اصدقاء ولاكن

حياة عادية لجميع الاطراف لفترة من الزمن

ملك: فراس مو گأنو طولت خطبتنة شمنتظرين مانتزوج
فراس: اني سامع الولد هوة اليستعجل مو الابنية شبيج مستعجلة لاحكين علقفص الذهبي
ملك: موقصة مستعجلة بس مابيهة معنئ يعني ماناقصنة شي واني وياك واحد يحب الثاني من زمان ومنحجي
فراس: هه واحد يحب الثاني!
ملك: شبيك؟
فراس جر حسرة ودنك راسة: ملك يعني برئيج ضروري يكون حب قبل الزواج
ملك: اكيد
فراس: زين واذا اكو حب بس من طرف واحد راح ينجح الزواج ويستمر
ملك: شتقصد فراس؟
فراس: لامااقصد شي مجرد سؤال
ملك: برئيي اهم شي اكو حب طرف واحد ثنين اكيد راح واحد منهم يظل يحارب حتئ ياحافظ علئ حبة للثاني ومع الوقت راح واحد يتعود علثاني وتصير علاقة حلوة
فراس: ءففف والله ماادري اتمنة
ملك: شبيك ليوم شنو تتمنة
فراس: كتلج مابية شي اتمنة كل واحد يحب يتزوج اليحبة
ملك: انشالله مثلنة اني وياك مو
فراس: اممم
ملك: هسة مكتلي يمتة نحدد موعد لعرس
فراس: ماادري بكيفج يمتة ماتكونين جاهزة
ملك: صدككك! لعد راح ابدي اجهز كلشي من اليوم حتئ احدد موعد زواجنة
فراس: ماشي التردي سوي
ثاني يوم كعدو من وكت وتريكو وطلعو يتنزهون بلطبيعة وعلشط والبساتين مجموعين كلهم سوية ويسولفون ويضحكون فراس والشباب ظلو يشاقوون بلمي واحد يشمر الثاني بلمي بللو ملابسهم وتنكعو ففراس نزع تشيرتة لان مبلل وراد ينشفة فراس شاب طولة 185 وجسمة حلو ومعظل ويجذب أيموشة ظلت اتباوعلة شلون جسمة وشعرة مبلل فهوة انتبه الهة صاح علية وشمر عليهة مي وهم بللهة
أيموشة: لا فراس شبيك ليش هيج
فراس: شبيج صافنة أكو شي
أيموشة: شكو يعني واذا صافنة تبللني
فراس: يعني هسة انتي ضجتي من المي
أيموشة: رجائآ بعد لاتشاقة هيج شقة مو يمك أني
فراس: ايباااه أني اعلمج لعد وكام جراهة وشالهة ودفعهة بلمي وهية ظلت تصيح لاااا فراس والله مااعرف أسبح وهوة يضحك عليهة فجراةو وطلعهة من المي وهية ظلت اتظرب بي
فراس: ها ارجعج للمي هههه طلع جبار هههه
ولكل يباوع عليهم شلون يشاقة هوة وياهة ولاحظو شنو بينهم هلشي خلة حسين أخو أيموشة يضوج ويصيح بيهة
حسين: فراس كافي عوفهة وانتي أطلعي من المي لايصير بيج شي
أيموشة: أني شعلية هوة البدة
حسين: ديلة اطلعي داكلج
فراس: شبيك حسين شسالفة جاي نشاقة
حسين: هاذة مو شقة هاي خطيبتك واشاقة وياهة
فراس: أدري ترة عموشة صديقتي ماسويت شي
حسين: ميخالف حاول تخفف من الصداقة انتة رجال خاطب حافظ علئ مشاعر زوجتك المستقبلية البنات مايعرفن صداقة او شي ثاني
فراس: ماشي براحتك بس لاتضوج اعتذر
سارة: تعالي ولج شسويتي
أيموشة: شسويت؟
سارة: شلون ادخلين وي فراس تلعبون بلمي وهوة حتئ مالابس تشيرتة وكلهة تباوعلكم حتئ حسين ضاج
أيموشة :ياااا!  اني شعلية مو شفتي هوة الجراني
سارة: شفتة، وشفتج هم شلون تباوعيلة اكلتي بعيونج شبيج
أيموشة: عززة سارة تردين الصدك شفتي جسمة شلون يخبل
سارة: يااا ولج ههههه ملك ظلت اتباوعلج النار طلعت من راسهة من الغيرة
أيموشة: صدك هههههههه يلة نظرة ماتضر
سارة: اي والله انتي مابيج حظ ضيعتي من أيدج كم مرة اعترفلج وانتي تحبي ومتحجين حتئ لكل لاحظ هاذة الشي
أيموشة: شلون يعني منو الاحظ
سارة: فراس وياج غير شكل حتئ نظراتة الج من يباوعلج يطول ويبتسم ومن يجتمع ويانة ماعندة موضوع غيرج
أيموشة: يلة يمعودة كلشي بيد ربج قابل شراح يصير واذا سوة هيج هسة بس يتزوج ينسة
سارة: أتخيلي بس أنو كلشي نريدة يصير ونكعد ثاني يوم أنتي متزوجة الانسان التحبي ويحبج واني هم ونعيش بسعادة ههههه شيصير بلة
