يسعد اوقاتكم غوالي
تعالو معي برحلة لبيت عباس الجراح نشوف شصار وياهم
رحلة جديدة مع
عشك بالوقت الضايع
والبارت ١٩
عباس//لالا خليهم يرحون ونبقى اني وياج بالبيت وحدنا
اني ما طايق اشوفهم كدامي
روحو ..روحووو كون ماترجعون
اسراء//سمعتة هيج كال لو احس السقف وكع علية من الالم دنكت وبجيت من كلبي
صعبة تسمع كلام جارح من شخص تحبة وتعشكة بس شسوي هاي قسمتي بعد
اشرتلي عمتي صعدت فوك ودكيت على عامر وبلغتة راح نطلع
وهو بلغني راح ينتظرنة براس الشارع
بدلنا وطلعنا اني لازمة هدى بيدي وعمتي لازمة ندى نخاف عليهن من الشارع
وصلنا لكينة عامر منظرنا صعدنا وياا
ام عباس//شلونك يمة عامر عساك بخير
عامر //تسلمين حجية انتي شلونج ...... شلونج خووية اسراء شخبارج ..... شلونهن الحلوات الغاليات
اسراء//الله يخليك خوية الحمد لله على كل حال
ندى وهدى //سلام عليكم شلونك عموو .....احنة زينين الحمد لله
عامر//حركت السيارة واتوجهت لمطعم باحد احياء كربلاء بيه حديقة وميوزة بالحديقة
كعدنا وطلبتلهم اكل همة ما قبلو بس اني اصريت عليهم
شوية نزل الاكل واتعشينة وخلصنة كتلهم
شوفي خالة اني ما اكدر اسكت على الديصير لعباس بس شسوي اريدجن تساعدني
اول شي لازم يشوفة روحاني ويخلصة من السحر لا يروح من ادينة
ثاني شي اني قبل فترة اقترحت عليه يكتب كل املاكة باسم اسراء وهي تحافظ عليهن
اسراء//اني ماريد اي شي اريدة يرجع عباس القديم ماريد لا بيت ولا املاك ولا اي شي غيرة 😭😭
عامر//اختي اني ادري بيج ماتردين شي واعرف نفسيتج لهاذ السبب اقترحت تنكتب باسمج انتي بس تحافضين
على حق اولادة وبناتة
هو اساساا نص البيت مكتوب باسمج لان مهرج بس النص الثاني خاف تاخذة سهام ويبقون اولادة وبناتة
وحتى ورثة بعد عمر طويل للحجي هم الج اكو كمبيالات باسم عباس انتي تطلبي مبالغ جبيرة والضمان
ورثة من الحجي
مانريدها بعد كل الاذية الاذتة بيها وتاخذ منة شي
ام عباس//عفية ابني زين ماسويت اني كلت انت احسن من اخوتة هاي هية يمة بسم اسراء كلشي وهي تحافظ على حصة ولدة وبناتة
بس شلون راح ناخذة للروحاني ونعالجة وهو رافض وهاي الحية ملتفة عليه
عامر //نحاول نعالجة من بعيد ونشوف .... خوية هسة البيت كلة باسمج صار واني اسرعت وحولتهن خاف يلغي الوكالة بس باجر تعاي للشهر العقاري الصبح وقعي باستلام الملك
وبس
اسراء//احاول اجي خوية ما اعرف شلون اشكرك لانك تفكر بعباس ومصلحت اولادة
يلا يمة نرجع لا يحس بينا ويكلبها عزة علينا
