صار الصبح كعدت شفت جاسر كاعد على الارض يمي او مبين علية جان من الصبح هنا لان من شفت الساعة جانت ٠٠: ٢ الظهر و جان راسة مشدود بسبب المزهرية بس ما انكر قلبي كام يعورني من شفتة هجي ما ادري تعلقت بي لو مجرد مشاعر عادية تجاه اي شخص انقذني ضليت اتأمل وجهة ما ادري احس اني اعرفة من زمان او نفس ما يكولون الارواح تلتقي انا صحيح كعدت بس راسي يعورني بسبب الادوية و الموهدئات رجعت راسي على المخدة بس طكت ايدي بجاسر شوي فكعد و كال : سلام شلونج
كتلة : الحمد لله
كام هوة جاب شي من علاكة موجودة على الكرسي و جاب شمعة تعليك الملابس و ركب شي شفاف بي سائل وركب بي شي يشبة الصوندة و كلي انطيني ايدج انا خفت بس نطيتة ايدي لان احس بالامان من هوة يمي كللي راح تتأذين شوي بس تحملي كتلة ماشي بس على كيفك كللي و هوة يبتسم راح ادير بالي ماشي بس لا تخافين
حركت وجهي بمعنى اي اخذ ايدي او حط معقم على كلينسة و مسح ايدي و ضغط عليها و حط الابرة شوي شوي ما اكدر اوصف شعور الخوف بس ما صرخت و شفت السائل يمشي بالصوندة نقطة نقطة كتلة : شنو هذا كللي : مغذي
كتلة : آسفة على اللي سويتة بيك ولله ما جان قصدي انتة تتأذة بس ردت انقذك من النمر اللي جان راح ياكلك خفت عليك ولله مو قصدي تتأذة . كال جاسر : اهدي اهدي انا ما فاهم شنو تكولين بس لا تنفعلين احجي على كيف
..........جاسر : طلعت من بيت نور او رحت البيتنا بس هية ما راحت عن بالي او انفعالها شنو تقصد بالنمر او شنو ياكلني فجأة اتصال على نقالي شفت الشاشة نور المتصل ما كدرت اجاوبها انكطع الاتصال بعدين اجت رسالة من نور تعتذر بيها ما لحكت اقراها كلها مسحتها نور بعدين اجة رسالة تطلب بيها تشوفني ترددت بالبداية بس تالي انقهرت عليها كلتلها اوكي صارت الساعة ٧:٠٠ الصبح رحت البيتها بس كالوا نايمة كلتلهم اكدر ابقى يمها وافقوا بقيت يمها الى ان غفيت تالي فزيت على طكة ايدها براسي كمت حطيتلها مغذي طبعا هية ما جانت تعرف شنو هوة اخذت ايدها او ركبتة الها ما ادري ليش احسها ترتاح من انا يمها او تالي كامت تعتذر على الضربة اللي اجتني براسي او جانت متوترة او تريد تبجي بس انا هديتها او كلتلها: اهدي اهدي انا ما فاهم شي بس لا تنفعلين احجي على كيفنور:استجمعت كل قوتي وكلت انا
دخل ابوي علينه وسكتت جابله شربت وكعد يسولف والله مو وقتك ضلت اسب واشتم بي بگلبي😂
جاسر:طيب عمو احنا نترخص من بعد اذنك اريد اخذ نور ويايه نطلع شوي تغير جو
نور:انصدمت گال هيج 😐ابو نور: ياله اترخص
جاسر:يله انا هم علما نور تجهز نفسها
نور:في حاله صدمه😂💔
طلعو وانا بدلت لبيت قميص اسود واحمر وبنطرون اسود وفتحت شعري وخليت طوگ وشوي مكياج خفيف ونزلت
جاسر:بگلبي يبوووو شنو هلجمال ماشاء الله عيونه رادت تطلع من مكانه وانا اشوفها
نور:شفته صافن عليه خجلت كلش نضراته مو راحه ابد😂
كلت يله جاسر نروح؟
جاسر:هيج تطلعين؟!!!
نور: اي ليش شكو بيها
جاسر: لا مابيها شي ديله نطلع
وصلنه للسياره
نور:احنا وين نروح وليش هيج سويت
جاسر :ماعليج
.........
