ياسر قبل ١٦ سنه ...
جنت بالمكان المفضل عندي دائماً اكعد بي هوه عباره عن صحراء محد يوصلها الا ماندر
فجاه سمعت صراخ مره التفتت وشفت مره عمرهه ب٢٠ سنه وصراخهه كلش عالي ووياهه رجال يصيح ياناس ساعدوني ماعرفت شبيهه المرا وشجابهم الهنا بس عرفت ان همه انسيين
ضليت صافن على المرا وهيه متمدده على الارض وتصرخ بكل صوتها تقربت منها وشفت دم يملي الارض والرجال لازم شي يشبه الدميه ونازع قميصه ولافه بي تقربت اكثر وشفت بايده كائن صغير كلش بشرته حمره ببياض وعيونه متفتح والمرا هدات وشفت الرجال يبجي ويلمس نبضها عرفت هاي المرا ماتت بقى الرجال للفجر واجوي ناس اخذوه واخذو البنيه وجثه المرا
صابني الفضول ولحقتهم شفتهم راحو للمستشفى اخذو المرا والكائن الصغير
جانت المر متوفيه والكائن العجيب كالو بحاله خطره بقيت افكر وصابني فضول حسيت هلكائن يهمني ومحتاج مساعده رحت لمكتبت عالمنا ودورت كتب عن الانس وبديت اقرا عنهم عرفت ان هاذ الكائن هسه ولدته امه وهاي بنت طلعت كتب عن امراض الانس بس ماعرفت شنو مرض الطفله
رحت لمكتبة عالمنا طلعت كتب خاصة بحياة البشر دورت عن الحالة اللي بيها الطفلة لكيت هاي الحالة تعني ضيق بالتنفس دورت عن العلاج وانا جاي ادور اجا ناحيتي دكتور من دكاترة عالمنا حط ايدة على جتفي و كال: عن شنو تدور جيلينور
ياسر ( جيلينور) : سيدي ادور عن علاج لضيق التنفس
الدكتور : بس هذا مرض من امراض البشر
ياسر ( جيلينور) : اي بس..........
الدكتور : ما اريد اعرف السبب بس راح اكلك العلاج
ياسر (جيلينور ) : صدك ارجوك كللي شنو العلاج
الدكتور : اكو عشبة في احد كهوف الموجودة على قمم الجبال في شمال كاتانا في عالمنا
ياسر : شنو شكلها ؟
الدكتور : عشبة بلون اصفر مائل للاحمر
ياسر : شكرا سيدي مع السلامة
الدكتور : دير بالك على نفسك
رحت بلحضات الى جبل كاتانا دخلت الكهف جان مضلم و يخوف دخلت شوي شوي ما لكيت اي شي بس طحالب الكهوف طلعت من الكهف لكيت عدة كهوف ضليت افكر بأي واحد ادخل تركت كهفين و دخلت بالثالث هم جان ضلمة بس كدرت اشوف لكيت عشبة وحدة بالكهف اخذتها بفرحة و رحت للمكتبة ادور عن الدكتور واخيرا لكيتة كتلة : سيدي لكيت العشبة هية لو لا
ومديت ايدي الى وكان بيها العشبة
كام الدكتور من مكانة و عانقني و كال : تدري هاي العشبة تنبت كل الف سنة
ياسر بدهشة : الف سنة !
الدكتور : اي الف سنة
ياسر بحيرة : سيدي هسة شنو اسوي حتى استخدمها ك علاج
الدكتور : حطها بين ايديك و انفخ عليها
ياسر بعدم تصديق : اووووووف وهاي نفخت بعد شنو
الدكتور : افتح ايدك.
فتحت ايدي لكيت الورقة يابسة
الدكتور : روح فتتها و حطها يم خشم المريض و انفخ على وجها هسة يكعد
ياسر: شكرا
الدكتور : عفوا
طلعت مستعجل رحت للمستشفى لكيت الطفلة نايمة ببراءة بصراحة عجبني جمالها و هدؤها سمعت طكطكة يم الباب بسرعة فتت الورقة و حطيتها على خشمها و نفخت فجأة صرخت الطفلة و تفاجأ الجميع و دخلوا الغرفة والكل حول الطفلة و ابوها يبجي وهوة يكول: انتي تشبهين امج نور وانتي تشبهيها راح اسميج نور حتى ما انسى امج كل عمري
حضن الابو الطفلة وكام يبجي بحرقة على فقد زوجتة وبعدها اخذ الطفلة و اعطاها الاختة سارة وكللها اعتني بنور او اخذ اغراضة و سافر لمدة سنتين وطول هاي السنتين جان ياسر يراقب نور بكل لحظة كيف تكبر كل يوم اما سارة كانت كل يوم تصور نور و تدزها لطارق بلكت يحن قلبة عليها و يرجع او تسجل صوتها تصرخ او تحجي و تدزهم الة و اخيرا اجة اليوم الموعود و رجع طارق من السفر دك الجرص و سمع صوت طفلة تركض باتجاه الباب و تصيح: الة باب ددك لح اتح( خالة الباب يندك راح افتح )
سارة : نوووور لا تفتحي الباب
نور راحت تركض فتحت الباب جان الواكف بالباب طارق شال نور و حضنها وكام يبجي ويكول : شتاقيتلك نور
سارة تفاجأت وكامت تبجي وكالت: طارق رجعت
طارق تقرب منها و حضنها وكللها : ما راح اعوفكم مرة ثانية
وجان ياسر يتابع كل الاحداث و يبجي على فرحهم
وبعد مدة تقدر بشهرين اقترحت سارة على طارق يتزوج علمود يجيب مرة تهتم بنور فوافق طارق على اقتراح اختة و خطبتلة سارة من بنت اسمها لميعة وهنا بدت معانات نور بس ياسر جان خايف يطلعلها بس يريد احد يواسيها و كام يطلعلها بالحلم وانتها الموضوع يردون يزوجوها وياسر ما يدري شنو يسوي