أيموشة: يمكن نموت من الفرح ههههههه
سارة: هههههه شلون يصير الماعندة حظ ههههههه
ظلن يضحكن وحدهة حظنت الثانية ومن حركة گلبهن الضحكة جذب وراهة ظلن يبجن
سارة: أيموش
أيموشة: هاااا
سارة: مبروك أتخبلنة
أيموشة: هههه أحسن
سارة: ديلة أمشي بدلي لاتتمرضين
وراحت أيموشة غيرت ملابسهة وأجة الليل وصار سوالف وضحك ومسامر واشعار وموسيقئ غنة
وفراس وهوة يغني يباوع الايموشة وأيموشة خجلت وباوعتلة ونزلت راسهة وهية مبتسمة وسارة وملك طول الكعد منتبهات الهم ولنظراتهم لبعض
ملك: صدك نسيت أبشركم قررنة أني وفراس نقرب عرسنا وانشالله بس نرجع أنحدد يوم زواجنة
الشلة: بيهة الخير
طبعآ هنا لون وجه أيموشة اتغير وختلفت ردة فعلهة وردت بكل حسرة: بيهة الخير يارب
فراس: أي بس بعدنة مامحظرين شي طبعآ بيد الله منعرف شيصير
ملك: شبيك حبيبي كول ياالله شيصير قابل
فراس: ماكلت شي هوة اني كلت بيد الله
ملك: الله كريم
حسين: الله يسهللكم أنشالله
زهراء:هسة المهم سرو شلون صرتي
سارة: بفضل الله وبفضلكم احس بتحسن والباقي انعوفة للايام
بلال: فعلا الايام هية علاج لكل شي
موسئ: خل أسولفلج قصة أكو أم عدهة ولد وحيد علئ سبع بنات وطبعا جان مدلل بينهن أجت أيام ومات الولد بهاي الحالة شيصير بأمة
سارة: تتخبل طبعآ
موسئ: بعد گلب والدة من كد حزنهة يومية تروحلة للمكبرة تبجي لحد ماتتعب يومية فأجاهة الدفان وكلله حجية ميصير يومية هيج نفس الحالة اتأذينة وتأذين روحج وكلشي ماتستفادين بعد راح مايرجع لادمع ولاشي كامت الام ادك وتلطم وحيدي ما المدلل أموت وراه مااظل  كاللهة حجية عوفي كلشي بيد الله والنسيان نعمة كالتلة اني أنسة أبني عمت عيني مرت أيام وظلت الحجية تخفف زياراتهة بلاسبوع مرتين كل شهر مرة منا لحد ماقلت أزياراتهة لابنهة وظلت بلسنة لو تروح لومتروح ففعلا. رب العالمين نزل النسيان نعمة ورحمة وانشالله يهون علئ گلب كل حنين ومحب
هنا أيموشة ظل نزلت دمعتهة وظلت تبجي
فراس التفت الهة: شبيج
أيموشة: مابية شي القصة أثرت بية ونقهرت
باوعتلهم سارة: موسئ
موسئ: هاااا!
سارة: ألام مات أبنهة بيد الله وموبيدهة حتئ ترجعة بس العايش وبيدة كلشي شلون
موسئ: شلون يعني مافهمت
سارة: خل أسولفلكم قصة أكو ثنين واحد يحب الثاني وواحد مايعترف بمشاعرة للثاني والكل يدري بيهم بس همة ينكرون ويكولون احنة اصدقاء بهلحالة شنو وضعهم بلة
موسئ عرف قصد سارة: اذا هيج ثيناتهم راح يعيشون بمعاناه مادام واحد يحب الثاني ويشوف الثاني بس عايشين حالة نكران اذا فعلا حب حقيقي مراح يكدرون يتخطو حتئ لو قررو يعيشون حياة ثانية
سارة: واني هم أكول هيج
ملك: هسة معلينة بقصصكم كلهة بؤس وحزن أحنة جايين نتونس مو نكلبهة دراما
أيموشة: اي صدك ياحب هاي السوالف بس بلمسلسلات
ملك: لاليش شوفي قصة حبنة اني فراس واقع
سارة: ههههه فعلا
ملك: ليش اضحكين بلة
فراس: كافي غيرو الموضوع ...اي حسين الوالدة شلونهة صدك نسيت اسألك وين خليتوهة
حسين: وديتهة يم خالتي اتغير جو
فراس: خوش اتسوي
.......رجعو ثاني يوم وكلمن راح لبيتة وبدت ملك اتحظر للعرس ومخبوصة بس فراس مامهتم كل همة يتواصل وي أيموشة ويسولف وياهة ويطلب رئيهة بكلشي شيسوي وشيختار وطبعا ايموشة جانت ويا لان تحبة وتريدلة لخير داست علئ كلبهة وتقبلت انو هوة الانسانة غيرهة وراح يعيش حياتة مو ياهة الئ ان اجة يوم العرس وفعلا ملك طلعت عروس حلوة ولاغلطة لان اصلا هية بنية حلوة وفراس انبهر بجمالهة بذيج اللحظة وكل المعزومين انعجبو بطلتهة وشكلهة