نور:وصلنه مجمع جبير مال ملابس ونزلني ووداني محل حجابات
جاسر:وديتهه لمحل حجابات واشتريتلهه شال هيه نصدمت ولبستها الشال بايدي
نور:ليش تلبسني حجاب انا ماريد
جاسر:ولج ماريد احد يشوف جمال شعرج بس انا ولج اغار عليج من ابوج بنوتي
نور:نصدمت هاذ شيحجي سكتت وطلعنه ووداني محل مال عبي كتله لهنا وكافي ليش تلبسني ماريددد😭😭
جاسر:بنوتي شبيج تبجين ماريد اشوف هلعيون الحلوه تبجي بالبدايه تضوجين بس والله بعدين تتعودين حياتي
نور:اهئ اهئ😭😭
جاسر يله مراح تلبسين عبايه بس اشتريلج جبه مستوره ماشي حبي
نور:ماشي اشتري
نور:ماشي اشترالي جبه حلووه طلعت عليه لبسنياهه بمكان المقياس وطلعت بيها ههههه
عيونه اكلتني نضرات حب واهتمام وغيره وووو
جاسر:وديتهه لمطعم وكعدنه
نور:خلاص اريد احجيلك كولشي
جاسر:تمام تفضلي
نور:اوعدني مراح تكول عليه مخبله لو مريضه قسما بالله كلشي راح احجيلك صدك وكله صاير
تعرف والدتي توفت بولادتي ابويه ومرت ابويه ما عوضوني مكان امي وبطلوني من المدرسه صرت بس انضف واكعد وحيده اكثر وقتي اندب حضي جنت احس احد يراقبني
احس بدفو من ابجي احس احد يمسح دمعتي بعدها ضليت احلم بس احس نفسي بين الحلم والواقع وبعدين ضل يجيلي مثل الطيف الى ان طلع كامل كدامي شاب اسمه ياسر كلي هوا من مملكة الجن وهوا يحبني المهم حبينه بعض هلجني اهتم بيه كلش وساعدني اتخلص من سعد وقررنه نتزوج حسب تقاليدهم بس
قاطعني
جاسر:بس انا اجيت وخربت زواجكم مو
نور:اي
جاسر:ماعرف اصدك مدري لا بس مستحيل الدتحجي بس عيونها تكول غير شي عيونها تباوع بصدق
نور:ياسر ديحاول ياذيك ويرسل النمر عليك يريد ياكلك او بالحقيقه هوا يريد ياذيني مو ياذيك
جاسر:شوفي نور انا حبيتج اي حبيتج من صورتج الي معلكة بالديوانية مالتكم جنت كل ما نجي الكم اشوفها حبيتج من شفتج وزاد حبي الج بيوم الخطوبه حبيت كلشي بيج ومهما يصير بيج انا راح اضل متمسك بحبج ولو اعرف هاذ الكلام قبل الخطوبه مااتردد ولا لحضه بتقدمي الج بس وعديني نتساعد ونتخلص من ياسر ماشي؟
نور:شلون نتخلص بس فهمني فدوه
جاسر:اوديج طبيب نفسي ؟
نور:شنو😐لا انا مو مخبله
جاسر:حبي منو كلج انتي مخبله
بس كل انسان يمر بضروف يتاثر بيهه وتاثر على نفسيته يعني عادي بس ساعديني وساعدي نفسج على علاجج
نور:ماشي...بس بكلبي ممقتنعه
فجاه راسي ضل ياذيني كللللش وبديت اصرخ بالمطعم والناس التمت شالني جاسر وبعدها ماحسيت اله انا بالمستشفى وجاسر يمي
نور:اوووووف راااسي اووووف
جاسر:صحت علممرضات انطوها ابره وهدت ونامت
جاسر:تصلت على والدها كتله هيه بالمستشفى بس مااجه نصدمت على اهماله بس انا موجود واعوضها عن كلشي ضلينه للفجر وطلعتهه من المستشفى وودتها لبيتنه سلمت على امي وعلى اختي وجان بيت خالتي يمنه خالتي عدها ٣ بنات توسلت بيه امي اتزوج وحده منهم بس ماقبلت صراحه كلش خفيفات ولسانهن طويل
نور:وداني لاهله بيتهم كلش حلو وفخم سلمت على امه وخواته وخالته وبناتهه كلش ماحبيت بنات خالته حسيتهم اكلوني بنظراتهم نظرات غيره وحسد وكلساع وحده ذبت حجايه ماهتميتلهم راواني شقتنه عباره عن غرفه كبيره اثاثها يجنن مثل اليطلع بالمسلسلات ضليت صافنه عليه وعلى جماله ماشايفه هيج قبل ومطبخ وحمام وصاله صغيره جانت الشقه بالطابق الثاني يعني طابق كامل النه فرحت كلش لا اراديا رحت حضنته هوا تفاجئ بس ضل مبتسم وفرح لفرحتي راح طلع من الثلاجه موطه واكلنا گلي تتغدين عدنا والعصر نرجع خاف ابوج ضل باله يمج
