أهات تحرير العراق.

الحلقة 28(ديرة هلي)

أهات تحرير العراق الحلقة ٢٨ (ديرة هلي)

شرايك نلتقي وندفن الثار الراح
وجرحك فوك جرحي بجفك تشده
وتاخذني بلهفتك وارجع اتلكاك
واطيحلك عشك وبحظنك تسده
تخجل وابتسم واتلمسك وابجيك
وتدنه اعله صدري وراسك تلبده
شرايك ننطي فرصه انام مشتاكين
وباب الرجعه كافي تحاول تسده
ليش تضل وحيد وانا اضل محتار
تنازل مره وحاول جفك تمده
ليش تريد اعيش لخاطرك متروك
وزارعلك وفه وماترجع تحصده

_____________________________________

دخل للغرفه وانطه التلفون المعتز وكاله هذا ابوك جاوبه

ومعتز انطلق ...

لو شما تكبرر راح تضل طفل محتاج ام واب والصار بمعتر خله يحتاج امه وابوه  يحتاج يسمع صوتهم وحنيتهم 

_وهو يشهك :بوويةةة مرتضى واسعد وصلوا الموتت
بس ماعفتهم بويه  ذبيت روحي وراهم مثل ماعلمتني ماخليت واحد وشردت بويةة تذكرتك وانا بحلكك الموت خفت اموت وانته ماراضي عني

_ اسم الله عليك بويةة وعلي راضي عنك دنياا واخره يبعد ابوك . ادري بيك رفعه راس وزلمه ومعدل

_ بوية عليك الله تعالي لهنا ماكدر اجي وجيب امي وياك اريد ارجع انام بحضنها

_ يي بويةة ان شاء الله تدلل اجيك شلون ماجيك وعلي لو باخر الدنيا هم اجيك

سد الحجي تلفون منه ودك ع ام مرتضى منا  بس للاسف ماكو اي رد عرف المره منهاره ع ابنها واكيد محد كاللها ابنج طلع عدل كال لام معتز الي ساعه تمسح بدموعها وساعه تبجي من الفرحه الي اعتلت كلبها وروحهاا 

_ كومي البسي يمره خل نروح للوادم لا تنسين هالعائلتين اثنينهن بلا والي  

كامت ام معتزز ولفت شيلتها ولبست عبايتها وانطلقوا بتجاهه الناصريه،
من  بعيد ويشوفون هوسة كدام الباب ..

______________________________________

نرجس
فتحت عيوني وشفت اغادير كدامي
وتذكرت شصار شهكت من كل كلبي وكلتت: اسعد وينكك تعال ليه وينك حبيبي

اغادير وهيه تبجي : كولي يالله نرجس فدوه ان شاء الله يطلع كلشي ماابي

صرخت بوجهه: ولججج راحح استشهد شنو كلشيي مابيي ولججج اتيتمت مرتين انيي مره من مات ابوي ومره بروحةة اسعد ولججج بعد منووو اليي منو الجهالي ولجج اذا سألوا ع ابوهم شكلهم وين ابوكم استشهد ولج ياهل اذا اطلب شي يكليي ادللي وتامريني بعد ولج منو اليي 

اغادير : حطت ايدهاا ع وجهه وهيه تكتم شهكاتها شهكات ابنيه خطيبها مجهول المصير ماتدري راح تنزف لو راح تتسمه هاي الي(خطيبة الشهيد)  ..

اجت الممراضات ع صوت نرجس وانطوها مهدئ لان بعد تشخيص حالتها اتضح أن هيه عدها انهيار عصبي  ..