#الفصل_الثالث_عشر
#تعويذة_حب
#دنيا_صابر
أتُشفى جِراح القلب مِمَن يُحِب؟
وكيف لا تشفي وهو الترياق لها هو طبيب جروحي ومعالج الألمي، فهو بلسم الروح وشفائها علقم أيامي، طبيبي وحبيبي به الدنيا تطيب، وتكون الحياة معه لها رونق خاص، ويجعل لها حلاوة ليس كمثلها على وجة الكون، يتسالون هل تتشافي الجراح بالطبع تشفى، فالروح دائما تُسامح وتَغفر وتتناسى جرحها بمحرد رؤيتها لمن أحبت تنسى أنه طعنها وخذلها ،دائما تهرول لضمه متناسية ماذا حدث، بضمه واحده يذهب كل جرح وألم محط النسيان.
#دنيا_صابر
ممسكه بكوب قهوتها وتنظر من نافذة غرفتها بشرود وهى تفكر وتفكر وتتحدث مع نفسها : هو ليه الحياة ظالمة كده ؟من إمتى الحياة نصفت حب؟ لو نصفته مكنتش الست غنت كل ده للحب، ليه فيه حدود دايما؟ ليه مينفعش أقول لل بحبه إنى بحبه، ليه بنخاف نعمل ال يريحنا وبنعمل ال يريحهم ، دى حياتنا إحنا ال هنعيش إحنا ال هنفرح وهنزعل مش هما، أمتى هتريحنى وتريح بالك بس
دخلت عليها اختها : هو مين دا يا ست هانم الى هيريحك ويريح باله هااا؟!
تنحنحت ندى بتوتر : مش حد يا أميره
رفعت اميره حاجبها ونطقت بشك : أستاذ بحر صح أخو الواد الى بتديله درس خصوصى مش كدا ؟!
توترت ندى وزاغت عيناها : هااا
اميرة بحماس وهى تصفق بيديها وتتجه الى الفراش وتجلس عليه : مين قال هاا سمع يبقى هو أحكيلى يلا اى الى بيحصل من وراياا دا أنا أختك بير أسرارك
همست ندى بهدوء وإرتباك : هو
اميرة بشك : هو مين !! استاذ بحر ؟
هزت ندى راسها بالإيجاب وهى تنظر لردت فعل أختها التى أبتسمت بأتساع وهى تتضرب كفيها : هو دا الكلام وهتعملى اى بقا عشان تخليه يحبك أقول لك تعالى نروح للشيخه إعتماد الى فى حارة الجن تعملك عمل تحطيه تحت عتبة اوضته ولا تحت المخده وهيحبك على طول دى سرها باتع ومعروفه ووو
قاطعتها ندى وهى تضع يدها على فمها لتصمت : هششش أى راديوا وعلق مش بيفصل أسكتى أى شيخ وعمل وحجاب ويحبنى أنتى أى لا طبعا انا مش هعمل الهبل دا انا اه بحبك بس مش هعمل اعمال ولا كلام من دا انا هخليه يحبنى لشخصيتى ونفسى والموضوع دا محتاج صبر
وضعت أميره يدها على خدها بتذمر وهى تنظر لندى بغيظ : والله أنتى غبيه ما كنا نروح لشيخه إعتماد وكانت هتقصرلنا الحوار بدل موضوع الصبر دا
ضحكت ندى وهى تضرب راس أختها : بطلى هبل مستحيل اعمل الكلام العبيط دا وبعدينى انتى هتصحبينى روحى يلا شوفى خطيبك بيرن الجرس أهو
شهقت اميره وتحدثت وهى تجلس مره اخرى بجانب ندى : هتعملى اى فى حوار العريس الى أنا جايه اقول لك عليه قبل ما ماما تيجى وتتكلم معاكى
أنت تقرأ
تعويذة حب (قيد التعديل لغويًا وإملائيًا)
Romanceالحب كالتعويذة تقع اسيِره بدون إراده منك لا تعلم كيفية الخروج من تعويذته ولا تستطيع فك سحر تلك التعويذه يحدث الحب فجاءه وتقع فيه تعافر وتنفر وتتحدي قلبك ولكن بالاخير انت واقع حتما في تلك التعويذه لا مفر لك الا فكها فهل ستستطيع النجاءه من سحر تعويذه...
