكمين بية ودكليلي ويامن احجي ويامن ماحجي كلمتي اني التمشي واسوي الاريدة يعجبج يعجبج مايعجبج الله وحمد مادام بعدنة بأولهة وعاف ايدهة وراح
ملك :فراس اوكف شنو هاذة الكلام تعااال جاي احجي وياك اسمعني لا تزعل مني حبيبي
اثناء ماينزل فراس الدرج وملك تركض وراه صادف أيموشة وجه بوجه وهية صاعدة
أيموشة: فراس شبييك؟
ملك بسرعة ركضت علئ فراس ولزمت ايدة: مابي شي جاي نشاقة وضاج شوية
أيموشة باوعت علئ ايديهم وملك لازمة ايدة وباوعت لعيون فراس: ماشي من رخصتكم
ملك: شفتهة شلون تباوع حتئ تصدكني هاي جاي تحسدنة حبيبي ماتريدلي الخير تغار مني
فراس: كتلج خلص سدي الموضوع كلمة زايد انهي كلشي
ملك: خلص سكتت
بس ماعافت الموضوع وشافت الحجي وي فراس مايجيب نتيجة فقررت تروح تحجي وي أيموشة وتهددهة فلكتهة كاعدة وي زهراء ويسولفن
ملك; أيموشة راح احجي وياج واسمعيني كلش زين
أيموشة: خير يالله كولي اسمعج
ملك: فراس خطيبي يعني يحبني واني احبة واغار علية اليوم وصلج مرة ثانية ماريدج حتئ تحجين ويا
أيموشة: مفهمت وشمعنة اني ترة ماوصلني وحدي وياي سارة
ملك ظربت بيدهة علطاولة: جاي تصير مشاكل بيناتنة وانتي السبب هاذا اخر كلام اكلج بي ابتعدي عنة احسن مايصير شي ميعجبج
زهراء: ملك شبيج صدك تحجين
أيموشة: لا حقهة البنية خلص التردي يجرالج بعد اذا شفت خطيبج ادور وجهي عنة حتئ مااسلم
ملك: ياريت
أيموشة: صار
راحت ملك وهية عصبية وضايجة
زهراء: أيموشة مالج علاقة بيهة لاتضوجين من كلامهة هية لان تحبة هيج تسوي
أيموشة: واني ماكلت شي ولا ضجت بلعكس اصلا ماكالت شي غلط
ودارت وجهة وهية مقهروة وفعلا ظلت كلما تشوف فراس ماتسلم علية وادور وجهة حتئ من يتصل ويراسلهة ماتجاوبة وثكلت وجهة علية مرت ايام وهية علئ هلحال علاقتهة بي صارت سطحية وباردة وهوة لاحظ هاذة الشي ومتعجب من تصرفات ايموشة ويا فقرر يحجي وياهة بيوم من الأيام لكاهم كاعدين كلهم سوة فأجة وسلم عليهم وكعد وياهم اول ماكعد جان أدكوم أيموشة
أيموشة: اني استأذن اروح عندي شغل
فراس كام وراهة :عموشة شبيج
أيموشة: شبية! سلامتك مابية شي
فراس: لااكو شي متغيرة علية أدك عليج متردين اول مااجي ترحين حتئ ماتباوعين لوجهي وتكعدين تسولفين وياي
أيموشة: كتلك ماكو شي يعني شنو غصب تعالو سولفو واكعدو وياي
فراس: متاكدة ماكو شي مامزعلج بكلمة سامعة شي عني احجيلي
أيموشة: واني شعلية بيك وانتة منو اصلا لازعلانة عليك ولاسامعة شي عوفني بحالي
فراس: براحتج ماريد اضغط عليج هم صدك أحتمال لحيت هواي وياج
أيموشة: باي وبعد رجأن لادك علية
فراس :الله وياج
وراحو ثينهم كلبهم محترك. وانجرح حيل من تصرفهة ومن كلامهة بدون مايعرف السبب الخلاهة تسوي هيج وظلو واحد مايحجي وي الثاني فترة طويلة بس ثنينهم مامرتاحين ومتعودين يومية واحد يحجي وي الثاني ويسولفلة شصار ويا المرتاح بهاي الحالة بس ملك صار التريدة وفرقت بينهم
موسئ: اليوم أيموشة ماكو
سارة: مريضة ماداومت
موسئ: خير شبيهة سلامتهة
