أهات تحرير العراق.

الحلقة 27(العراقيه)

أهات تحرير العراق الحلقة ٢٧ (استشهاد جماعي) ..

كاعد بشباجك من سنين انته وهالدفاتر
المن تكص التذاكر؟؟
تركض تشيل الجنط والحزن المن ؟
ناس مامنهم كمر .
ناس مايسون خاشوكة شكر
ناس ودعت ناس
وتثاوب طفل شمسيه خضرة وركض بيك بعيد
وناس الردتهم
نسوا من اسنين اسمك والمحطه
وخلوا ادموعك نهر ... 

الكبير مظفر النواب.

______________________________________

من أكثر الاشياء الصارت اعتيادية بحياتنه ويتقبلها الانسان بسرعه هو الموت وخصوصا بالفترات الأخيرة لو نرجع ال٢٠ سنه لوره جان لكيت شي عجيب يموت الواحد عند الجيران والاهل وينذعرون ويدك عدهم جرص الخطرر ويلتمون ويحاولون يخففون عن اهل الميت بأي صورة بس الصار بالفترة الاخيرة انو الناس صارت ماتهتم صار عدهم الموت شي كلش طبيعي وخصوصا بالعراق ماراح يتأذه غير اهل الميت وهالشي صار بسبب كثرة الانفجارات والقتل بصورة بشعه كلشش والاسباب محد يرضه بيها لا الله ولا محمد ولا علي ولا شيعه ولا الاسلام ...

نرجس

مسحت دموعي ع رنت التلفون

وجان المتصل  ام مرتضى  ...
جاوبت بسرعه 

_ هااا خاله بشرري عليج الله طمنيني

بصوت رايح من البجي: ولججج نرجسس راحواا راحوواا ولدنهه وليدييي العريسس راح ولججج نرجسس تلاثتهم استشهدوا ولججج ابنيييي راح راح بعد منو يحن عليه بعد منو يبرالي ويحميني ولجججج وليدي ماشبعت منه بعده توه بالعشرين يمةةةة وليديي رااح

ربيييي مالي شي بعد  بالدنيا واكلك طول بعمري الخاطره وليدي والغالي راح يربيييي 

_اسمع وهيه تبجي وتناجي ربهاا بس شي مقيدني اكو شي بداخليي يريد يصرخ من الالم بس ما جاي يطلع شي بداخلي مكتوم وماجاي يطلع كلبي احسه راح ينفجر من الالم البي بس صوتيي ماكوو نفسي ضاك بيه سمعتت صوت الاذن وهو يعتلي بارجاء المكان  والمؤذن يصيح

الله اكبرر الله اكبرر

عفت التلفون وام مرتضى مازالت ع نفس البواجي والصريخ تقدمت بتجاههه الشباك
ورفعت ايدي للسماا ونجايت ربي  بكلبيي
كلب وحده يتيمه ماعدها بهالدنيا غير زوجها سندهاا 
اول كلمه رددها الساني وع اثرها نزلت دموعي

هي : يااارب انته اعلم بحالي مالي غيرك يالله 
بعدها ماحسيت غير ع اشياء واصوات بعيده تروح وترجع اسمع صوت صريخ ع بواجي 

سمعت صوت سجاد وهو يكول ماما ماتتت

هل فعلا اني متت؟؟
اسعد وين ؟ صدك استشهد وبعد مااشوفه
راح اعيش لو اموت ؟ اذا متت منو الجهالي ...

هاي الاسئله والف غيرهن سالتهن النفسي واني فاقده اتذكرر شحجيت بكللبي بس ماتذكر شصارر
كل الي اريده هوو اسعد
زوجي ابو جهالي حبيبي وابوي ايي من تزوجت لليوم صرت احسه ابوي