تعويذة حب (قيد التعديل لغويًا وإملائيًا)

الفصل الحادى والعشرون

"اهل الحب صحيح مساكين"

تسير خلفه بخطوات سريعه وهى تناديه : معتز يا معتز يووه بقا استنى هنا

وقف ونظر خلفه باتجاهها والعصبيه واضحه على ملامحه : نعم يا أميره خيير

تقف أميره أمامه وهى تأخذ أنفاسها : ممكن تهدا شويه بقى

معتز بعصبيه : اهدا ايه مشوفتيش الزفت أبن عمتك دا بيبصلك ازاى دا أنا لولا ما عامل أحترام لمامتك واختك ندى الى قاعدين كنت موته بايدى

أميره وهى تمسك يده وتبتسم بوجهه : هو اى نعم حسام غتت ورخم بس هو كان قاصد يستفزك انا عارفاه وبعدين متدايقش نفسك هو كدا كدا مسافر ومش هتشوفه تانى على الاقل الفتره دى روق بقى علشان خاطرى

ينظر معتز ليدها الممسكه بكفه وابتسم بهدوء : خاطرك غالى عليا اوى حاضر يا قلبى

أميره بحماس : ايوه كده شطور يلا سلام بقا هرجع انا الشقه سلام

أمسك معتز بيدها سريعا : استنى هنا شقتة أى، انتى النهارده هتقضيه معايا

رفعت أميره حاجبها : اقضيه معاك ازاى مش فاهمه

ليضحك معتز وهو يضربها على راسها بخفيف : يخربيت الدماغ الشمال دى اقصد أننا هنتغدا مع بعض فى مكان عام

ابتسمت أميره باحراج : احم م.م.ماشى، هتصل على ندى غشان تبلغهم ثوانى ودقائق وعادت له فل يلا

معتز بحب : على فكره واحشتينى اوى اوى

صمتت أميره بحياء وهى تنظر حولها

ليبتسم هو ويتحدث باصرار : ميرو يا قلبى بقولك واحشتينى

أميره وهى تصعد للسياره : م.م.ماشى شغل العربيه وامشى بقى

معتز بمكر : طيب ما تجيبى بوسه سلف تصبيره كده لحد الفرح

رفعت أميره حاجبها وتحدثت بتحذير : معتز... استهدا بالله كده وامشى احسنلك

معتز بنرفزه : انا مش حد غريب انا زى جوزك يعنى دا احنا حتى كاتبين الكتاب والله

أميره وهى تعبث بطابلوه السياره : اهو انت قولتها كاتبين الكتاب بس يعنى لسه متجوزناش ولا عملنا فرح

معتز وهو يبدا بالتحرك بالسياره : يخربيت كده دى بوسه بريئه مش هغتصبك يعنى

أمي ه بصدمه وهى تنظر له : ايه اللى انت بتقوله ده يا معتز اتلم

معتز وهو ينظر امامه : احم ولا حاجه ولا حاجه بقولك هتاكلى فراخ ولا لحمه ولا اقول لك بيتزا احسن انتى بتحبى البيتزا

اميره وهى تنظر له بضحك : مش فارقه ايه حاجه بس المهم اكل عشاااان جعاااااانه

معتز بفضول : هو انتى علطول كده جعانه ده انا داخل والاطباق كلها ممسوحه واكيد حضرتك اللى اكله الاكل ده كله