Sye [ Completed ]

[ 5 ]

// Unicode //
~~~~~~~~~~

" အက်ဒီ ဒီဘက်ကိုလာကြည့် "

ဆိုင်ခေါ်တဲ့အနား သွားလိုက်တော့ ကန်ထဲက ငါး‌အသေးလေးတွေကို ခေါ်ပြခြင်းပင်။ 

" ဒါတွေကရောင်းတာတဲ့ ၊ မင်းလိုချင်လား "

အက်ဒီ ခေါင်းညိတ်လိုက်သည်။

တခြားအိမ်မွေးတိရိစ္ဆာန်တွေထက် အက်ဒီက ငါးတွေကို ပိုချစ်သည်။ အလွယ်တကူဖမ်းလို့မမိနိုင်တဲ့ ငါးလေးတွေကို အက်ဒီ သဘောကျသည်။ ဒါကိုသိနေပြန်တဲ့ ဆိုင်က သူ့ကို ငါးပြတိုက်ဆီခေါ်လာပေး၏။ ထုံးစံအတိုင်း ကျောင်းပြေးပြီးတော့ပေါ့။

ကန်ထဲထည့်ထားပြီး ငါးတွေရောင်းတဲ့နေရာမှာ သူတို့နှစ်‌‌ယောက် ငါးနှစ်ကောင်ဝယ်ဖို့ စိတ်ကြိုက်ရွေးဖြစ်ကြ၏။

" ဒီတစ်ကောင်ရော "

အဖြူနှင့် အဝါရောင်အစင်းပါသည့် ငါးလေးကိုပြသည်။ ကြည့်နေရင်း ကန်ထဲကိုလက်ထည့်ပြီး ငါးလိုက်ဖမ်းတဲ့ ဆိုင် ။ တစ်‌ယောက်ယောက်မြင်ရင် အဟောက်ခံရမှာအသေချာပဲမို့ အက်ဒီ အလျင်အမြန်တားရ‌၏။

" အိတ်ထဲခိုးထည့်သွားမယ် "

" သေသွားမှာပေါ့ကွ ! "

" ပါးစပ်ထဲထည့်သွားမလား "

" စမနေနဲ့တော့ .. မင်းလက်ကိုပြန်ထုတ်လိုက် ဆိုင် "

ကန်ထဲက လက်ပြန်ထုတ်လိုက်တဲ့ ဆိုင် ။ အက်ဒီ ဘေးဘီဝဲယာကိုတစ်ချက်အကဲခတ်ပြီး ရေစိုသွားတဲ့ ဆိုင့်လက်ကိုသုတ်ပေးဖို့ အသင့်ဆောင်ထားတဲ့ ပုဝါကို အိတ်ထဲကထုတ်လိုက်၏။

သို့သော် ဆိုင့်ရဲ့လက်က ရေစိုမနေ။ အခုပဲ ငါးကန်ထဲ ကို လက်နှိုက်လိုက်တာတောင်လေ...။

" ဘယ်တစ်ကောင်ယူမလဲ အက်ဒီ "

" ဟမ်.. မယူတော့ဘူး တော်ပြီ "

" ဘာလို့လဲ "

" ငါကျောင်းသွားတဲ့အချိန် ငါးတွေကိုဂရုစိုက်မဲ့သူမရှိဘူးလေ "

" ဟုတ်သားပဲ  "

ငါးပြတိုက်ကပြန်ထွက်လာကြတော့ အပြင်မှာ မိုးစက်တို့တဖွဲဖွဲကျနေသည်။ " မိုးရေထဲစက်ဘီးစီးလိုက်ရရင် ပျော်ဖို့ကောင်းမှာပဲ " ဆိုတဲ့ အက်ဒီရဲ့အတွေးတွေမဆုံးသေး ဆိုင်က မိုးစက်တွေအောက်ပြေးဝင်သွား၏။