ازقة الموت
زينب العبودي
البارت 15
ميسم انتِ متعافيه وتريدين تورطين روحج بمصايب هسه اني شعليه شكوووووو خايفه عليج طبج مرض
كل شويه اگولهه وانقهر عليج صح اني مااعرفج من زمان بس تقهريني لان غبيه ومتعرفين تتصرفين وراح توكعين روحج بمصايب
ميسم-متعافيه على شنوووووو
شرشوبه على شنووووو دتشوفين القذاره الي اني بيهه
انتِ دخلتيهه
اخوووويه هنا اخويه اخويه شرشوبه تعرفين ضنو معناهه
مو عندج اب هو يدور ويدخل
أب ضحكت باستهزاء
اي اب شرشوبه اني اليتيمه واهلهه عايشين
اني لا اب ولا ام عود ابويه هسه رجعله عقله بس متأخرررر اني ام واب الاخواني مكدرت اجتف ايدي
-استفاديتي شي هسه
-اي عل اقل اخويه عايش وعرفت وين
-اي عرفتي اخوج كعدي وسكتي
-اكعد بالقذاره مااتحمل راح اموت
-لعد احنه شتگولين علينه عل اقل شداد تزوجج ،شداد تعرفين شنو شداد يتاجر بينه وانتِ خلاج ببيت وستتج على گولة المصريين وخلاج اله وبس
-مفروض افرح يعني حتى وهو زوجي احس نفسي قذررره اني ماريد اخبص عمري هنا مااتحمل
تزوجته حتى بس يبقي اخويه يبيع كلنس وميبيعه
اني مو بطرانه
هو انتِ لو ممتزوجته جان مخلاج عايشه حبيبتي
اعرف
تعرفين والحد الان تريدين تلعبين بذيلج
انتِ مشكلتج يا ميسم الحد الان متعرفين انتِ وكعتي بيد منو ومنو
اعرف شداد ماعنده رحمه
لا حبيبتي انتِ موكعتي بيد شداد بس انتِ وكعتي روحج بمصايب اولهن وطبان عبالج راح يعوفج
وها خاف عبالج وطبان ساكت هسه ومرتاحه لا حبيبتي وطبان اذا سكت گولي وراهه بلوه جبيره ممحسوبلهه حساب
وكف بوجه ابو علي تعرفين عذا ابو علي شنو
ميرحم
مالي علاقه بيهم كلهم اني اريد اخويه وبس وطبان الوحيد الي يخلص اخويه هو وعدني
باوعت عليه وضحكت
وعدج بينكم وعود ولج
احجي اگوووول وطبان تخبل من شافج ويه شداد ثاري بينكم وعود
باوعت عليهه اجتي كعدت بصفي وضربت جتفهه بجتفي
احجي ولج شضامه
مضامه شي وماكو شي اني ممفتهمه شي كل الي اعرفه اني بمكان ماانتمي اله ولا راح انتمي وكل الي اعرفه هم اريد اخلص من هذا الكابوس واخذ اخويه واختي وماابقه بالعراق اهاجر حالي حال الهاجروا حتى اذا اغرك افطس بس اخلص ليث من ايدهم
