شلونكم ياعصافير كلبي
شلونهم الغوالي شخباركم
بما انو اليوم رحلتنا الاخيرة مع عباس الجراح فراح ادللكم واجيبلكم طيارات ونرحل بيها يلة اصعدو وعلى كيفكم لا تسوون ازدحام 😁😁😁
✈✈✈✈✈✈✈✈✈✈✈✈✈✈✈✈✈✈
عشك بالوقت الضايع ووو
البارت 20 والجزء الاول من البارت الاخيررررر
اسراء// وكع عباس واني فرفحت كمت الطم على راسي
واصيح عباااااااس
كمت انهضة من الكاع وهو ما ادري شبي يفتح بعيونة ويسدهن وكانه ينفض انفاسة الاخيرة
عيونة علية ودموعة تجري بس ما يكدر يحرك روحة واني مثل الطير المذبوح
افرفح واصيح وساعة احط حلكي على حلكة وانفخ اسويلة تنفس اصطناعي وساعة اضغط على صدرة
بادية وساعة افرك بصدرة حرت شسوي
وساعة اكوم افتر داير مدايرة واصيح
عباااس مديورة دون عمرك
حبيبي من عمري على عمرك بس حاجيني
شكد اذاني هاي الاربع اشهور الاخيرة
بس ابد ماحقدت عليه ولاقل حبة بكلبي بالعكس الغيرة زودت حبة بكلبي
كمت اصيح بعلو صوتي نزلت عمتي خطية كوة تنزل من الدرج
والبنات هم اتكابلنة عليه كوة سحلنا بنص الصالة لان الله يسلمة جثل طول بعرض
وهاي الحقيرة كاعدة ولا يمها اببد
شوية وكامت راحت لبست عباتها واجت وجان تكول
سهام//عمة اني رايحة لاهلي اصعد بسيارات العمارة وهناك اخابر اخوتي ياخذوني
اني حامل موزين علية القهر وعود انتو وصلولي الاخبار
اسراء//من سمعتها هيج كالت لو شبت النار بكلبي كمت على حيلي واني مثل المخبلة ما ادري بروحي شسوي
كمت عليهاا كبل معشتها من راسها واني اصيح
ولج كل عقلج اخليج تطلعييييين عدلة مناااااااا
موتي وتررررددددين تشردين الة اموتج
ولج تطلع جنازة عباس وانتي ورااا كلبة بنت الكلببببببب
وكمت اضرب بيها بلا شعور
وسحلتها سحل وعمتي تصيح
ولج حيييل موتيهااااا
وساعدني البنات هم سحلناها دخلتها بالغرفة الجوة وقفلتها وشلت المفتاح ذبيتة بنص مزهرية
بركن الصالة
ورجعت اكلب بعباس شسووووووي ياااربي
ندى //شفت بابا واكع وامي اسراء تفرفح متعرف شتسوي ركضت لفوك لغرفتها جبت مبايلها ودكيت على عمي
ياسر
📲الووو هلا خوية اسراء شب............
📲عموو الحك عليناااا اهي اهي اهي
📲ولج عمو شبيج مادا افتهم منج ليش تبجين بيبيتج بيها شيي احجي ولج بابا بطلي بجي وحاجيني
📲عموو بابا مااااات تعالنا
ياسر //جنت بالبستان وية الفلح نسكي بالزرع ودك مبايلي
باوعت عليه رقم اسراء مرت اخوية
