مر الاسبوع بسرعة على نور وهذا اليوم الاخير من الاسبوع اليوم لازم تقرر نور وتحدد مستقبلها توافق على سعد لو لا شنو موقف ابوها كيف راح تواجة ابوها وللي زاد الوضع سوء ان ياسر ما اجالها ولا مرة ولا خفف عليها شوي نور في حيرة نزلت الصبح تتريك دخلت سلمت عليهم
طارق و لميعة : وعليكم السلام منورة هاليوم
نور : النور نوركم
كعدت حتى تاكل بس نفسها مسدودة طبعا هاي الايام لميعة صارة حبابة وياها بس علمود توافق على سعد كل شوي تراويها صور سعد كل شوي تطلع صور فساتين و مكياج او غرف بس نور ما تنطي اي رد ايجابي ابد طلع ابو نور من البيت او قبل لا يطلع كل لنور : نور هاليوم اريد جوابج
طبعا نور انزعجت او صعدت الغرفتها حتى تبجي من كل قلبها تطلع الحركة لان ما تكدر بعد تتحمل صرخت او صرخت الى ان حست بضوء قوي يلمع من الشباك رفعت راسها بدأ الضوء يختفي و طلع من خلف الضوء ياسر
نور من بين دموعها : يا...سر ان..ت ياسر
ياسر تقرب منها كعد على السرير او قرب ايدة من راسها او مسح على شعرها حست بالهدوء بالراحة نامت نور و الدموع على عيونها
و تناشق من كثر البجي اما ياسر كعد ايباوعلها يتأمل بوجهها شافها حلوة اكثر من قبل كل ما يشوفها كل ما يتعلق بيها اكثر نامت نور لمدة ساعة تقريبا من كعدت رفعت راسها عن المخدة لكت ياسر حاط راسة على طرف السرير او نايم او حاط ايدها بين ايدينة حست بأيدة ناعمة تأملت وجها شافته يختلف عن وجوه البشر وجها بي شي يختلف بس ما عرفت شنو سحبت ايدها على كيف من بين ايدينة او كامت من الفراش او راحت للحمام غسلت وخهها و سبحت او طلعت من الحمام لكت ياسر كاعد ايتانيها
نور : ياسر انت هنا
ياسر بأبتسامة مصطنعة غير عن اللي بقلبة : اي انا هنا ترديني لو اروح
نور : لا بس ......
ياسر : جاوبتي ابوج لو بعدج
نور والدموع على طرف عينها : بعدي ما جاوبتة
ياسر : اووووف قلبي يعورني او نفسي ما جاي يطلع
نور : انا آسفة ما ادري شنو الحل
ياسر : نور للمرة الاخير سؤال ما راح اعيدة ايجوز يحدد مصيرج يا الي يا لسعد تحبيني ؟نور تحبيني ؟ يعني اذا تزوجتج توافقين؟ نور : أأأأ ......
ياسر : نور فكري شوي اخذي نفس فكري او جاوبي فكري اول جوابج يحدد مصيرج فكري قبل الجواب
نور بحيرة : ياسر ! انتة تحبني قبل لا اجاوبك تحبني لو لا؟
ياسر بسرعة : احبج او اموت عليج نور
نور بأبتسامة : يعني تحبني !
ياسر : تشكين بحبي الج ...ما عندي حجي اوصف بي شعوري تجاهج بس كلمة احببج تطلع
نور : انا ...... انا .......انا هم ا..ح..ب..ك...
ياسر : شنو ؟
نور غطت وجهها بأيدها او كالت : احبك بس لا تحجي ولا كلمة ترى اموت
ياسر : نور
نور : كتلك ولا كلمة لا تحجي بس اسكت
ياسر : فديت الخجول انا .
نور نزلت راسها بخجل ياسر تقرب منها مسك ايدها او كال تقبلين اتزوجج وتصيرين مرتي
نور : .......
ياسر : نووووووور احجي لا تسكتين كتلني سكوتج
نور : انا أوافق بس بابا
ياسر : من دون علمه
نور : دون علم بابا ؟!
ياسر : كيفج انا لو سعد
نور : انت بس
ياسر : لازم نجيب شاهد اما من عالمنا او من عالمج
نور : من عالمي ! لا لا ابد اللي يسمع يتسودن مو بعد يصير شاهد لا خلي من عالمك
ياسر : ماشي خلي اشوف اختي تقبل لو لا
نور : ياسر عندك اخت
ياسر : اي حبيبتي اخت اسمها جيني
نور : انا ماعندي اخت ولا اخو اصلا ماعندي ام اتمنى اشوفها ولو لقطة
ياسر : لا تضوجين انا اعوضج عن الاخت و الاخو و الام و كل شي
نور ببجي : حتى ابوي ما حسيت بي
ياسر يحضنها و يمسح دموعها : انا اعوضج عن ابوج بس انتي لا تبجين بجيج يحركني يحرك قلبي
نور : انا احببك ما ادري شنو ا
ياسر حط ايدة على حلكها وكال : هسس ما اريد اسمع اعرف تحبيني وانا بعد اموت عليج
نور : انا هم اموت عليك
ياسر : يلة لازم اروح خلي اقنع جنوفا تجي تصير شاهد على زواجنة
نور : هههههههه جنوفا حلوة الدلوعة
ياسر : انتي راح ادلعج نونو شو رأيج
نور : نونو حلو مثلك يا قلبي
ياسر: يسلملي قلبج يا حلوة يلة باي حبي اروح اشوفها بلكت تقتنع او اجيبها غصب عنها هههههه باي
نور : باي
راح ياسر يحاول يقنع جيني ( جينيفرا ) اختة تجي ويا على مود الزواج
ياسر ( جيلينور ) : جنوفا تعالي وياي
جيني ( جينيفرا ): وين
ياسر : اريد شي تعاي وياي او بس انا اخوج الجبير تعاي او سكتي
جيني : اسويلك اللي تريدة بشرط
ياسر : اي شي انطي الج بس تعاي وياي
جيني : تجيبلي الوردة الحمرة اللي احبها
ياسر : ماشي اجيبلج عشرة مو وحدة
جيني : صدك اوكي جاية
ياسر : انطيني ايدج او غمضي عيونج
جيني : اوكي
غمضت جيني كضها ياسر من ايدها او نقلها الى غرفة نور
شافت نور ضوة قوي او فجأة اختفة الضوة او طلع ياسر و بنت شافتهم نور و خترعت
ياسر : جيني فتحي عيونج
جيني : اوكي
فتحت جيني عيونها او شافت نور انصدمت شافت المكان غريب التفتت على ياسر او كالت : جيلينور انا وين
ياسر : احنة بعالم البشر
جيني : احنة ما اتفقنة هجي ثانيا شتريد تسوي
ياسر : جيني لا تعلي صوتج فاهمة
جيني : لا مو فاهمة
ياسر : سكتي انا جايبج شاهد
جيني : شاهد ! على شنو ؟
ياسر : جيني اريد اتزوج هاي البنت تعاي اعرفج عليها
اشر ياسر على نور او كال : هاي نور حبيبتي او راح اتزوجها وانتي الشاهد على زواجنة
واشر على جيني وكال : نور هاي اختي الصغيرة جيني
نور : مرحبا انا نور
جيني : اهلا انا جيني
ياسر : هسة وافقتي على الشهادة على زواجنة
جيني :بس جيلينور انا شلون اكون شاهد على زواجك من بشرية
ياسر : يا جيني كلها مسألة وقت بس نتاني للساعة ١٢:٠٠ بالليل
