السلام عليكم غوالي
عدت بعد غياب لاكمل لكم قصة عباس الجراح
وعشك بالوقت الضايع
بارت ١٦
عباس// ضربت اسراء والتفتت شفت سهام وراي
اانتي شتسوين اهنا اشجابج هااااا
سهام //اني اول ما صعدت رشيت شوية فوك من الانطتنيا المرة
ومن سمعت صوتة اجة وضرب اسراء فرحت حيل دهنت ايدي وطلعت حجة وياي
الله يساعدك يعمري اجيت اشوفك اشتاقيتلك حيل صارلك اكثر من شهر ماسألت علية كلت اني اجيك
اني طول عمري اركض وراك وراح اضل لاخر نفس بية ادورك ابن عمي الغالي
وكمت امسح باجتافة وظهرة بايدي المدهونة
عباس//اني مو شرطت على ابوج ماتوصلين لهنا شجابج
سهام//جلبت بايدة وجثيت على ركبي
خليني خدامة جوة رجليكم ابن عمي تدري بية شكد احبك اني ومستعدة اخدمك انت ومرتك وبناتك
كلكم احطكم على راسي بس عوفني يمك اشوفك من بعيد
اهي اهي اهي سوت روحي ابجي 😐
اسراء//كمت فتحت الباب ونزلت للمطبخ وهو طب بدل ونام
بس دموعي تجري متفأجأ بتصرفة وياي ليش هيج
سوة اجن ندى وهدى
ندى//ماما لا تزعلين من بابا اعصابة تعبانة وضاج من شاف ام سهام وبتها اهنا
وطلعت الحركة بيج انتي
هدى//بجت .........ماما عفية لا تزعلين وتعوفينا مانكدر نعيش بلياج
اني هسة اروح لبابا واضربة على راسة اخليه يصحة
ليش يضربج الج
اسراء//عيب ماما لا تحجين على بابا هيج وتعلمن اليصير بينا اني وابوجن انتن مالجن علاقة بي خوش يحلوة
سهام//عافني عباس وطب غرفتة وسدها اني نزلت للمطبخ وسمعت حديث بناتة وية اسراء
ضجت يعني يحبنها اكثر من ابوهن تمام اني الجن خل افوخ كلبي بيجن واسببلجن كتلة معدلة
طبيت عليهن
ولجن ادبسزيات شلون تحجن على ابوجن هيج هاااا
النهار كلة يشتغل ويتعب وانتن تفضل هاي الغريبة علية
والله يرادلجن تربية من جديد حقيرات
ندى //احنة مربايين احسن تربية شوفي روحج شلون تربية لازكة لابوي حتى بعد ماطردج لاحكتة
سهام //ولج هاي عليمن الحجي ادبسزز تعاي
وجرتها من شعرها وضربتها راشدي على خشمها
اسراء//احس روحي فرفحت من شفت خشم ندى كام يكت دم
ورديت على سهام ضربتها راشدي فريت وجها فر
ولج انتي منو سمحلج تمدين ايدج على الطفلة هااا
اليوم اكطعج حقيرة ادبسزز ماكو غيرج
ولج عندج جرأة تمدين ايدج على البنات بعدج ماطبيتي
بعدنا نتعارك واجو عمتي وحمويني ثنينهم وام سهام
ياسر// هااااي شنو منو ضاربة ندى هيج
انتي شنووو لحكتينة ابلاويج لهنا شكوو اجيتي
وليش ضاربة هاي الطفلة هااااا
سهام//لسانها طويل وهاي حاطتهن وتحشي بيهن على ابوهن وهنة يغلطن عليه ولا يكول النهار كلة يتعب لشكولهن
ام عباس//وحضرتج المحامي هااا ولو اني اعرف لا اسراءولا بناتة حاجيات بس هاي فتوكج تتبلين على الناس
بعدج ما اجيتي شديتي الله لا جابج ولا بارك بيج
ام سهام//شسالفة خية هاي بدل ما تعاقبين ذني المايستحن ويحجن على ابنج تردين على بنتي
وانتي تدرين بيها شكد تحب ابنج وماتقبل احد يحجي عليه
بس هي حظوظ صدك لو كالوو خظ الجايف نايف
ام عباس//والله جنا عايشين بخيرات الله وشحلانة بس طبيتن جبتن كل البلة وياجن
عباس//خييير شكو صوتكم واصل لسابع جارر
مماخليتوني انام ساعة
سهام //كبل كامت تبجي وتلطم على وجها
اووف ابن عمي كلهم دارو علية لان ماقبلت احد يحجي عليك يعني شسوي اني احبك بجنووووون ما اكدر اصبر
من واحد يجيبك بطاري موزين
ياريت اكدر اسمع واسكت مثل غيري بس ما اكدر انت كل حياتي ودنيتي
اسراء//ضليت فاكة حلكي على القابلية العدها وساكتة بس حاضنة ندى وهي تنشغ من البجي
وعباس ولا كان يشوف بنتة بهالحالة ضليت اسأل نفسي شنو الصار
عباس تغير ١٨٠ درجة ليش هيج احسة بارد وما انطة اي ردت فعل
سمع الحجي وما رد علينا كام ورجع للغرفة ينام بس كال
عباس//راح اصعد انام ماريد صوت ولحد يكعدني على الاكل ماريد سمعتووووو
اسراء //صعد عباس واني رجعت اكمل العشة والبنات اخذتهن عمتي يمها بالصالة
وسهام ماكو يمكن صعدت لغرفتها تنام
ياسر وعامر اخوت عباس راحو بالمظيف يلعبون دومنة
كمل العشة وصبيت وكعدو الكل يتعشون اني ما اشتهي اكل
بس عزلت اكل لعباس
وعمتي سالت عن سهام امها كالت نايمة ماتريد اكل واحنة ما هتمينة الها تاكل ماتاكل يطبها مرض
الخبيثة عساها ما اكلت دوم
خلصو عشة وشربو جاي واني رحت للمطبخ غسلت المواعين ونظفت الارضية
ورتبت المطبخ وصعدت اريد ابدل ملابسي
اجيت لباب الغرفة مقفول من جوة
ياربي اريد ملابس وعباس قافل الباب اخاف ادكها وهو نايم وينهد بية
واني ماريدة يعتدي علية كدام سهام
رديت احرك بيدة الباب شوية سمعت حركة كلت راح
يفتحلي الباب
انفتحت الباب وياريتها مانفتحت
اسراء//هاي شتسوين بغرفتي هاااااااا
*****************************************************اعذروني البارت قصير لان ايدي توجعني ما كدرت اكتب اكثر انشالله ما اتأخر عليكم بالنشر تقبلو تحياتي
ام ماهر الكربلائية
