Expressionless Bottom

Chapter 30

Andrei

Hinawakan ako nito sa kaliwang kamay at hinila ni Kuya paalis don when suddenly I felt someone grabbed my right hand. Napatigil kaming dalawa ni Kuya at napalingon kay Clark na hawak hawak ang kanang kamay ko.

Nagsusumamo ang mukha niya at sobrang higpit ng hawak niya sa kamay ko.

Agad na gumalaw si Kuya at binitawan ako bago sinuntok ng malakas si Clark dahilan para mapabitaw siya sakin.

"Ano ba problema mong p*tangina ka?!" Sigaw ni Kuya dito at sinuntok ulit sa dibdib. Napaupo si Clark dahil don kaya agad na lumapit si Rich at Green para salagin ang suntok ni Kuya.

Hinila ko si Kuya sa balikat at pinalayo siya dito.

"Kuya, D*mn it! Tumigil ka na. Umuwi na tayo." Sabi ko dito at hinila siya sa kamay pero agad rin na tumayo si Clark at humawak sa kamay ko.

Ngumisi si Kuya. "Hindi ka talaga titigil no? Hinihintay mo pang mabugbog? Okay I'll give it to you." Itinaas ni Kuya ang hanggang siko ang magkabilaan niyang manggas.

"F*ck Velasquez, pwede bang itigil mo na tong kadramahan mo?" Inis na sigaw ko sa kaniya.

Bumakas ang sakit sa mukha niya pero umiling lamang siya sakin.

Malakas kong ipiniksi ang kamay ko dahilan para mapabitaw siya sakin.

"Don't stop him, my brother, gusto niya pa yatang kilalanin ng maigi ang kamao ko." Nakangising sabi ni Kuya. Nakita kong naging alerto ang mga kaibigan ni Clark at napansin rin yon ni Kuya.

"Chill d*ckheads, pumila lang kayo kung gusto niyo rin kilalanin ang kamao ko."

Tumawa ng nakakatakot si Kuya na kahit akong kapatid niya ay napaatras.

"Bumitaw na siya kuya, tara na umuwi na tayo." Sabi ko dito pero tiningnan lang ako nito ng seryoso.

"May picture ka non?" Tanong nito sakin, agad ko namang nagets ang sinabi nito, umiling lamang ako dito.

"Ako po Kuya meron!" Narinig kong sigaw ni Penelope at lumapit samin.

Nilabas ni Penelope ang cellphone niya at nagtype don, iaabot niya na sana ito kay Kuya nang may humablot doon.

Si famous girl.

"What's your problem? Akin na yan." Penelope said to the girl.

Sinamaan ng tingin ni famous girl si Penelope. "No."

"Miss?" Kuha ni Kuya sa atensyon ni famous girl. "Sa totoo lang pumapatol ako sa babae, ibibigay mo sakin yan o mababalian ka ng buto sa balikat?" Napaatras naman ito at dahan-dahan na binigay kay Kuya ang cellphone. Ngumiti si Kuya dito. "Good, ganda mo pa naman." Hinawakan ni Kuya ang pisngi niya at tinapik tapik.

Tiningnan ni Kuya ang picture.

"So I am right hmm tama ang hinala ko. Picture nga nating dalawa to. That's why they're calling you a whore." Tumango tango si Kuya.

"May ipapakita pa ako sayo Kuya, yung ginawa ni Velasquez kay Villa." Sabi ni Penelope. Binigay naman agad ni Kuya yung cellphone kay Penelope.

"Enough Penelope Madrid." Malamig kong sabi dito, alam kong ang ipapakita niya ay video namin ni Clark na pinapahiya niya ako, yung time na ako ang unang humalik sa kaniya pero tinulak niya ako.

Napatigil naman sa pagpindot si Penelope.

"Continue, don't mind him, baka masuntok ko pa tong t*ngang to. Wala akong kapatid na t*nga." Sinamaan ako ng tingin ni Kuya.

Agad na nagtipa si Penelope sa cellphone niya kahit na nanginginig ang daliri nito.

"Kayo?! Wala kayong balak umuwi?!" Sigaw ni Kuya sa mga estudyante. Yung iba ay umatras pero bumalik rin sa pwesto, gusto talagang manood. Kaunti lamang ang umalis.