جزء الحادي عشر:
دخلنة للمحاضرة جان ياخذنة د. سامي طبعا هوة دكتور متعين حديث او هوة بنفس منطقتنا يعني صديقي لان بيننا تقريبا ٤ سنين دخل عرف عن نفسة او اخذ الحضور من صاح بأسمي كتلة بعم كال لحضة انتة جاسر خالد كتلة نعم دكتور صعد على المدرجات و اجة جهتي و شبكني و باركلي على الزواج لان هوة جان مسافر منحة دراسية طبعا انا ما متعود اكلله دكتور 😜 خيولي امس جنة نلعي بوبجي سوة و اصيح علية هسة كله دكتور 😁 بس كدام الطلاب فشلة علية بدة يشرح الموضوع او صدك يفهم بس تعاجزت اكتب طلعت النقال او صورت المحاضرة هوة انتبه الي او خزرني بس انا عيبتلة 😛
خلصت المحاضرة صاح سامي جاسر اريدك بالمكتب شوي كتلة حاااضر و اخذت الكتب او مشيت اجو يأجوج و مأجوج هذول الشلة لازكين بعمري كال مصطفى منين تعرف الدكتور الجديد كتلة بفخر اعرفة بعد انتة شكو
بطلعة سامي كال: جاسر كتلة :هلو وين هالغيبة شتاقيتلك كال سامي و هوة يبتسم: الحمد لله بخير امس رجعت للبيت كتلة: الحمد لله على سلامتك كال : الله يسلمك يا عريس كتلة وانا ابتسم : هههه ليش ما حضرت كال: مو تدري جنت مسافر كتلة : شخبار النتائج كال: الحمد لله جبت الدكتوراه كتلة: مبرووووك يوم العرس ان شاء الله
كال وهوة يضحك : ماشي العروس جاهزة لو لا كتلة : جاهزة و على اتم الاستعداد طبعا يأجوج و مأجوج جانوا يحومون شلون احجي وية الدكتور هجي همة ما يدرون هوة يريد يخطب ليلى اختي ولا يعرفون انا صديقة فراح يموتون من الغيرة و الفضول 😉راح سامي بعد ما حذرني ما اصور المحاضرة مرة ثانية واكتب
..................
مشى الدوام ممل ممل ممل بس اتاني ارجع للبيت كاعدين بالكافترية جاي نسولف دك مبايلي و جان على الميز قرا احمد الاسم لان جان كاعد يمي شاف الاسم نونة حياتي انا مسجل نور هجي جان يغمز للمشعوذين الكدامي او التفت علي شافتي اخذت النقال و ابتسمت جان يكول اتصل الحب ها كتلة انا انتة شكو ليش تحط خشمك ضحكوا كلهم شلتة و انا اريد احمقهم و كلت : قلبي هلو كالت نور : حبيبي شخبارك كلتلها : منيح لان سمعت صوتج كالت : اكلت اللي نطيتكيا كلتلها : اي اكلتة اذا منج حتى لو سم آكلة. طبعا البلوة جانوا منصتين كلش فاتحين ذاناتهم من اريد اكوم ايكعدوني كالت نور : يمتة تجي شتاقيتلك كلتلها : يعني تقريبا نص ساعة و ارجع كالت : انتضرك مو تتأخر كلتلها : ماشي احاول ما اتأخر كالت : باي حبيبي كلتلها : باي قلبي او نقطع الخط الكل يضحك علي بدي اكتلهم كلاب 😡 طلعنة لان المحاضرة الاخيرة مو مهمة صعدت السيارة توسلوا يجون وياي بس ما رضيت اريد ارجع بسرعة نزلت يم سنتر شتريت حب او جبس و شوي حلويات و رجعت للبيت
...............
سلمت على امي ورحت لنور نطيتها الحب والاجباس فرحت كلش وحضنتني ...
ندك الباب اهووو هسه وقتهم
جاسر:منو
ليلى:انا
جاسر:هاا شتردين
ليلى:ولو قاطعتكم بس صديقك واهله جوا
جاسر:شنوو تعجبت بسرعه رحت ستقبلتهم جاي هوا وابو وامه و2خواته
...........
سامي:انا سامي دكتور بالجامعه صديق جاسر من الطفوله جنه نلعب وويانه اخته تگدرون تكولون انا وليلى حب طفوله😁طبعا جاسر يعرف بيه وطولي ١٧٨ سم
............