سارة: البارحة بليل اتخربطت ونقلوهة للمستشفئ ضغطهة نازل وعدهة فقر دم
زهراء: والله؟ !هسة هية وين
سارة. :بلمستشفئ العصر تطلع راح تاخذ اجازة كم يوم ترتاح عليهة هواي ضغط بلشغل
فراس ولا كأنما يسمع ولا مهتم ويلعب بموبايلة ماحجة ولاكلمة
موسئ: سارة أيموشة هم صديقتنة اي شي تحتاجة كليلنة انساعدهة ونوكف وياهة
سارة: ونعم منكم ماتقصرون
زهراء: موسئ خلينة العصر من تطلع نروح نشوفهة
موسئ: اي ليش لا ونشوف بلال وملك يجون ويانة فراس انتة تجي؟
فراس جاوب بكل برود: لا عندي شغل ومااعتقد ملك تروح وياكم روحو وحدكم
موسئ: ماشي لعد سارة نمر عليج لان مانندل بيتهم وانتي تعالي ويانة دلينة
سارة: أكيد
زهراء ظلت تباوع علئ فراس ومعاجبهة الصار
فراس: اني راح اروح من تكملون ريوك تعالو وراي حتئ نحضر للاستعراض
زهراء: لحظة فراس اني كملت راح اجي وياك حبي موسئ راح اسبقك ماشي
موسئ: ماشي هسة اجي مااتاخر
مشت وي فراس حتئ يرحون للكلاس
زهراء: فراس ليش ماتجي ويانة الايموشة
فراس: اعتقد كلت عندي شغل
زهراء: أي بس البنية مريضة الشغل يتأجل انتة اكثر واحد بينة جنت مهتم هسة ليش اتغيرت ترة خطية أيموشة ماتستاهل تعاملهة هيج
فراس عصب علئ زهراء وصاح بوجهة :خطية ؟! وشمسويلهة اني جاي تلومون بية هية الي شافت روحهة وظلت حتئ سلام متسلم مالي علاقة بيهة مريضة تريد تموت كلةجذب تريد تلفت انتباه لااكثر ولااقل
زهراء: من ارتبطت بملك وظليت تحجي وتتصرف مثلهة اطباعك كلهة تغيرت
فراس: ملك مالهة علاقة صدك لو كالت كلجن تغارن واضوجن منهة بكل موضوع حطيتن ملك اي التحجين عليهة كدامي قريبا راح تصير زوجتي فنتبهي لكلامج
زهراء: فراس. شوف حكلك شي بس لادكل لملك انتم ثنينكم اصدقائي ومااريد علاقتنة تخرب
فراس: شنو الشي؟
زهراء:ترة ملك هية الي اجت وهددت أيموشة كدامي ومنعتهة تحجي وياك وعلئ هاذة الاساس أيموشة هيج سوت
فراس وهوة متعجب ومصدوم : ماكو هيج حجي وليش ملك تسوي هيج؟
زهراء: مثل ماكتلك روح اسألهة حتئ اني استغربت من حجت وي أيموشة بس لادكللهة زهراء كلتلي تعرف بملك تتحسس وتزعل اني بس مااريدك تاخذ ذنب البنية أيموشة
فراس دنك راسة وهوة مستحي: مااشي اعتذر عطت بوجهج بدون مااعرف الموضوع
زهراء : لاعادي ماصار شي يلة امشي خنروح
فراس: يلة
اجة العصر وراحو بلال وموسئ وزهراء علئ سارة حتئ يرحون يزورون ايموشة وسولفو وغيرو جو بس أيموشة مقهورة لان فراس مااهتم ومااجة وياهم ظلت بكلبهة ومن راحو دخلت لغرفتهة مكتأبة وحزينة الكانونة بيدهة حطت راسهة علئ الجام مال شباك غرفتهة وجرت حسرة وظلت اتباوع منا لحد ماصار الليل وصاحتهة أمهة للعشة
أمهة: يلة بنيتي كومي اتعشي حتئ تاخذين علاجج
أيموشة: ماريد مااشتهي
أمهة : ولج. يمة مايصير لعد شلون اطيبين من لكمة الضهر
أيموشة: يمة كتلج مااشتهي من اجوع اكوم اكل
حسين: ها شكو شبيكم
أمهة: اتوسل بيهة علاكل تصيح مااشتهي
حسين: كومي اكلي شوية علواهس ويانة
أيموشة: فدوة لاضغطون علية اني يمتة مااشوف نفسي جوعانة اكل روحو اتعشو بلعافية
