Unicode Version
"ဘာလုပ်နေတာလဲ..."
ကောင်လေးကခပ်တည်တည်အသွင်ဖြင့်မေးခဲ့လျှင်...
"ပန်းကျစ်နေတာလေ..."
မိန်းကလေးကပြုံးပြီးပြန်ဖြေလိုက်လေသည်...။
"ဪ...အောက်မှာထိုင်ချနေတာ မအေးဘူးလား..."
"အင်း...အေးတယ်..."
"..."
"အခုထလိုက်ပြီ...မထိုင်တော့ဘူး.."
မိန်းကလေးကပြောပြီးထိုင်ရာမှထလိုက်၏..။
"ပြီးသွားပြီလား..ပန်းကျစ်လို့..."
"ပြီးပြီ..."
ပြောပြီးမိန်းကလေးကသူ့ကိုကျော်သွားဖို့ခြေလှမ်းပြင်လိုက်၏...။
"အိမ်ထဲသွားတော့မလို့လား...အခု..."
"အင်းလေ...အဲ့တစ်ယောက်ရော..?"
"ငါစိတ်ရှုပ်လို့ထွက်လာတာ...အိမ်ထဲမှာလူတွေအများကြီးနဲ့.."
"ငါ..?!"
မိန်းကလေးကရေရွတ်လိုက်၏...။
"နင်ကငါ့ထက်ငယ်မယ်ထင်တယ်..."
မိန်းကလေးကအသိပေးသလိုပြောလိုက်လေသည်...။
"ဟုတ်လား..ဒါပေမယ့်နင့်ရုပ်ကသိပ်ကြီးပုံလည်းမပေါ်ပါဘူး..."
ကောင်လေးကမိန်းကလေးတစ်ယောက်ဆီမှာငယ်သည်ဟုအပြောခံရသည်ကိုဘာကြောင့်မှန်းမသိနှစ်သက်ပုံမရ...။
"ဟမ်...?!"
"အရပ်ကလည်းပုပုလေး...ငါ့ရင်ဘတ်လောက်ရှိတာများ..."
ကောင်လေးက သူ၏ရှည်လျားလှသောအရပ်ကို မာန်တက်စွာဖြင့်ပြောလိုက်လေလျှင် မိန်းကလေးကသူ့စကားကို စိတ်ဆိုးရမည့်အစား အံ့ဩသွားသလို မျက်ခုံးတွေကိုပင့်လိုက်ပြီးမှ ချစ်လှစွာမွေးမြူထားသော ကြောင်ပေါက်ကလေး၏ ဆိုးသွမ်းနေပုံကို အပြစ်မမြင်ပဲ သဘောတကျ ဖြစ်နေသည့် ကြောင်မေမေကြီးလို ဟက်ဟက်ပက်ပက် ရယ်လိုက်လေသည်...။
"ဟားဟား..အရပ်ပုတာနဲ့ဘဲမကြီးရရောလား..."
ကြောင်မေမေကြီးကကြောင်ဆိုးလေးကိုမေးလိုက်၏..။
ESTÁS LEYENDO
Her Smiles [Completed]
Historia Corta[Unicode] ဝတ္ထုတိုလေးတစ်ပုဒ်ပါ...။ BL တော့မဟုတ်...။ ပြီးပြည့်စုံတဲ့ ဘဝရဲ့ မျက်နှာသာပေးမှုတွေအပေါ်မှာ ဂုဏ်ယူတတ်တဲ့ ကောင်လေးတစ်ယောက်က အမြဲတမ်းပြုံးနေတတ်တဲ့မိန်းကလေးတစ်ယောက်ကို သူ့ဘက်ကနေ ပထမဆုံးအကြိမ်စိတ်ဝင်စားမိတဲ့အခါ ဘာတွေဆက်ဖြစ်သလဲဆိုတာလေးပါပဲ...။...
![Her Smiles [Completed]](https://img.wattpad.com/cover/293860546-64-k972092.jpg)