/Дууссан/ 👑 KINGS 🔹 S5 👑 [🌏 Earthweb🕸]

6. Хамгаалж өгье

Эцэст нь Афоксчууд агуйн булан руу зугтаж аюулгүй бөгөөд хурдан ялалтыг байгуулж чадлаа.

Сухо өөрийн сэрээт жадаа хураан мөрөн дээрээс зүүгээд "Болчихлоо, цаашаа явах уу?" гэж асуухад Мила Эрон нар ямар ч хөдөлгөөнгүй таг дуугүй түүн рүү ширтэнэ.

Юу болсныг мэдэж байгаа Саяана худлаа инээсээр "Явцгаая, бид яарч байгаа шүү дээ" явах гэж оролдоход

Эрон "Х-Хаан юм уу? Лусын хаан?" гэж асуулаа.

Мила ч адилхан асуулт тавих мэт Сухо руу таг гөлөрсөөр зогсоно.

Сухо бага зэрэг инээмсэглээд "Тийм ээ мөн" гэж хэлэхтэй зэрэгцэн Мила Эрон хоёр түүний өмнө сөхрөн доош унав.

Сухо, Саяана "Я-Яагаад байгаа юм бэ?"

Мила "Өршөөгөөрэй эрхэм дээдсээ, таныг хаан гэж мэдэхгүй нөхөр минь их бүдүүлэг зан гаргасан байх"

Эрон "Зөвшөөрөлгүй эрхэм дээдсийн биед хүрсэндээ үнэхээр харамсаж байна. Өршөө эрхэм дээдсээ" хэмээн гуйна.

Сухо "Зүгээр дээ. . . .битгий ингэ"

Саяана "Юу вэ та хоёр одоо, хэзээ ийм ёс журамтай болчихсон юм. Тэгж яривал би ч бас хатан шүү. Надтай та хоёр яаж харьцаж байлаа даа. Уучлалт гуйхаар бол эхлээд надаас уучлалт гуух ёстой биз дээ?" гэхэд

Мила Эрон хоёр зэрэг дээш харан "ЧАМААС ЯАСАН ГЭЖ УУЧЛАЛТ ГУЙХ ЮМ" гэж үгссэн мэт зэрэг хэллээ.

Саяана "Хоёр зэвүүн!"

Сухо тэднийг шоолон инээсээр Мила Эрон хоёрыг босгоод "Ингэж хүндэтгэл үзүүлэх хэрэггүй дээ. Би хэдий хаан боловч энэ аялалд зүгээр л лусын иргэн, Саяанагын нөхрийн хувиар явж байгаа. Тиймээс зүгээр найзынхаа нөхрийг гэж бодоод энгийн чөлөөтэй байгаарай" гэхэд

Эрон "Вуа~~ Лусын хааныг ийм догь гэж бодоогүй юм байна шүү. Та үнэхээр лаг юмаа" гэхэд

Саяана "Та лаг юмаа гэнэ шүү, тал засагчид" хэмээн амандаа бувтнасаар түрүүлээд сэлэхэд

Мила "Саяана гуай том нууцынхаа төлөө чи асуудалд орсон шүү! бид хоёр лав тийм хурдан уучлахгүй"

Эрон "Тийм шүү, сайн найз гэр бүл шиг минь гээд хөөргөөд байдаг юм байж хааны хатан гэдгээ нууж байдаг" гэсээр Саяана руу нүдээ нарийсган муухай харлаа.

Саяана "Уучлаарай даа"

Эрон Сухо руу харан "Нэгэнт найзууд шиг чөлөөтэй байгаарай гэсэн болохоор нэг зүйл хэлж болох уу?" гэж асуулаа.