اصدقاء ولاكن

الجزء الي راح يغير مجرة العلاقة ونضرة فراس وأيموشة لبعض احداث جديدة راح تبدي

أجت أيموشة وكعدت وياهم
أيموشة: مرحبا
فراس وهوة يباوع لايموشة بنضرة فضول: مراحب شلونج
أيموشة: تمام
بهلاثناء اجت ملك بسيارتهة بنية بيضة وشعرهة ناعم وطويل واشقر وعيونهة خضر مواصفات يتمناهة اغلب الشباب اجت وكعدت وياهم
ملك: صباحووو!
سارة وعموشة: صباح النور
فراس: اني مايحتاج انكلج صباحو انتي الصباح يكلج صباحو
ملك. :ههههه كافي خجلت
سارة فرت ايدهة
ملك: ها شبيج مبين ماعاجبج
سارة: سلامتج حب انتي تخبلين وين اكو منج
ملك: اعرف بروحي احلئ وحدة بلنادي وباوعت علئ أيموشة وهية تحجي الشباب الهنا كولهة تتمنئ ااشرلهم وضاغطة البنات
سارة: اي صحيح وكالت بصوت خفيف الذبان يلتم علزبل ضحكت ايموشة
ملك: اكو شي يضحك
أيموشة: لا هيج شفت منشور يضحك
ملك: أكول أيموشة مدري شسمج نسيت
أيموشة تدري بيهة تحب فراس سارة كالتلهة فحبت اتضوجهة شوية
أيموشة: "اي حبي اسمي ايموشة بس فوفو يصيحلي عموشة
ملك: فوفو! ؟
فراس ضحك: هههه اي وعموشة تصيحلي فوفو ههه
ملك: شدعوة هيج مكشر كرت عين امك المهم اكول أيموشة انتي مرتبطة لا ؟
أيموشة: لاممرتبطة وحتئ تضوج ملك باوعت لفراس وكالت بس افكر ارتبط
سارة باوعت متعجبة: تفكرين ترتبطين! ؟ من يمتة هاذة الكلام
أيموشة ظربت سارة من جوة الكرسي حتئ تعرف انو خطة
أيموشة: من اشتغلت بلنادي
ملك: قصدج بلكافتريا مال نادي ههه منو بس لا أحمد قصدهة العامل اليشتغل بلكافتريا
أيموشة: ويكون أحمد شنو مو بشر
ملك: لابشر بس البشر مستويات واعتقد هوة من مستواج
فراس: كافي ملك
ملك: ليش شحجيت
سارة: يلة غيرو الموضوع كلنة سواسية عند رب العالمين محد يحجي علمستوئ بس العندة نقص بحياتة
ملك: شتقصدين ؟
فراس: كافي شبيجن اليوم
أيموشة: هه يلة اترخص
ملك: وين؟ توهة حلت الكعدة
أيموشة: رايحة لمستواي اكمل شغل عن اذنكم
سارة: ارتاحيتي هسة من صباح الله اتذبين سم علعالم هاذة نقصج ماعندج ذوق بكلامج
وراحت سارة لحكت ايموشة لان تعرف انو صديقتهة ضاجت ونقهرت
ملك: شبيك اشو سكتت
فراس: شحجي بعد
ملك: اشوفك ضجت
فراس: صراح ضجت مايصير تحجين هيج شنو مستواج شنو مستواي. البشر باخلاقة وانتي ملك بنية حلوة لاتخربين شكلج باخلاقج
ملك: شبيك فراس تنطي بية علمود وحدة متعرفهة
فراس: خلص سدي الموضوع خل اخابر موسئ اشوفة وين
سارة: أيموشة لحظة
فدوة لاتضوجين من كلامهة. اعتبري روحج ماسمعتي شي
أيموشة: لا وليش اضوج ماحجت شي غلط البنية صح اني جاي اشتغل هنا مو من حقي اكعد واسولف وياهم كل واحد ارقة سيارة واكبر قصر وحايرين وين يودون الفلوس اني شجابني علئ هلسوالف
سارة: لا تحجين هيج يرحولج فدوة همة واملاكهم مايوصلون لشعرة من راسج انتي غير ضلعتي
أيموشة: هه ماشي روحي خل اكمل شغل نلتقي بلطلعة
سارة: ماشي باي مححح
راحت سارة لاكت اصدقاهة الباقين ونسد الموضوع
بس يم أيموشة مانسد ظلت اتفكر ومتعرف تشتغل استاذنت من ابو الكافتريا
أيموشة: بس من رخصتك استاذ خمس دقايق وارجع
صاحب الكافتريا: ماشي مو تتأخرين
ايموشة :ماشي
وراحت للحديقة مال نادي لكت مكان فارغ وبعيد محد بي جرت حسرة طويلة بخنكة اووووف انتجت علحايط وظلت تبجي
الشلة جاي يدربون علئ عزف موسئ علاورك وبلال علعود وسارة تنظم الديكور وزهراء اتغني وملك مشرفة علتصميم وفراس مشرف علفرقة. والتقديم ومرات يغني وياهم فاثناء التريب يتجول بلكلاس وكف يم شباك الصف بدون مينتبه انو أيموشة دا تبجي جوة ظل يباوع منا لحد ماشافهة ظل صافن ويباوع وبذيج اللحظة باوع لملك بنضرة حقد وكره تصرفهة وي أيموشة