اصدقاء ولاكن

الجزء الراح يرجع بي أبو أيموشة لحياتهم بس شيريد وشراح يصير

ورة مارجعت ايموشة من النادي وحسين هم رجع من الشغل كعدو ارتاحو وتغدو وسارة تباوع علئ أيموشة وتشوفهة شاردة ودكول بينهة وبين نفسهة "هذولة شبيهم الثنين فراس وايموشة بس لاهم رجعو تزاعلو اشو بس يتصفنون "ورة ماخلصو غدة سارة شيل بلماعين وراحت تغسلهن
أيموشة: شسوين عوفيهن اني اغسلهن روحي ارتاحي
سارة: لايمعودة ماعندي شي خل اغسلهن
أيموشة: دعوفيهن اني اريد التهي بيهن
سارة: ماشي لعد راح اوكف يمج نسولف حتئ تخلصينهن بسرعة
أيموشة: هففف شنسولف؟
سارة: شبيج هم تزاعلتي وي فراس
أيموشة: لا ليش
سارة: لعد احجيلي شكو اليوم فراس وصلني للبيت وحسيتة ضايج
أيموشة: شبي
سارة: شدراني اكيد انتي تعرفين الطريق كلة يأفأف ويمشي سريع وماحجة ولاكلمة لاسولف ولاتشاقة ولاضحك كالب خلقتة ومن نزلت ساق السيارة بسرعة ومدري وين راح
أيموشة: خيولي يدخل بكلشي متعارك وي بلال لان كايلة اريد اخطب عموشة يكلة لاتخطب عموشة وبس اني اصيحلهة هيج
سارة: ههههه شلون يخطبج بلال اي وانتي شكلتي
أيموشة: ماكلت شي كتلة افكر
سارة: يعني من كون فراس علئ هاي ضايج يريد كلشي بس اله لج لو تشوفي شلون معصب وعيونة حمر اول مرة اشوفة بهيج حالة اني لومنج اوافق واحرك كلبة
أيموشة: شنو هلحجي سارة يعني معقولة اني اقرر قرار مصيري متعلق بحياتي علمود احرك كلب شخص مااكدر اخاطر بلال مااعرف عنة شي نروح نخطب او تنزوج ومنتراهم افسخ لو اطلك للمرة الثانية لا ميصير
سارة: وليش اسمالله تطلكين للمرة الثانية بلال مومثل زوجج الاول شاب بعمرج ومثقف اكيد راح تعيشين ويا غير شي
أيموشة: موشغلة عمر شغلة مشاعر يمكن يتغير مع الوقت ويصير فتور ومشاكل لان بلال يريد يتزوجني عناد و غيرة بفراس
سارة: انتي ادرة هاي حياتج وانتي حرة اختاري الشي اليناسبج وانشالله خير
أيموشة: انشالله ....صدك ولج خلصت الماعين بسرعة ههههه
سارة: لعد شكتلج
أيموشة: يللله يلة روحي يم رجلج المن لازكة بية راح اروح انام ميتة تعب
سارة: ماااشي
راحت ايموشة علئ غرفتهة وتمددت بجربايتهة لزمت الموبايل لكت13 مكالمات من فراس "اهه شكو هلمرة "رجعت دكت علية
فراس: الوووو
أيموشة: الووووات شنو خير داك علية 13مرة
فراس: اي وين جنتي
أيموشة: جنت اتغدة ومخلية الجهاز صامت ماادري بي
فراس: ممم تدرين لحد الان ماراجع للبيت ولامتغدي
أيموشة: ليش؟
فراس: افكر بيج وبكلامج اكول شلون اذا عموشة اتزوجت من صدك شلون راح اتحمل فكرة انو تنام بحظن رجاال ويبوسهة ويشمهة
أيموشة: هلووو وانتة شنو وتفكر بية بعدين موهل انت وملك متزوجين وتشمشمون وتبوسون
فراس: عموشة علاقتي بملك غير مومثل ماانتي تتصورين
أيموشة: اها يعني مثلا شلون اتصور جاي تلعبون حية ودرج وحبلت ملك من الزار
فراس: عموووشة عموشتي لاتوافقين بغلاتي
أيموشة :اول وتالي اني راح اتزوج ويجي يوم تشوفني بحظن رجال وحامل منة
فراس: انتي اتخلين نفط علنار البكلبي من تحجين هيج
أيموشة: فراس تعبانة اريد انام يلة بااي
سدت الموبايل وخلت ايديهة جوة راسهة ونامت صفح جرت حسرة وكالت لروحهة "شتريد فراس ليش هيج ادكلي وانتة لاتملكني ولااملكك ليش متريدني اعيش حياتي وانتة عايش حياتك ليش من اكلك انتة مجرد صديق متتصرف علئ اساس هاذة الشي ههههف يربي شهلحساس المتعب"
