من جهة اخرى او بعالم آخر
ياسر كاعد على القنفة تمر يمة اختة و تكول : مرحبا جيلينور
ياسر ( جيلينور ) : هلو جينيفرا
(جينيفرا اخت جيلينور اصغر منة ب ٥ سنوات عمرها ١٦ بيضة شعرها اشقر يوصل لمنتصف ضهرها عيونها كحلية تحب اللون الاسود لان يبين بياضها طولها متوسط مناسب لشكلها )
جيني ( جينيفرا ) : شبيك شارد وين وصلت بافكارك
ياسر :جيني تعاي اريدج بموضوع بس وعديني ما تكولين الاحد
جيني( بحماس) : ما اكول الاحد كلي شنو !
ياسر : حتى ماما او بابا ما تكليلهم
جيني ( برجاء ) : ما اكول اوعدك بس كلي راح اموت من الفضول
ياسر( يبتسم) :انا بصراحة احب بنية
جيني : صدك وااااو بس تعال كلي هية منو
ياسر : بصراحة هية من عالم البشر
جيني : شنو ؟ صدك تحجي
ياسر : جيني شبيج اكو مرة جذبت عليج بيها
جيني : لا ما جذبت علي بس حجيك ما دخل راسي
ياسر : بس كافي صوجي انا كتلج
جيني : لا صدكتك صدكتك اوصفها الي حباب
ياسر يغمض عيونة و يتخيلها كدامة و يبتسم
جيني : وين صرت كلي شلون صايرة
ياسر وهوة يبتسم : بيضة كبياض الثلج شعرها اسود طويل يوصل لاسفل الضهر طولها حلو عيونها زرق خشمها صغير حلو من اشوفها اضيع بجمالها كل شي بيها حلو بس دآئما اشوفها تبجي او كل دمعة من عينها تحرك قلبي اما ابتسامتها شي ما ينوصف احبها بكل تفاصيلها
جيني تطكة بأيدها خفيف : كافي عيب تتغزل بيها كدامي
ياسر : هههههههههه موتتيني ضحك
جيني تبوز و تزعل : بعد ما احبك تتغزل بيها كدامي او حتى ما تمدحني صدك شنو اسمها
ياسر : اسمها نور او صدك نور احلى من نور الشمس
جيني : بس لا تحجي كتفيت من حجيك البايخ
ياسر : هههههههه غرتي منها ههههههه
جيني : بس
ياسر و نزلت دمعة من عينة
جيني : جيلينور شبيك تبجي
ياسر بغصة : يردون اهلها يزوجوها
جيني : شنو
ياسر بعصبية : ما اسمح لاحد ياخذها مني نور الي و بس الي
جيني : هدء اعصابك شلون دريت يردون يزوجوها
ياسر: سمعت مرت ابوها تكول تريد تزوجها الابن اختها .
او طلع معصب من البيت
شنو اخبار نور ؟
ياسر وين راح يروح وهوة معصب ؟
لميعة تكدر تقنع نور بالزواج؟
طارق يكدر يجبر نور على الزواج ؟
شنو موقف جينيفرا بعد ما عرفت طموح اخوها ؟
