يسعد اوقاتكم
اعتذر من احد الاخوات وعدتها انزل البارت بليل وما صحلي بسبب الخطار والنت انقطع
تعالو نكمل قصة عباس الجراح
وو عشك بالوقت الضايع
البارت السابع
عباس //دخلت للبيت واسمع صرخة هدى تخبلت ركضت للمطبخ
مصدر الصوت
لكيت امل حامية السجينة
وخالتها على ايد هدى
والطفلة تفرفح
ولججججج اممممملللل شدسوين
وج اليوم اذبحج
ركضت اخذت السجينة من ايدها وكبل اريد احطها
على ركبتها
حسيت واحد لزم ايدي
التفتت شفت
ندى ترعش وتصيح
ندى//بابا لا بابا لا يحبسونك 😭😭😭بابا احنة مانكدر نفاركك
عباس//شمرت السجينة وجريت الحزام وطحتلها دك
كتل مال واحد محروك كلبة
وانوب جريت ايدها
الجوت هدى خليتها على عين
الطباخ وهي تصيح
ا مل //دخيلك اتوبة بعد ما اكيس وحدة من البنات بس عوفني
اترجااااااااك
عباس//كامت اتصيح من المها
حسي باليّ حستة هاي الطفلة
ولج انتي هم تعتبرين
نفسج اااااممم
بنت الكلب شلون تتجرأين وتجوين هدى
ماخفتي مني ما حسبتيلي حساااااااب
دررت وجهي شفت ندى حاظنة اختها ومفرفحات
ثنينهن
طلعت مبايلي خابرت ابوها كتلة
اسمع اذا ما اجيتو هسة
واخذتو بتكم اذبحها والله
واليفتح حلكة منكم اودّي وراها
بعد ما اتحملها سمعتوووو
صعدت للغرفة طلعت ملابسها وشمرتهن بالصالة من
فوك المحجر اشمر
هي لفت ايدها المجوية وكامت تلم ملابسة
اني رحت لهدى عقمت الجوية وخليتلها دهن حرك
الحمد لله دائما اشتري هاي الدهونات والتعقيمات
للطوارئ مخليها بصيدلية
زغيرة بالبيت
ولفيت ايدها وخليتها بحضني ظليت امسح على راسها
غفت وهي تنشغ
اما امل طلعتها برة تنتظر اهلها
ساعتين وصلوو
ابوها واخوها اني رميت عليها يمين الطلاك
اخذووها وراحوو
ومن يومها لليوم اخذ بناتي وياي من اروح للدوام يبقن بالغرفة
الثانية يم عامر
بس المشكلة من هاذ الحادث كامت هدى تبول على روحها
وديتها دكاترة هواي بس ماصارت الها جارة
الطفلة دوم مرعوبة وكل شوية موصخة ملابسها
وندى محتارة بيها لو اني كمت ما اخجل من اغسل لبنتي لو ابدللها كدام اصدقائي
وبيوم ولد ويانة بالدائرة اقترح علية
جاسم//ابو احمد انت لازم تتزوج حتى تلكة التداري بناتك
اكو يمنة مرة ارملة ماعدها جهال اشوفها الك اهلي يمدحون بيها
عباس//خاف تطلع قاسية وبناتي مايتحملن خطية لساتهن ما نسن امهن وعمايلها
جاسم//يخوي مو كل اصابعك سوة هاي المرة اشوفها
حنينة وية جهال اخوتها
