حرم الشهيد..بقلم/ هدى ابراهيم "حور

٩

كرم بفرحه: بقولك هتجوز وهتيجى معايا...
اجابته وهى تحتضته: الف مبارك ياحبيبى  انا مبسوطه عشانك كأنوا فرحى بالضبط...
اكرم: لاء انتى لسه صغيره مش هجوزك الوقتى.. ويلا عشان ناكل وننام عشان نصحا فايقين وانا رايحين لفرح..
.. اجابته اخته بسعاده: من عيونى هخلى الداده تحط الاكل.. وفى ثانيه اختفت من قدامه بينا اتجه لغرفته واخد شاور بينما يجهز الطعام..

ـــــــــــــــــــــــــــــــــــــــــــــــ
فى اليوم التالى

: انا كده حلوه صح..
ندى: زى القمر  الى يشوفك دلوقتى ميشوفكيش وانت بتقولى مش موافقه..
اجابت فرح: هههه دى هرمونات اش عرفك انتى.. وبعدين سمعو  جرس الباب.. اردفت ندى.. اهدى هروح افتح واجى اخدك..
راحت ندى فتحت وقابلتهم وجيه مختار وقابل اكرم ودخلوا الصالون بعدين ندى راحت تجيب فرح
فرح: هو ينفع مطلعش صح
ندى: اهدى وبلاش هرمونات يلا ياعروسه عريسك مستنى.. واخدتها وخرجت.. دخلت وقالت السلام عليكم... ردوا السلام بينما سلمت على اخته وجلست بجانبها.. بينما تكلم اكرم: زى مقولتلك ياعمى انا عاوز نلبس الدبل دلوقتى ونعمل كتب الكتاب اخر الاسبوع الجاى بحفله
اتكلم مختار: لو فرح وافقت فمعنديش مشكله
واردف قائلا لفرح: ها يابنتى اى رأيك؟
اردفت فرح بخفوت: الى تشوفه ياانكل..
اردف اكرم: تمام  ادى العروسه موافقه واخرج الدبل من جيب الجات وناولها اخته لكى تلبسها ايها بينما عمت الذغروطه البيت.. وفرح الجميع.. دق الباب قامت ندى تفتح
لقت احد اولاد عمها(اسمه هيثم).. دخلته واتفجأه انه يعرف اكرم  سلمه على بعض وهيثم كان اول مره يشوف مى اخت اكرم ولفتت نظره.. كملوا سهرتهم.. وبعدين كل واحد راح بيته على اتفاقهم ان كتب الكتاب كمان اسبوع...
ــــــــــــــــــــــــــــــــــــــ
مر الاسبوع بسرعه وهم بيجهزو كل حاجه لكتب كتاب فرح واكرم.. وجيه اليوم المحدد
كانت الحفله بسيطه فى بيت اهل ندى كانو صحابهم وبعض المعارف.. واصحاب مى واصحاب اكرم.. وكلو كان سعيد بيهم
وبعد ذلك سمعو الجمله المشهوره
بارك الله لكم وبارك عليكم وجمع بينكما فى خير
وسمعو بعدها صوت بيقول: اى ده انتوا بتجوزوا مراتى تانى ولا اى

...
كان طالع على السلم وحاسس بدوشه فى البيت.. لقى الباب مفتوح دخل لقى ناس وندى لابسه فستان سواريه وجمبها بنوته لابسه نفس الفستان والمأذون كان بيقول بارك الله لكم وبارك عليكم وجمع بينكما فى خير
اتكلم وقال: اى ده انتوا بتجوزوا مراتى تانى ولا اى؟!
الكل بصوله بصدمه
خاف وقال: اوعوا لتكونوا بتعملوها بجد انتوا اتصدمتوا كده ليه... انطقى ابت بيجوزوك ولا اى كان بيبص ناحيه ندى بس فرح كانت جمبها  فأكرم فهم غلط واقترب منه: مراتك مين ياعم انت انت بتخرف ولا اى متبصش ليه بعنيك انت فاهم
اتكلم مختار.. اهدى يأكرم مش كده انت فاهم غلط مكانش بيكلم فرح كان بيكلم ندى... اقتربت ندى منهم: حمد لله على السلامه اى المفاجأه الحلوه دى.. اعرفك استاذ اكرم جوز صاحبيتى فرح وشاورت عليه وقالت ده ياسين جوزى..
اتكلم ياسين: اهلا ياكرم اتشرفت بيك والف مبروك ياسيدى..
اكرم خد فرح وراح البلكونه والكل سلمو على ياسين  وبعدين خرجو وسابوه هو وندى لوحدهم.. بص على اكرم وفرح الى فالبلكونه ومسك ايد ندى واخدها وخرجم لاوضه تانيه..
دخل وقفل الباب وبعدين اخدها ف حضنه وهو بيقولها وحشتيى..
.........
اكرم شاف الكل مشى من الاوضه فخرجو  وقعدوا.. وقالها: اخيرا بقيتى مراتى وعلى اسمى
كانت مكسوفه ومنزله وشها قرب منها ورفع وشها ليه..
انا بحبك  ومكنتش مصدق امته هتبقى مراتى عاوزك رافعه وشك على طول عاوز اشوف عنيك الى بتقولى احنا لبعض ومع بعض للأبد.. كانت سرحانه فى عيونه  وكلامه  ومحستش غير  وهى فحضنه.. حست بالامان وتدريجيا دموعها نزلت حس بيها سابها تطلع كل الى فى قلبها.. بس دموعه ذات وشهقاتها علت وبقت ماسكه فى حضنه..: كان بيحاول يهديها  فضل يملس على ضهرها ويهدى فيها وهو بيقول..: اهدى  ياقلبى كل حاجه هتبقا تمام
ــــــــــــــــــــــــــــــــــــــــ
مى: ياطنط والله مش جعانه
مرفت: انتى هتعملى زى فرح اقولها كلى تقولى عامله رجيم.. رجيم اى يابنتى وانتى تتقطمى زى الصميته
مى: هاكل حاجه بسيطه بس عشان خاطرك والله انا مش بتعشى اصلا

