ياترئ اذا سارة حامل هل راح يتغير شي بحياتهم ويصير شي حلو ابيتهم؟ ثاني يوم كعدت سارة أيموشة حتى يروحن للمستشفى وتعرف سارة اذا جانت حامل اولا
سارة:امووووش اكعدي هاي بعدج نايمة مامحضرة روحج
أيموشة :المن احضر روحي
سارة :صدك عود نسيتي ؟ دكعدي حبابة خنروح للمستشفى مادام حسين راح
أيموشة:اوووو نسيت ٫يلة خلص دقايق ونطلع
سارة :مو تتأخرين
أيموشة:لاماعندي شي
كعدت ايموشة غسلت وفتحت كنتورهة لكتة بشكل فوضوي لبست اي شي كدامهة وشالت شعرهة بدون ترتيب وطلعت
سارة:شنووو هاي هيج راح ترحين
أيموشة :اي هيج بيهة شي
سارة :طبعآ بيهة شي يعني شنو ماودج تجين وياي مامتحمسة وفرحانة مثلي
أيموشة :سارة باعي لخاطر الله علمودج راح اطلع من لبيت ترديني اجي وياج ماتردين هسة ارجع
سارة :خلص خلص امري لاالله امشي يلة
سارة شابكت أيدهة بيد أيموشة وبتسمت بوجهة ومشت هية وياهة وجانت أيموشة بحالة أكتئاب وماودهة تطلع كلش هادئة ومتسولف
سارة :كلش متحمسة ومتوترة شدكولين حامل لولا
أيموشة:ماادري نايمة وياكم اني
سارة:أيمان شبيج احجيلج شي أيجابي
أيموشة:انشالله حامل
سارة :انشالله ٫ اذا طلعت حامل راح تفرحين
هنا تذكرت كعدتهم وي أمهم من جانو يسولفون شلون يربون ابن حسين ويتعاركون علية وهوة مجاي للدنيا سكتت شوية اختنكت جرت حسرة
أيموشة :أكيد افرح هوة هاذة هم سؤال
بعد فترة قليلة من انتضارهن اجة دور سارة ودخلت للدكتورة وراهة طلعت وبيدهة ورقة باوعت على أيموشة
أيموشة :هااا بشري
سارة :راح تصيرين عمة مبرروك
حضنت أيموشة وفرحت بهاذة الخبر
أيموشة :مبروك يارب يتمملج على خير ويتربة بعزكم
سارة :أمييين يارب
وبطريقهن بلسيارة سارة همست لأيموشة
سارة:برئيج شلون أكل لاحسين بلخبر شنو الطريقة الأفاجئة بيهة
أيموشة :ماعرف بس الأفضل انو تكليلة بلغرفة وحدكم يعني فكري بطريقة
سارة :ماشي ...أكلج شكلتي على موضوع الدكتور النفسي
أيموشة:سارة ماعرف مافكرت بأي شي ولااريد افكر شتريدين تسوين سوي
سارة :اكيد اني ماريد اشوفج هيج تعبانة نفسيتج ومتحطمة مادامنة طالعين خل نروح نحجز على دكتور واذا ماعجبج الوضع لاترحين بعد جربي وشوفي
أيموشة :ماشي سارة كتلج التردينة سووي
سألو على دكتور معروف وزين فدلوهن على دكتور "عمر السبعاوي "
فحجزن عند الدكتور وبنفس اليوم جانت المقابلة من اجة دور أيموشة وطلب يقابلهة الدكتور اول مدخلت للغرفة تفاجئت جانت متوقعتة يكون دكتور كبير بلعمر بس جانت مفاجأة دكتور عمر
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
اصدقاء ولاكن
Romanceهل علاقة الصداقة القوية ناجحة بين بنت وولد. أيموشة وفراس اصدقاء بس _شنو الصار تعالو نعرف
