أهات تحرير العراق.

الحلقة 13(هجوم)

أهات تحرير العراق الحلقه 13 (هجوم)

عن لسان الحجيه ام اسعد :

الوطن موسلعــه رخيصه وبالدكاكين
الوطن روحي ومهجتي وساكن العين
الوطن امـــــي وابوي وجاري الزين
الوطن ديني وصلاتي وخوتي الاثنين
الوطن غالي غلاته المــــاي والطين
الوطن لـــو طاح تذبحني السجاجين الوطن
هذا العـــــــراق البيه نهرين
طبع دجله وفرات التـــــجري للحين
الوطن ريتي وهويتــــي وهو المعين
الوطن حلـــــم الطفوله ومهد الاسنين

************************************

_يمةة اذا تحطون ايد بأيد وتصيرون كلب واحد
ييمة لا تخلون الدواعش يوصلون الكاعكم ويدوسون ع اعراضكم يمةة لا تخلون واحد يوصل للمقدسات ولك يمةة كلشي ولا يهدمون مراقد اهل البيت وعلي تنكلب الامة بينه

_صار يمةة وعلي ع جثثنه مايوصلون بغداد

حجت بصوت تعبان

_يمة انتبه ع رويحتك عليك الله عندك زعاطيط وهاليتامه بنات السيد هم بركبتك دير بالك ع رويحتك يبعد امك

_صارر يمة دعيلي يمة دعيلي

_رووحح يوليد يحفظك ويستررر عليك بجاهه هيه بنيت الحسن محلفتها بعمها الحسين ترجعك الجهالك سالم غانم وجعل عيني ماتبجيك ..

نهيت المكالمه من امي وتنهدت اجاني واحد من العسكرين وحجه :

_سيدي اني برأيي خل نعوف البت ونطلع من المقر ماسمعتهااا شكالت ؟

عصبت وحسيت عيوني نطن وحرارة تطلع من وجهي بس كل هذا وجابت بهدوء وحاولت ابين طبيعي

_شلون نعوف مرة ساعدتنه بنص هالضيم؟

_من اني كلت شلون تورط نفسك وتروح برجليك للموت

_اذا الله كاتبلي عمر اعيش واذا بعد هاي كلمن ومنيته واني الحمدلله راضي بحكم وقضاء رب العالمين

_بكيفك سيدي الي تشوفه بس اني هذا رأيي

صفنت ورجعت ال قبل ٣ ايام من اليوم ..

_خيرررر هديل اشبيج شصايرر

_ اسعد طلعني من هوني الكل عغف انو اتعامل مع الحشد

_شنييي شلون عرفوااا ومن يمتةة؟؟؟

_ ماعغف الظاهر اكو احد هوني يشتغل لحساب الدواعش وعغفوا البيحا جت بنت خالتي وحذرتني

_باااعيلي وركزي عدل ويايي راح اطلعج منانه ع طريق سامراء بس اريدج تصيرين ذيبة وماتنغلبين

_ ماغيد اطلع من هوني اخاف يلقوني ويقتلوني

_ولجج يحظيي مو اذا تبقين هنا هم يلكوج ويوصلولج