كان قاعد بيرقابها وحسم امره انه هيكلم اكرم عشان يخطبها..
اقترب منهم وتكلم: فوفه تعال اما اقولك
اردفت مرفت: اى ياهيثم فوفه اى الوقتى برستيجى قدام البنيه
اردف هيثم: لا ماهى بقت مننا وعليا مش كده ولا اى يامى
تكلمت مى بتوتر من نظرته: اها طبعا.. انا هسيبكم تتكلموا وخرجت بينما اردفت مرفت وهى تتابع نظراته التى تلاحقها: اى ده انت وقعت ولا اى  ياسمسمه..
اردف: بلاش سمسمه بالله عليه انا كبرت والمصحف.. وبعدين هيبتى بقت فى الارض لو سمعتك بتقوليلى كده...
اردفت: اسكت ياواد مهما كبرت مش هتكبر على فوفه دانا الى مربياك وشربتك لبن اكتر من البت ندى..
اردف بضحك: والنبى اسكتى متجبيش سيره اللبن لتيجى على السيره وتتخانق وتبقا ليله فله.. وفى الاخر الحق هيبقا عليا وهطرد برا وانا مليش زنب... تعرفى انا هاخدها من قاصرها وامشى بكرامتى.. سلام يافوفا
اردف سلام، وبعد ما مشى.. الواد كان عايز يقول حاجه.. يلا اروح اشوف شغلى
ــــــــــــــــــــــــــــــــــــــــــــــ
فاجأها بالحضن... بعدت بسرعه: ياسين  افرض حد جيه وبعدين كده غلط اصلا...
اردف: وانا الى بقولك وحشتينى... هتفضلى فصيله طول عمرك..
اجابت: مهو مش معنى انك وحشتينى نعمل كده... المهم قولى انت اخبارك اى..
جلسوا على اقرب كرسى وتكلم وهو يمسك بيدها: زى العسل.. وانت عامله اى
اجابت: كويسه طالما انت بخير، اى المفاجأه الحلوه دي..كنت بتمنى تبقى معايا.. كنت بفتكر يوم كتب كتابنا واد اى كنت فرحانه لما بقيت ليك وعلى اسمك
كنت عايزه افتكر كل ده معاك...
اردف: وادينى جيت وهنبق مع بعض نفتكر ونعمل كل الى احنا عاوزينه..
وبدات تحكيله عل الى حصل معاها طول فتره غيابه واد اى كانت خايفه عليه..
ــــــــــــــــــــــــــــــــــــــــــــــــــــ
مر كذا يوم وطول المده دى كان اكرم وفرح بيتقابلوا وبيشجعها على اخد العلاج 
اكرم عرف  ان فرح ياسين وندى بعد اسبوعين اصر ان يعملوا فرحهم معاهم.. وبدات الترتيبات على قدم وساق لليوم الموعود

ندى بمرح: اى اللزقه دى ياربى قومى ابت شوفى حالك يلا ورانا فرح  بلاش العطله الى احنا فيها دى
اجابتها فرح: طب منا بقول كده تعالى معايا ننزل نشترى باقى الحجات
اردفت ندى: انا هبطانه والله بس بلا اهو اخر يوم..
ومشوا راحوا يلبسوا عشان ينزلوا

ــــــــــــــــــــــــــــــــــــــــــــــــــ
اهلا.. عاش من شافك ياعم..
هيثم: موجود ياعم بس انت الى مبتسألش  .. وبصراحه كده انا جاى فى موضوع مهم  واتمنى من كل قلبى توافق..
اكرم خير يارب.  قول وبلاش مقدمات عشان انا روحى فمناخيرى..
اردف هيثم: احم.. انا بحب اختك وعاوز اتجوزها
أردف أكرم  بغضب: نعم يا****

𝐖𝐑 || 𝑯𝒐𝒅𝒂 𝒊𝒃𝒓𝒂𝒉𝒊𝒎"𝐇𝐨𝐨𝐫"✍︎