يسعد اوقاتكم
عندي عتب على بعض المتابعين الي لاموني البارت قصير وليش تتأخرين علينة بدل ما يكلولي الحمد لله على سلامة اخوج او الله يشفي
اما بعض المتابعات جان تعليقهن بلسم للجرح فدوة لكلبهم تفهمو وضعي فديتهم .......
بعد العتب
نكمل وياكم قصة عباس الجراح
وعشك بالوقت الضايع
البارت ١١
عباس//يبة اقدملكم زوجتي اسراء
ابو عباس//شلوووون شوكت تزوجت ومنين ومنوو راح وياك
ليش احنة مالنة علم هاااا احجي
عباس//يبة اني مو زغير حتى واحد يروح وياي
مركزي وشخصيتي تخلي اي شخص يناسبني بدون اي شكليات
ومو كل الناس تدور مشيات ووفخفخة
اني خطبت واهلها انطوني هاذ كل ما بالامر
ابو عباس//ام عباس اخذي البنت واحسني ضيافتها
ههاي ضيفتنا اول مرة تطب لبيتنا
عباس// اوكفي اسراء
ورحت لزمت ايدها شبكت اصابعي باصابعها
يبة اذا معتبرها ضيفة فاني اكلك
احنة غلطنا بالعنوان
ونعتذر وراجعين منين ما اجينا
لان هاي زوجتي
يعني اني وياهة واحد اذا اني هم ضيف
ضيافتك وصلت يبة احنة راجعين
ياسر//شنو سالفتك يخوي انت تدري ابوي مايقصد هو كال هيج لان اول مرة تطب بيتنا
يخوي انتو اصحاب البيت .
استهدي برحمانك صدك جذب
ابوعباس//فوتي بنتي روحي يم خواتج
وانت امشي كدامي للمضيف
يلةة كدامي
شنو كبرت وصارت كلمة ابوك
ماتمشي عليك
عباس//اشرت لاسراء تطب ورحنة للمضيف
طبينة كعدنة صاحو الولد
الله بالخير
الله بالخير
الله بالخير
جابر//الله بالخير وليدي
ابني اني لوما احبك ما انطيك بنتي وادري بيك رجال حوك
تكدر تكلي انت ليش رافض بنت عمك لحمك ودمك
وراكض ورى الغريبات
عباس//الله بالخير والعافية عمي
اولا اني تزوجت قبل لا اعرف
باتفاقياتكم
ثانيا اني رافض الكرابة شلع قلع
مو بس بنتك
وانتو تدرون رأيي شنو خاصة بسهام
ابو عباس//اسمع عباس بنت عمك اني نيشنتها الك
والناس كلها درت اهنا
فما اسمحلك تعرض سمعة عمك لكلام الناس المايرحم
تزوجها وغصبن عليك
وهاذ اخر كلام عندي
لو تطلع من العشيرة وتعتبر نفسك ماعندك اهل
عباس//طفرت من مكاني
الله واكبر عليكم انتو ليش هيج تسوون بية
يبة زوجتوني امل راوتني الويل
وماعولت اخلص منها
تجيبولي علة اكبر منها
انوووب ليش هيج انتو وياي
مستخصرين بية الراحة
ترة هستوني جريت نفس عمري كلة جبتة قهر والم
وما صارلي اسبوعين من اتزوجت وارتاحيت حسيت اني انسان
من صدك لييييييش
تردون تهدمون حياتي ليييييش
ياسر//اهدأ يخوي اهدأ لا يصير بيك شي
انت مريض اهدأ لا تنجلط مرة ثانية
ماعولنا تردلك عافيتك
احمد عمي كوم جيب ماي لابوك