بنفس الوقت فراس رجع الكرسي مال سيارة لورة وهم حجة وي روحة " اذا وافقت شلون راح ينطيني گلبي اشوفهة ابدلة العرس وبلال ياخذهة وينام يمهة وتصير الة شلون راح اقبل واني احسهة مالتي اوووف عموشتي معقولة تصيرين لغيري " نزلت دمعتة مسحهة وجر حسرة اووف يايمة نزل من السيارة وباوع للسمة "ساعدني ياربي"
ورة يومين راحت أيموشة لبلال حتئ دكلة شنو قررت
أيموشة: هلوووو
بلال: هلا بلعافية شلونج
أيموشة: الحمدالله. بلال اجيت اكلك بخصوص الموضوع الكتلي بي
بلال: اي كوليلي انتظر ردج
أيموشة: بلال لاتزعل مني صراحة مامفكرة بلزواج هسة وصدكني علاقتنة الصداقة احلئ من الزواج هواي اني فكرت بلموضوع هواي وماكدرت اشوف روحي كزوجة. لشخص ماعدي مشاعر تجاهة مااريد اضلمك وياي
بلال: ليش زين جربي بفترة الخطوبة ممكن تحبيني مع الوقت وتتعودين علية
أيموشة: لا هية مو تجربة لو سالفة وقت بس مااكدر صدكني واعتذر منك انتة صديق عزيز علية
باوعلهة وابتسم بلال: هه فراس مو؟
أيموشة: لا فراس مالة علاقة واني اكدر اخذك عناد بي لان يدخل هواي بحياتي بس ماريد اخليك طرف ثالث بمشاكلنة وعلئ فكرة فراس صديقك قبل لايعرفني ياريت اتسامحة علسواه هوة عصبي وانتة تدري بي من اقل شي يتنرفز بس والله حنين وگلبة طيب
بلال: أدري ادري. علعموم الله يوفقج وتشوفين اليناسبج واليحبج وتحبينة ويدير بالة عليج
أيموشة: أمانة خومازعلت مني
بلال: لابلعكس ماسويتي شي غلط حياتج وانتي حرة مااكدر اجبرج علية والحب موغصب
أيموشة: شكرآ لان فهمتني راح انظل اصدقاء وبس احسن واحلئ تمام
بلال: تمام يلة اروح اني اخذي راحتج
أيموشة: بسلامة
رجعت لشغلهة بلكافتريا كل هاذة جان فراس يراقبهة من حجت وي بلال وجان عندة فضول يعرف شنو جان ردهة راح عليهة للكافتريا لكاهة مخلية سجل الحسابات وملتهية تسجل
فراس:هااا هم شغل
أيموشة: لعد شسووي
فراس: مساع شفت بلال دخل للنادي خاف تردين تحجين ويا
أيموشة: ادري وحجيت ويا
فراس: أمممم وشكلتيلة
رفعت راسهة علية: وانت شكو مولازم تعرف كلشي
فراس: هسة صرت مولازم اعرف كلشي لعد شلون انتة صديقي المقرب ومااضم عنك شي براحتج مبين وافقتي ومن هسة غيرتي علية لعد خل اروح اعتذر  ضوجتج
دار وجهة وهوة ضايج يكسر الخاطر مشة مسافة صغير
أيموشة: موافقت
أبتسم ورجع عليهة: موافقتي؟! ليش
أيموشة: فراس اني مومثلك من احس روحي ضايعة ومااعرف شريد اروح اتزوج حتئ انسة اورط روحي والناس وياي
فراس: كووومي تعالي وياي عوفي كلشي من ايدج وتعالي
أيموشة: وين هلمرة
فراس: كومييي معليج
جراهة من ايدهة واخذهة راح علئ درج النادي ظلو يصعدون منا لحد موصلو السطح
أيموشة: شنو تريد تشمرني من فوك
فراس: والله انتي تستاهلين الشمر بس لا موهسة اكتلج واخلص كلبي من شرج ..اسمعي لج الزركة وشوفي زين هاذة جزء من العالم متروس بنات متوكف الدنيا علئ واحد بس اني الله طيح حظي وخلة كلبي يعوف البنات كلهة ويحبج
أيموشة: اكلك شي هاذة حبك كلة مجرد وهم بس اكلك اي واني هم احبك وتتقرب علية وتاخذ الشي التريدة راح يختفي هاذة الاحساس وراح اصير بنضرك بنية عادية وراهة تحاول تبتعد عني ومااهمك بعد
فراس: ظلت تمسلت لج بابة اني رجال متزوج الشي الاريدة اخذة من زوجتي بلحلال بعدين اذا اريد اسويهة خايف منج لو منتظر موافقتج هسة احنة وحدنة واكدر كلشي اسوي منو اليدري بس الله أني أحبج افهمي مستحيل افكر أأذيج او اتقرب عليج زين
