صباحكم سعاده
ازقة الموت
البارت 62
ميسم-جان طالع وطبان من كعد الحد العصر رجع اول منفتحت الباب رحت عليه وكفت يم الباب طبك الباب ودنك باسني
باوعت عليه بيده علاليك
وين جنت
رحت تسوكت الذوله مليت اكلهم جهزوا نفسكم وهمه ولا يمهم
خله العلاليك بالكاع بصف الباب ومد ايده بجيب بنطرونه ابو الجعب الفوك ركبته باوعت عليه طلع ايده مسدوده وكال غمضي عينج
ابتسمت وبداخلي گلت حلقه
مااحس اله سحب شعري عرفت گلاده ابتسمت واني مغمضه
اكيد عرفتي شنو
گلاده
ضحك ودارني عليه كبل دنكت راسي ورفعتهه نص گلب
فضه ومحفور عليه اسم وطبان وجوه حرفين امـ
معجبتج
شو نص گلب هذا لازم ناوي تكسر گلبي
سحب الزنجيل من رگبته وطلع الگلب الباقي محفور بي اسمي وجوه نيه
وقربه على الگلب اليمي وخلاه بصف الگلب اليمه
وطبان ميسم وجوه امنيه باوعت عليه وضحكت
الله وطبان
اسمي محفور بگلبج واسمج محفور بگلبي وامنيه مكانهه بنصنه
شبگته رأساً
عجبتج
اول واحلى هديه بحياتي باسني براسي وشال العلاليك ودخل للهول
جان ارقم كاعد متمدد ومخلي رجل على رجل ويگلب بجهازه ودحام نايم
كبل كال خزعل وين لعد
دار عليه ارقم
غير وياك
لا وين وياي كعدت ملگيته وخابرت عليه گال عاجبته دراجه ويريد يراوسهه
شنو مرجع من الصبح طالع
لا ولا شفته ابد
شمر العلاليك على القنفه وطلع موبايله
شو ميجاوب
رجع اتصل عليه مره ثانيه هم مجاوب
ارقم-خاف كاعد يسوق وميسمعك تعرف صوت الدراجه يطرش
وطبان-هاي ماابس جبتلكم حتى تاخذوهن وياكم
ارقم-يابه كنالك منروح
مو بكيفكم
كال هيج وطلع من الهول راد يروح للحمام
جوعان اجهزلك الغده
لا اكلت لفه بره
دخل للحمام ورجع طلع وهم بقه يتصل ميجاوب خزعل
باوعت عليه توتر
ارقم-يابه هسه يجي شبيك
رجع اتصل على ابوماشه گله مشفت خزعل