ليلى:هلاو اعرفكم على نفسي انا ليلى طالبه مرحله ثالثه كليه علم نفس طبعا اليوم كلش فرحانه لان حب الطفوله تقدملي وييييييي راح اموت من الفرح نصدمت من اجو لبست فستان وويا شال بيجي ومكياج خفيف طبعا انا جسمي متوسط لاضعيفه ولاسمينه بشرتي بيضه واحنا شگران من الوراثه عيوني بني وشعري قصير
.........
جاسر : جنت وية نور بغرفتنة الى ان اجة الازعاج اندك الباب فتحتة طلعت ليلى كالت صديقك جوة هوة واهلة انا ما عرفت يا هوة بدلت او كلت النور تبدل و نزلت و عفت نور تحط خرابيط على وجهها🤡 اقصد مكياج نزلت الدرج او رحت للديوانية دخلت شفت سامي سلمت علية او على ابو او امة و خواتة جانوا جوة يم امي كمنة نسولف ابو سامي يسولف وية ابوي او انا و سامي صافين سوة ورة شوي كال ابو سامي: ولله احنة اليوم يا ابو جاسر جايين نطلب ايد بنتك الابني سامي
خالد ( ابو جاسر ) : اهلا و سهلا بيكم و بسامي بس القرار للعروس
ورة شوي دخلت ام سامي او خواتة و امي و بعد شوي دخلت ليلى او نور سلموا او كعدوا كعدت ليلى يم امي او نور اجت كعدت يمي او سأل ابوي ليلى : بنيتي سامي اليوم جاي يطلب ايدج شنو رأيج
ليلى بخجل : اللي تشوفة بابا
ابو جاسر : ولله سامي و النعم منة
دكتور و فخر النة يناسبنة واحد مثلة
سامي : مشكور عمي و انا ما اقصر وياكم بشي بس بدي اسمع جواب ليلى انا قابل اذا رفضت ما عندي مانع
ليلى بخجل: موافقة .
قروا الفاتحة و كام سامي كعد على ركباتة كدام ليلى و اخذ ايدها و لبسها محبس ذهب و انطاها العلبة بيها محبس ثاني خذتة هية و لبستهيا و اتصل سامي على الشيخ اجة عقدلهم او صارت ليلى خطيبة سامي
..............
سامي : خطبت ليلى و اتفقنة وياهم على حفلة الخطوبة بعد سبوعين وطلعت وية اهلي للسيارة او رحنة للبيت طبعا انا جنت اسوق صحيح بأيدي سيارة بس جنت اسوقها طيارة 😂 متونس كلش و عندي حماسة حتى من لبستها لمحبس جنت اريد أأكد الروحي انو ليلى الي مو الغيري يعني هاي المحابس مو مالت خطوبة لان بالخطوبة اشتريلها المامشتري احد لان انا من جنت بأمريكا طلبت من صايغ يسويلي محبس ذهب مال خطوبة مختلف مال بنية او محبس خطوبة فضة مال ولد بس نفس الشي صحيح كلفني هواي بس الغالي للغالي وانا ردت الخطوبة بعد سبوعين لا المحابس بعد ١٠ ايام يلة يوصل من امريكا
...................
مرت الايام يروح جاسر للدوام و يلتقى بسامي و بالشلة مالته الى ان ووصلوا المحابس من امريكا او جان فرحان كلللش واجة يوم الخطوبة وصارت احلى خطوبة طبعا سامي ما اله خلك يحجز و يشوف اشياء خلة امة او خواتة او مرت جاسر يساعدون ليلى وطبت العروس وجان العريس واكف بنهاية القاعة طبت ليلى كاضة ايد ابوها من جهة و جاسر واكف بالجهة الثانية دخلت وصلها ابوها السامي و سلم علية
و طولت خطوبتنه ٤ اشهر ووراها صار الزواج طبعا احلى ايام حياتي سافرنا بيها لتركيا وسامي مدللني كلش وممقصر وياي بشي هاا نسيت اگلكم صار عدنه بيبي وسمينا آدم😄طلع يشبه ابو نسخه من عنده
نور:نخطبت ليلى وجانو احلى ثنين وكلش فرحنه بخبر حملها
طبعا جاي ادرس ثالث متوسط بمساعده جاسر موته كلساع اكله اشرحلي
جبت بشهر المراجعه عسوله للدنيا وفرحتي ماسايعتني وبالنسبه لبنات خالته ماضلو يوصلون سمعت انخبطت ريان كلش فرحتلهه لان راح تطلع من حياتي طبعا نخطبت بغير محافضه😁
امتحنت ونجحت كله بسبب جاسر وتعبه وياي وياسر اختفى من حياتي ويه اخر روحه للطبيب النفسي
