تعويذة حب (قيد التعديل لغويًا وإملائيًا)

الفصل الثامن والعشرون

الفصل الثامن والعشرون
تعويذه حب
بقلمى دنيا صابر

يوم عقد قران بحر وندى
يقف وهو يضبط جاكيت بدلته ويشعر وكانه متوتر لا يعرف ما سبب اشتعال قلبه ربما لانه كان يريد ان لا يجازف ويعلقها به وهو مازال فاقد بصره او ربما خائف ان يظلمها معه فهى رقيقه وحنونه على عكسه تماما لا يعلم لما هى واقعه بغرامه وهو. لا يجد أن شيئ مميز به .. ابتسم عندما سمع صوت أخيه الاصغر ركان وهو يدخل متحدث بحماس ونبره حنونه مشاغبه : ايوا يا عم الله يسهلوا اى الشياكه دى كلهاا

تحدث بحر وهو يمسك بعصاته : يعنى طالع هيبه كدا

ركان بجديه : أنت طول عمرك هيبه يا أبيه

بحر بهدوء : تفتكر الى بعمله دا صح مش بظلمها معايا ؟! خصوصا وانا كدا

ركان : متقلقش ميس ندى بتحبك والى بيحب حد هيفضل متمسك بيه مهما كان وضعه او ظروفه، وبعدين كلها اسبوع وتروح تعمل العمليه وتبقى عشره على عشره

ابتسم بحر ليقترب من أخيه ويعبث بشعره : كبرت وبقيت بتعرف ترفع من معنوياتى يا ركان

ركان وهو ينظر له بغيظ ويحاول أن يعيد ترتيب خصلات شعره : بوظتلى شعرى يوووه

ليقهقه بحر وهو يخرج من غرفته محرك عصاته ليسير دربه وهو متلهف لسماع صوت ندى فهو يشعر بالدفئ بجانبها ليسمع تهاليل والدته وصوت والده وهو يدعو له ويخبره انهم ينتظرانه أمام السياره .

______________

بغرفه ندى تقف أميره وهى تبتسم وتدخل كل من ليليان ورنا وروح وشچن لتهلل شچن بحب وهى تنظر لندى بالمرأه : ايه ده ايه ده بس الجمال ده كله قمر يا ناس

ندى وهى تبتسم : اهو انتى اللى قمر عقبالك كتبت كتابك يارب

شچن بحالميه : هييييح

لتضحك روح وهى تنظر لشچن بخبث : فى حاجات حصلت باين يا بنات واحنا منعرفهاش

أميره بضحك : انا حاسه كدا هيبقى فى قعدة اعتراف بعد كتب الكتاب اشطاا

شچن بضحك : أشطااا

رنا برقه : الله اكبر اللهم صلى على النبى ربنا يحميكى ويحرسك من شر العين يا رب

ندى بتوتر : بجد يا رنا يعنى طالعه حلوه

رنا بحب وابتسامه واسعه ونبره مدح : حلوه بس ده انتى قمر يا نودى

ندى وهى تنظر لنفسها بتوتر فى المرأه : حاسه ان انا قلبى هيوقف عليا من التوتر

روح بمرح : اجمد يا بطل دا النهارده كتب كتابك يا باشااا

ندى بتوتر : أنتى بتوترينى أكتر ما أنا متوتره

ليسمعوا دقات خفيفه على باب الغرفه لتفتح أميره لترى والدتها : اى يا بنات الضيوف برا مش ناويه تخرجى ولا أى يا ست ندى