يسعد اوقاتكم بكل خير حبايبي
نقدم لكم اليوم قصة عن لسان بطلها عباس الملقب بالجراح وهاذ الاسم الة موقف وسمي به
تعالو معنا نتعرف على احداث القصة
((عشك بالوقت الضايع )))وو
((البارت الاول))
عامر //سيدي اشو لساتك هنا مو اليوم اجازتك ولو مستغرب اخذت اجازة لان انت دائما ترفضها هههههه
عباس //تعبت مابية بعد
عمري ٣٧ سنة كضيتها كلها شغل وخدمة اروح يم بناتي احسن اخذلي يومين راحة وارجع
كمت على حيلة واخذت سويج السيارة ومبايلي من على الميز وطلعت للبيت
ولو البيت ماينطاق بسبب المغضوبة العندي بس ميخالف اتحمل لخاطر هدهد حبيبة ابوها
وصلت للبيت فتحت الباب وطبيت لكيت البنات بالصالة ندو تدرس هي صف اول ابتدائي وهدى تلعب بلعاباتها وامهن نايمة فوك
اتلكني شبكني
هدى //بابة مشتاقتلك كومات اممممحححح (تبوس بابوها )
ندى //الله يساعدك بابا تريد اصبلك اكل ؟؟؟
عباس //امج وين وانتي تصبيلي اكل ؟؟؟؟؟
ندى //دنكت نايمة فوك !!
عباس//انقهرت على وضع بناتي مثل طيور الذهب ليش ما عدهن بخت الله جاب هاي امهن
لا تهتم الهن ولا لدراست ندى
اكو ام تخلي طفلة بعمر ندى ٨ سنوات بعدهي مامكملة واختها اربع سنوات
وحدهن يصبن اكل ويحتارن بلبسهن وهي نايمة
صعدت فتحت الباب وهي رايحة بسابع نومة صحت
امل امممملللل اكعدي
امل //اهووووو اجيت واجت الهوسة شكووو تصيح ؟؟؟
عباس//وجعوووو حتى وجعووو
كوووومي فزي
كومي صبيلي اكل ولج اهلج ماعلموج شلون تحترمين زوجج
امج هيج تعامل ابووووج 😡
كووومي
امل //لا تصيح روح خلي ندى تصبلك اكل اني راسي يوجعني
((ودارت ضهرها الة ))
عباس //الغضب كام يقرا الف عندي نزعت الحزام وحمستها بيه وكمت اضرب بيها واسب
طفرت تدردم وتدعي عليه نزلت واستلمت ندى
امل //ولج متعرفين تصبين سم لابوج حقيرة وضربتها وهي تمشي
ندى //عيونها غرغرت بالدموع
والله ماما كتلة وماقبل اني شعلية
امل //اي لان خبيث وحقير مايعرف يجي بلا هوسة فد يوم ابد خلاص الله منة
عباس //تدعي علية واني اسمع ياربي مايفيد وياها كتل ولا رزايل انوب تسكم البنات سكم
خل اعرفكم بنفسي
اسمي عباس نقيب بالشرطة قسم تحقيقات عمري ٣٧ سنة عندي ولد ثنين عايشين يم اهلي بالعمارة
وبنات ثنين
مثل ماشفتوو فوك 👆هاي حياتي ابد مامرتاح تزوجت امل زواج تقليدي اني ابد ماحبيت ولا عندي مجال للحب
جبت حياتي كلها دراسة وبعدين اتعيينت ووصار شغلي كل شاغلي
اهلي ناس عرب من العمارة
بساتين وحلال اني طلع تعييني بغير محافظة
واجيت اهنا وبديت حياتي من الصفر سويت سلف وية ربعي واشتريت قطعة ٢٠٠ متر وكمت ابني بيها شوية شوية
خمس سنوات واني ابني بيها اهلي ناس متمكنين يعني راتبي الي
كمت اقتصد على روحي بكلشي
حتى الاكل ووالدي ساعدني
وكملت بناء البيت مرتب وجبير
بي ست غرف فوك بحماماتهن
وثلاث غرف جوة واستقبال وصالة مطبخ مرتب