أيموشة وهية تحجي ويا تتقرب علية شوية شوية منا لحد ماصارت قريبة كلش علية ووجهة كدام وجهة نصت صوتهة وحجت ويا بهدوء:هاااا ! وشكو بيهة الحياة تجارب ليش الواحد يخلي شي بنفسة خلينة نعيش التجربة مرة وحدة ونبرهن لروحنة منو الصح ومنو الغلط
فراس:كلامج صح التجربة خير برهان
بهاي اللحظة خدر ظل يباوع لشفايفهة غمض عيونة ونزل عليهة راد يبوسهة فجأة ضربتة أيموشة راجدي خفيف وأبتسمت
أيموشة: اصحة يلثكيل انتة رجال متزوج قبل خمس دقايق جنت مستحيل تتقرب مني
فراس: يعني جنتي تختبريني؟ اني اعلمج الزركة الة صدك اشمرج من فوك
لزمهة وقربهة من يم الحايط وهية تصرخ
أيموشة: لا فراس لاااا والله اخاف من المرتفعات فدوة عوفني
من تقربت باوعت لجوة وهوة لازمهة بسرعة صرخت وخافت دارت وجهة وحظنتة خلت راسهة بصدرة وهية خايفة و ترجف
أيموشة :فدوة فراس خلننزل موهيج اكالتني غير طريقة غركني اخنكني اضربني سجينة طلقة بس موتشمرني من فوك
فراس متعجب علئ رد فعلهة: عموشة صدك تحجين ليش هيج ترجفين لج اشمر روحي وراج اموت وماسويهة اشاقة وياج شبيج ماتوقعتج هيج تخافين من الاماكن العالية تعالي ننزل غسلي وجهج اشربي شي راح يوكف كلبج
نزلو راحو كعدو غسلت وجهة جابلهة مي وهية تشرب يباوع عليهة وجهة صار اصفر وايدهة بعدهة ترجف حس بغلط وخاف يصير بيهة شي بذيج اللحظة
فراس: اسف والله موقصدي اخوفج تردين نروح للمستشفئ تقيسين ضغطج نشوف كلبج حالتج مو طبيعية
أيموشة :لا لا هسة شوية واهدء ..صدك فراس اذا تعزني وتحبني حاجي بلال مااريد اصير سبب خراب علاقتكم
فراس: لاانتي شعليج هوة يضوج مني ويحب يغثني
أيموشة: ميخالف صديقك ويمون عليك لخاطري
فراس: ماشي بس صيري زينة كلشي يهون
أيموشة: فديتك
فراس: لو اكلج امشي اخذج للبيت ارتاحي هناك من تصيرين زينة داومي
أيموشة: شلقصة مابية شي لاتكبرهة
فراس: امشيييييي
وداهة للبيت ورجع للنادي اخذالهة اجازة يومين
سارة: ها خيرج اليوم من وكت
أيموشة: سالفة طويلة ارتاح واسولفلج...حسين موجود ؟
سارة: اي اليوم مطلع للشغل يكول اريد اشبع منج ههه
أيموشة: هههه الله يخليكم البعض سارة لج ترة حسين كلبة طيب وتشوفينة جسم وعضلات والله حالة حال الطفل
سارة: اعرف والله شايفة شيكلي يكلي من ادخل البيت واشوفج انتي وامي واختي تسولفن وتضحكن الدنيا متوسعني يبوس ايدي وراسي ويكول الحمدالله رزقني مرة معدلة ومن ينام بحظني صدكيني احسة ابني بديت احبة اكثر من روحي
أيموشة: كافي راح ابجي. يارب ادوم المحبة تستاهلون كل الخير
سارة :يعمري تسلمين يوم الالج وتعيشين هيج احساس
أيموشة: انشالله ...يلة كومي كومي خل انام شوية كاعدة من الصبح عود كعدوني علغدة
سارة: هاولج اطرديني الة انام يمج
أيموشة: شكو روحي نامي يم ابنج اني ماافيدج
سارة: ههه عود غارت انتي هم اختي واريد انام يمج
أيموشة: ههه ماشي
ورة شوية دك عليهن حسين الباب لكاهن وحدة نايمة يم الثانية
حسين: هاي شنو شكو
سارة: خل افهمك مومثل ماانتة اتفكر
حسين: ولج شفكر خبلة شعدج هنا
أيموشة: هههه صارلي ساعة اطرد بيهة لزكت الة تنام يمي
حسين: دكووومي كومي امشي كدامي اني ماكاعد من الشغل حتئ تنامين يم اختي
سارة: لا موشنو
حسين: لاشنو ولا منو كومي كدامي للغرفة خل اطيح حظج
سارة: حاضر سيدي
أيموشة: ههههه مايستحون.خل انام احسلي هاي فخ للارتباط مااكو احلئ من السنكلة
نامت من كعدت راسلهة فراس حتئ يطمن عليهة