يسعد اوقاتكم
عدنا لنكمل قصة عباس الجراح
و عشك بالوقت الضايع
و البارت السادس
ام عباس//شلووووون وهي تنهض من مكانها
شكلت اني ربيتك هيج
تباوع على اعراض الناااااس وفوكاهة
متخربطة احوالة
ليش قلت النسوان ماكو غير ام رجل تعاين عليها
هي هاي تربات الشيووخ احجي
ليش سكتت
عباس //يمة رحمة لاهلج الطيبين
لا تزيديها عليه
اني شبيدي كلبي اغبر
ماتعلق الا بوحدة متزوجة
يمة اني كاره روحي
ليش هيج صار وياي وليش من دون النسوان هي دخلت كلبي وعقلي وبسرعة هم
يمة راح اموت قههر
عليها
ارحميني يمة والله مو بيدي مااعرف شلون صار وتعلقت بيها واني طول عمري ما التفتت لبنت
يمة شسوي شوفيلي حل
ام عباس//اسكت اسكت راح يمووت
انت لازم تصير عندك مرة سمعت
ومرتك امل تريد ترجع
لخاطر جهالها تريدهم
من عين باجر
اروح اكل لاهلها ونرجعها الك
والتهي وياها وعوف هاي الخرابيط
انوب متزوجة
والله يا الله وتهز باديها
عباس//يمة ماكو مرة غير امل نسيتي شسوت
على مود تطلك ماترهم هاي مو مال بيت ومسؤلية
ام عباس//جانت هيج قبل ٥سنوات هسة استعدلت وهي الطلبت ترجع
لاولادها وبيتها واني وعدتها ارجعها
وهي وعدتني ماتقصر وياك
عباس//ما اعرف شصار بية يمكن يأس يمكن عاقبت روحي
ما ادري قبلت برجعة امل بعد كل ماعانيت وياها
ضليت ايام اني كاب نار من العصبية البية
وكل ما الزم تحقيق ادمر المتهمين كمت اذب غضبي عليهم
الى ان رفعو بية مذكرة للرائد مالنا
واجة علية
رائد جليل//عباس شجرالك ابني انت واعي للتسوي
انت دا تدمر كل السويتة بهاي السنين الراحت
دمرت سمعتك المهنية
ليش هيج ابني
تدري الولد الضاربة امس بين الحيا والموت
دخل انعاش
وهو مجرد مشتبه به
اذا مات شيخلصك من اهلة انت واعي لروحك
ابني ليش هالعصبية كلها احجيلي يمكن اكدر اساعدك
عباس//سيدي اعتذر نفسيتي تعبانة هالايام
عدي مشاكل عائلية اعتذر مرة ثانية
جليل//ابني طول عمرك تفصل بين عملك واهلك
شصار هسة هيج مشاكلك قوية
شوف عباس كتبتلك اجازة شهر
ترتاح بيها وترجع
لعملك لاكن اريدك مثل قبل
نقيب كفوء ومنتسب معدل سمعت حاول تريح اعصابك
واني بنفسي راح اتابع حالة الولد
الرميتة بالمشفى
وبلكي يطلع مذنب تخف عنك المسؤلية بس اذا طلع
ببريئ راح يسون المستحيل ويقاضوك
عباس //تمام سيدي اني اشكرك هواي على وكفتك هاي
طلع الرائد واني وقعت الاجازة ولميت حاجاتي واريد اطلع
طب عامر
سألت
اكو اخبار عن اسراء ؟؟؟
