ازقة الموت
زينب العبودي
البارت 17
النتيجه وحده
طفل او طفله بريئه تنتهي حياتهم
واني هي المذنبه الوحيده
مذنبه بالحالتين اذا اخويه فمكدرت احمي
واذا البنيه لأن اختاريت اخويه
بهاللحظه احس الزمن توقف بيه
جنت مااكدر غير اكول اختبار من رب العالمين
ألي اما ان انجح او اخسر هذا الامتحان
اما ان ابيع ضميري واختار اخويه واخسر نفسي واخسر الدنيا والاخره
او اسمع الضميري واخسر اخويه واربح نفسي
بس بالحالتين
اني خسرانه مراح اكدر اعيش بتإنيب الضمير
جنت مثل الي يمشي على الجمر والناس تجوي برجله
وكل ما اعدي انسى الخطوه القبلهه من كد ما الخطوه البعدهه تلسع بيه من شدتهه
كل انسان بداخله شر وخير ودائماً ما يقرن اسمهما على الصراع الدائم بداخل الانسان بين طيبة الگلب وبين قسوة الانسان
باوعت على صورة البنيه
شراح تسوولهه احجي الحقيقه
بس ناخذ فديه من اهلهه
واذا سويتولهه شي
منسويلهه أمني
أأمن زين اذا كشفت وجوهنه مراح تگولن كشفتنه ولازم نتخلص منهه
حتى اذا كشفت وجوهنه
مااصدكك
صدكيني
مااكدر اصدكك مااكدر اكتلني شداد ولتخليني اسوي هذا الشي الله يخليك
صدگيني بس شغلة فديه
فتحت باب السياره مد ايده بيهه موبايل
اخذي هذا راح نبقه على اتصال
باوعت عليه اخذته من ايده ونزلت
من السياره خطواتي ثقيله بثقل ضميري الي جان يحاسبني ويأنبني
جنت بصراع وحرب ويه نفسي بين الشر والخير
-لتفكرين بغيرج اخوج هذا يبيعوه يتاجرون باعضاءه لو اهلهه بمكانج راح يختارون بتهم مو اخوج
-طفله صغيره راح تتدمر وانتِ المذنبه الاولى
عوفي اخوج الله يتلطف بي لتخسرين ربج والرب الوحيد الي يكدر ينجيج
-البنيه عدهه اهل يفكرون بيهه انتم ماعدكم احد يفكر بيكم
-اذا سمعتي للشر راح تخسرين كلشي راح يبقه يهددوج راح تتحولين المجرمه راح تتسببين بحركة گلب ام
راح تسلمين بنيه بيد ناس متعرف الرحمه
جنت احارب نفسي بداخلي
واني امشي صارت حلة المدارس واني اباوع على الطالبات وخايفه ومرتبكه احس انفاسي سريعه وصوت گلبي حتى ينسمع من كد ما يدك سريع
