ازقة الموت
زينب العبودي
البارت 9
شهكت لان جان واحد واكف بالسطح الي كبال هذا السطح ومن فتحت الباب گبل باوعلي
ومنزل عينه مني
سديت الباب حيل وسركيته وايدي ترجف
يارب بس لا من جماعة شداد الخوف سيطر عليه
اصعب شي بالحياة من يسيطر على الانسان شعور الخوف شعور حقير اشبه بالموت البطيء
جنت واكفه وره الباب احس باي لحظه راح يندفع هذا الباب
سمعت صوت حركه بالسطح كبل تبعدت من الباب وعضيت اصبع ايدي من الخوف واني اباوع باي لحظه يندفع الباب وين انطي وجهي
ماكو شي تقربت على الباب وخليت اذني سمعت صوت بالسطح حركه مو طبيعيه
فجأه صارت مثل الدبه
اني سمعت هيج واني ركضت نزلت جوه اركض بلا وعي كبل عثرت بالدرجه ووكعت ويه وكعتي صحت من وجع رجلي بسرعه نفتحت الباب باوعت وطبان
گبل دخل وطبك الباب وأجه عليه اني دموعي و اصيح رجلي كبل صم حلگي وگال بحديه
-شووووكعج انتِ ليش متكعدين هاي عود وصيتج لتطلعين صووووووت خبلتيني همزين موليت جان فضحتينه
لزمت ايده ردت اوخرهه ضغط على حلگي
صوووووتج اكلج انتِ غبيه شلون افهمج السالفه مو لعبه
كرصت ايده حيل وهو يخزر بيه اريد اگله احد فوك واحد عباله اريد اصرخ الحد ماا هددني
اذا تلغين والله والله اني هسه اطلعج واشمرج بررررره واخلص تررره موتيني هسه اني شلي بهاي الدددوخه باعيلي هيووووو لتحجين ولاحرررف تره وصلت حدهه
غمضت عيني ودموعي تنزل وخر ايده من حلگي
انتِ ليش متخافين فهميني
اكو واحدددد فوك السطح اول مفتحت باب السطح شافني طبگته بسرعه وراهه سمعته
-
عافني وكام گبل حتى قبل لا اكمل كلامي وطلع المسدس من خاصرته
صعد يركض فوك سمعته فتح باب السطح اني خفت حيل واباوع باتجاه الفوك واعض بيدي
الحد ما سمعت باب السطح انسد
نزل واني اباوعله ضم سلاحه وكال
ماكو احد تتوهمين
-مااتوهم اكو سمعته وهو شافني بالسطح الي كبالك سطحك
-يعني موووو بسطحي
-اي بس بعدين سمعت صوت حركه بالسطح
-صعدت ماكو احد انتِ لان خايفه يتخايلج
-مااتخايل
-يتخاااااايلج كتلج
طلع موبايله وعافني ودخل للهول اسمعه يحجي
-خزعل وين هذا صار ساعه واكف بالباب انتظرررر تره طفرت روحي
-خابره گله خل يستعجل
-لتدز الرررقم خابره انتَ وكله عشر دقايق اذا مو هنا ليجي بعد
مر من يمي وهو يحجي اخر شي سد الخط ودار وجهه
