ازقة الموت
البارت 12
كمت ادفر برجلي واصرخ
مااعرف شنو مصير ابو التكسي بس مصيري
انتهى
دخلوني السياره حاولت ارفس اصرخ محد يساعدني
كمت ابجي واصيح
نزلوووووني وين ماخذيني منوووو انتووو
-اللصمي لتحجين خله المسدس بحلگي
احس روحي راحت بهاللحظه خفت حتى اتنفس بلعت ريج وسكتت جمدت بمكاني حتى دموعي جمدن
بقيت ساكته حتى من نزل السلاح من حلگي
واحد منهم اتصل وگال بس هالكلمتين
شسوي بيهه
ووراهه مااعرف شگله ذاك
تدلل
خفت كلش انتهيت كلتهه قبل لو راح اطلع ميته بكفن لو جسد بلا روح
الحد ما طبگت السياره من طبگت كمت ابجي بصوت عالي نزلو وجروني جان لازمني واحد واني اتلوه ويا اريد انهزم
جذبه هاي مال انهزم لان اعرف مستحيل اكدر افلت
مدخلوني البتاوين وهنا دخت منو لعد ياخذني اني شمسويه لان اندلهه واعرفهه من الجهتين من جهة باب الشرجي ومن جهة ابو نؤاس
دخلوني ببيت مهجور ومنطقة جانت تخوف مشايفتهه قبل كمت اصرخ
عوووفوني شتريدون مني عووووفوني عوفني الله يخليكم والله ممسويه شي الله يخليك عوفني
مجان يحجي غير بس يجر بيه
دخلني بغرفه ظلمه كلش رغم ما نهار بس الغرفه جانت ظلمه وقفل الباب عليه
كمت ادك بالباب حيل واصرخ
طلعوووني منا طلعووووووني الله يخليكم طلعوني
صوتي راح ومحد يديرلي بال
الحد ماتعبت وكعدت ابجي كمت ادك على وجهي واملش بشعري واركع راسي بالباب
مجنت بحال افكر بأحد حتى ليث الي جان ماخذ بالي نسيته بهاي اللحظه كل همي احد يسمعني ويساعدني
عرفت عدت بالمره الاولى هالمره مستحيل
مر وقت واني بين الظلام وجسمي يرحف من البرد والخوف وافرك بأيدي
واتعب من البجي وارجع اصفن ؤاأيس من طلعتي منا ا وابجي
بقيت على نفس الكعده وارجف
الحد ما سمعت صوت كمت وكفت بسرعه خليت اذني على الباب
افتح الباب خل نشوف بلله
اني گبل تبعدت من الباب واول ما انفتح الباب نفتح گلوب دخل واحد وجهه مكشوف وورا اثنين هم وجوهم مكشفه
باوعت على الغرفه الي اني بيهه فارغه باوعتله بخوف
-هي هاي