حسين: بكيفج يلة يمة عوفيهة براحتهة
وسدو باب الغرفة وراحو يتعشون وبقت أيموشة اتباوع من الجام منا لحد مااخذتهة الغفة ونامت بليل كلش جان يدك موبايلهة وكعدت علئ صوتة طلع فراس اليدك عليهة فجاوبتة
أيموشة: الوووو
فراس: الوووو عموشة كاعدة؟ اريد احجي وياج
أيموشة: اسمعك كوول
فراس: لاتعالي اطلعيلي اني برة
أيموشة: شنو؟ شتسوي برة
فراس: كتلج اريد احجي وياج اطلعي شوية مااتأخر
لبست جاكيتهة وطلعت اول مشافتة باوعتلة بعتب لان مااجة شافهة وهية مريضة وهوة اول مشاف الكانونة بيدهة شاغت روحة نقهر كلش عليهة
أيموشة: هلووو شنو هاذة الموضوع المهم المخليك تجي للبيت حتئ تحجي وياي
فراس: مااكو اهم منج
أيموشة: هه صدكت. كول شعدك
فراس تعالي نتمشة واسمعح هاي الاغنية بلاول بعدين نحجي خلة السماعة بأذنهة وبدو يمشون علئ كيف وخطوات هادئة الاغنية جانت لحسام الرسام
بعد ماخلصت الاغنية كعدو علئ درج وبدو يسولفون
فراس:اول شي الحمدالله علئ سلامتج
أيموشة: الله يسلمك
فراس: أي عموشة سولفيلي
أيموشة: شسولفلك؟
فراس: ليش هيج تتصرفين وياي وتدرين بية أحبج واعزج
أيموشة: مافهمت شمتصرفة وياك مثلا
فراس: ايموشة مو اتفقنة انكون اصدقاء ومحد يفرقنة ليش من اقل سبب اتخليتي وتغيرتي
أيموشة: لان اريدلك كل الخير ومااريد تصير اي مشكلة بسببي تهمني سعادتك وراحتك
فراس: اني عرفت كلشي بس ماادري ليش ملك تسوي هيج وياج برغم مارحت وخطبتهة وانتهة كلشي
أيموشة: اي اكيد عدهة مبرر مع هاذة اعذرهة هية تحبك وتغار عليك واي وحدة مكانهة جان سوت نفس الشي
فراس: عموشة انتي مو تحبيني وتثقين بية ولو ماثقين بية جان ماطلعتيلي بهلوقت واجيتي وياي
أيموشة: السالفة موسالفة ثقة بس اني بعد مايهمني شي ومااخاف منك او من غيرك شتريد اتسوي مثلآ ماراح تفرق اساسآ بلنسبة الي كلشي انتهة بحياتي الثقة والحب والصداقة ماعندي بس أمي
فراس: يعني مثقين بية؟
أيموشة: لا
فراس:رفع وجهة بيدة وباوع بعيونة هسة جاوبي ثقين بية لو لا
ضحكت أيموشة ونزلت راسهة بدون متجاوب
فراس: تدرين مشتاقلج مشتاق لصوتج لضحكتج لسوالفج ومن عرفت بيج مريضة مااعرف شنو صارلي بس كابرت ومابينت لاحد لان كلت ماتستاهل اضوج عليهة وهية ماتهتم بس طلعتي متمرضة علئ فراكي
أيموشة: ههه اي هم صدك امشي يلة خل اروح للبيت قبل مايحسون الوكت اتأخر
فراس :يلة كومي
راحو وصلهة للبيت يم الباب وكاللهة تصبحين علئ خير
أيموشة: اجمعين ...وفراس فدوة خل انظل علاقتنة سطحية حتئ لو بس كدام ملك لان خطية ماريد البنية تنجرح مني
فراس: ماشي
وظلو أيموشة وفراس علاقتهم اقل الصداقة يبنون للحواليهم شي بس همة بداخلهم شي ثاني واحد بقة كاتم علئ مشاعر الثاني ومايحجون ولايحاولون يطورون علاقتهم
............يا ترئ هل راح تستمر هاي الحالة راقبو الجزء السادس
أنت تقرأ
اصدقاء ولاكن
Romanceهل علاقة الصداقة القوية ناجحة بين بنت وولد. أيموشة وفراس اصدقاء بس _شنو الصار تعالو نعرف
