مشت الايام وبنفس المنوال بين مرت ابوي وضيمها وبين الشغل بالبيت وبين الوحده الاعيشها والاحساس الغريب وطيفي الي ماشوفه الى ان
لميعه:ابو نور بنتك كبرت والعين عليها اخاف لتسوينه مكسوره خلي نزوجها
ابو نور:كيفج حبيبتي اذا اكو احد متقدملها ماكو مشكله
لميعه:تتذكر سعد ابن اختي الزوجته متوفيه خطيه رايد مره تدير بالها على جهاله
ابو نور:اي والله سعد خوش ولد ويستاهلها
وهمة جاي يحجون نزلت سمعت كلامهم عرفت ان مرت ابوي تريد تخلص مني يعني هسة انا صرت ثقل عليها رجعت لغرفتي رميت نفسي على السرير وكمت ابجي من كل قلبي بدهم يزوجوني لواحد اكبر مني ب٢٠ سنة ولله حرام وعند جهال بعد عندة بنية و ولد شنو اسوي ضليت ابجي وابجي الى ان غفيت شفت نفسي امام البحر على الشاطئ و لابسة بدلة قصيرة بيضة و فجئة اجة طيفي مساعدي سندي الذي يخفف علي ويقويني يجي يوكف يمي يحط ايدة على جتفي ويكلي : شبيج حبيبتي ليش ضايجة
هنا بدت دموعي تنزل ما ادري شنو اكول بدي اصرخ واكلة لا تتركني و اكلة يخططون يزوجوني بس هوة فهمني من عيوني او قرأ افكاري او كال : هسة اجة دوري حبيبتي
نور : شنو تعني
كال : اولا خلي اعرفج نفسي اسمي ياسر
نور : ياسر
ياسر :اي ياسر من عالم الكونيين
نور : شنو تقصد بالكونيين
ابتسم او كال : يعني من عالم الجن مثل ما تسمونة
نور بصدمة : جن لو من عالم الاحلام انا ما اشوفك بس بالحلم
ياسر : انا اجي بالحلم اخفف عنج ما اجيت بالحقيقة حتى لا تخافين مني و تكرهيني
نور : اكرهك ! ليش اكرهك ؟!
ياسر : خلاص انتي عرفتيني هسة يعني اذا اجيت بالحقيقة ما تخافين صح !
هنا انا بعدني مصدومة بس تقبلت او كلت لة : لا ما اخاف
كال ياسر : عندي سؤال
نور : شنو تفضل
ياسر : تحبين سعد لو لا ؟
نور : لا ما احبة ما احبة لا تذكر اسمة كدامي رجآئا
ياسر : تحبيني ؟ نور جاوبي عن سؤالي تحبيني ؟
ما كدرت اجاوب صحيح انا متعلقة بي بس ما ادري احبة لو لا ما جاوبت سكتت او نزلت راسي للارض رجع سألني ياسر : نور تحبيني ؟ جاوبي لا تسكتين
كان يسأل بترجي بس انا ما يطلع الحجي من حلكي ضليت ساكتة حجة هوة بتغيير للموضوع ياسر : نور انا راح اروح هسة او اجي الج بالحقيقة مو تخافين مني هسة انتي تخافين لو لا جاوبي سمعيني صوتج
نور : لا ما اخاف منك اصلا ما اكو شي يخوف
و اختفى ياسر و كعدت من النوم عل صوت باب غرفتي يندك صحت : منو ؟
ابو نور ( طارق ) : انا بنتي اكدر ادخل
نور : تفضل بابا
طارق : نور شلونج بنتي
نور وية نفسها ( ستوك دريت انا بتك) جاوبت : بخير
طارق: محتاجة شي بنتي
نور وية نفسها ( محتاجة حنانك محتاجة ابو يحس بية ) : لا بابا ما محتاجة شي
طارق : بنتي اجيت افاتحج بموضوع
نور : تفضل
طارق : اليوم خطبج شخص
نور : شنو بابا تريد تزوجني ؟
طارق : اي بنتي صرتي جبيرة او على وجه زواج
نور برفض : لا بابا ما اريد زواج
طارق : بنتي خطبج سعد ابن اخت خالتج لميعة
نور : بابا كتلك ما اريد زواج او سعد جبير علية او عندة جهال و انا مو على كد المسؤلية رجائا بابا ما اريد سد الموضوع
طارق بعصبية : ما اسد الموضوع تتزوجي يعني تتزوجي خليني محترمج فكري بالموضوع عندج سبوع ورديلي خبر يفرحني ماشي.
طلع و سد الباب بقوة عورت قلبي و انا ما ادري شنو اسوي شفت الساعة ٨:٢٣ م