بعد الخمس سنوات جمعت واشتريت قطعة بصف قطعتي هم ٢٠٠ متر سويتها حديقة زرعت بيها ورد واشجار فاكهة داير مداير الحديقة وبالنص ثيل صارت تخبل وخليت بيها فلاح كل فترة يراقبها حتى تبقة خضرة وحلوة
اني كل فترة اروح ازور اهلي
رحت ورة هاي الفترة لكيت امي خاطبة امل الي
من غير ماتكلي خلتني امام الامر الواقع بحجة يرادلي مرة تسويلي اكل وتغسل ملابسي وتشوف حاجياتي
بس الحقيقة امي تخاف لا اتزوج وحدة من المحافظة الاني بيها تكول الغريبة تاخذك منا وتغيرك علينا
امل من كرايبنا من العشيرة
اني وافقت لان فعلا محتاج مرة تشوف احتياجاتي
ابوية سوالي غرفة نوم ابيتهم اتزوجت بيها ومن ارجع لشغلي اقفلها ومن اروح باجازة انام بيها ملابسي العربية هناك دشاديش بغرفتي يم اهلي
اما ابيتي لا يختلف لبسي بناطير وقمصان بحكم عملي كنقيب شرطة
اول ايام زواجي جانت مملة لان امل ابد ما حسستني اني مهم عدها ولا تقربت مني جانت بعيدة عني
واني هم ماحبيتها دمها ثكيل وتعاند وماتهتم لملابسي واكلي متعرف تطبخ بس الخفايف
وماحاولت تتعلم ابد ودائما تروح لاهلها
ورة خمس شهور من زواجنا بزعت من عنادها وكتلتها وطردتها لاهلها
زعلت بقت شهر
واجة ابوها جايبها ويااا
ابو امل // عمي اشو ما سألت على مرتك لا كلت خلي اعتذر منها وارجعها شنو ماتريدها ؟؟؟؟
عباس // اني ماغلطت وياها حتى اعتذر ولا قصرت بشي
بصراحة عمي اني ماريدها لبنتك لان هي مو مال بيت ومسؤلية اذا اكل اجيب من السوك وملابسي اوديهن غسل وكوي
حتى البيت تجي وحدة تنظفة بفلوس
وما حامدة ربها وشاكرتة ساكت عنها بنتك
عايز وجع راس اني اخذها وياك وحقها يوصلها ليمها
ابو امل //لاعمي لا اخذها ولا شي
هي مرتك وتبقى اهنا وبعد اذا قصرت اني وياك بس خابرني واني اربيها الك
عباس //عمي اني م،،،،،،،،،قاطعة ابوها
ابو امل //عمي مرتك حامل خو ماتخلي بزرك بعيد عنك
انت زلمة معدل ونعم منك
عباس//انذهلت من كال حامل هذا الجنت خايف منة شلون راح اتقبلها طول عمري وهي لا خلقة ولا اخلاق حسيت انكسر واهسي من كلشي
ابوها راح وهي دخلت للغرفة اني قطعت اجازتي وداومت
ودزيت واحد من الشرطة الجوة امرتي يشتريلي غرفة اخشاب جديدة وينصبها الي بالغرفة الثانية
ماريد ابقى وياها بنفس الغرفة
وفعلا نفذ الولد
كمت اكل برة واجيب مسواك واذبة بالمطبخ الها واي كلام ماكو بينا حتى ملابسي نقلتهن
بالغرفة الجديدة وتركت ذيج الها
وهي ابد ماحاولت تحجي وياي
عايش وكأنما وحدي
ورة شهرين كالت اروح يم اهلي يداروني لمن اجيب
وافقت وانطيتها مصرف وراحت
واني انشغلت بشغلي
ورة شهور جابت ولد سميتة احمد
خلص الاربعين ورجعت
وانوب زاد القهر ابنها يبجي دوم
ووصخ وهي ملتهية بالمبايل
يتمرض ما تديرلة بال
الى فد يوم اجت امي شافتة وهي تخبلت
ام عباس //هاااااي شنووو ولج الولد ميت يبووو ،**************************ياترى شراح يصير ؟؟وصدك مات الولد وامل تبقى لو يطلكها عباس الجراح
ننتظر ونشوف
تقبلو تحياتي ام ماهر الكربلائية
