بعد خمس شهور
ياسين بتهدئه: حبيبتي ف كل تأخيره خيره... وكمان الدكتور قال ان احنا كويسين بتعيطي ليه دلوقت
ندي وهي تمسح دموعها: نفسي ابقي ام واشيل حتي مني ومنك ي ياسين.. انا عارفه ان دي حكمه من ربنا بس كل ام اقعد مع نفسي اخاف.. وتابعت في البكاء
اخذها ف احضانه واخذ يهدئها حتي نامت... قام من جانبها وتوضئ واخذ يصلي ويدعوا الله الايحرمهما الاطفال
كان يدعو ويبكِ من اجلها.. ثم قام ونام بجوارها... بعد عده ساعات رن هاتفه فاستيقظ كلا منهم علي صوته..
تكلم قائلا: ارتاحي انت ده حد من الشغل هطلع ارد برا
خرج وتكلم قائلا: ايوا يافندم مع حضرتك ياسين..
الطرف التاني:معاك اللوا عامر من الفرقه الخاصه...
ياسين بتوتر: اهلا يافندم....
اردف اللواء: العمليه 832ج هتم بعد 30يوم ارجو الاستعداد ف اقرب وقت
اجاب ياسين بخوف من القادم: تمام يافندم
انتهت المكالمه فجلس ياسين علي اقرب كرسي.. لا يعلم كيف سيخبرها بالسفر لعمله ف حالتها النفسيه السيئه تلك!؟
لم تقدر علي النوم بعد ان استيقظت من الهاتف وجلست تنتظر ياسين حتي ينتهي من مكالمته... مر الكثير من الوقت وهو لا يزال بالخارج... خرجت لتعلم مالذي يؤخره فوجدته يجلس ف الشرفه ينظر امامه ف نقطه ما كان منغمث ف التفكير ولم يشعر بدلوفها ووقوفها امامه... اقتربت منه وهزته بهدوء.. وجهه نطره له بضع ثوان ثم اردف: حبيبتي اي الي مصحيك الوقتي فيه حاجه..
اجابته: انا كويسه ياحبيبي بس انا قلقت انت اتأخرت ف المكالمه... حصل حاجه وشك متغير؟!
اردف بتوتر: لا ياحبيبتي مفيش حاجه شويه شغل بس ضروري فاضطروا يكلمونِ ف وقت متأخر..
اردفت وهي تجلس امامه: ياسين ف حاجه وانت بتخبي عليا... انا عارفاك اكتر من نفسك...
اردف مستسلما للامر: ف مهمه قريب..
اردفت بصدمه: اي؟... مش كنت وقفت مهمات وقولت معدش هيحصل؟ انت كنت بتضحك عليا
اجابها: ندي افهميني انا مليش اني ارفض مهمه دي حاجه بنجبر عليها... ووقف المهمات الفتره الي فاتت ماهي الا كأجازه ليا عشان الجواز وده كانت اتفاقي مع اللوا ده الي قدرت اني اعمله اني اكون معاكِ ف اول فتره ف جوزنا لكن دلوقت مليش قرار.. وبعدين انا مش نازل من بكرا المهمه لسه شهر... انا عاوزك تسانديني وتكوني جنبي.. عاوز اسافر وانا متطمن عليكِ
اردفت ببكاء: صدقني بحاول علي اد مقدر.. انا جمبك دايما وهساندك بكل مافيا بس كل ام افكر ف انك هتسيبني بضعف. ياسين انا عندي فوبيا من اني افقدك... انت سندي... خوفي خارج عن ارادتي..
اقترب وجلس امامها ومسك ايدها وباسها بحب وهو بيقول: كل حاجه هتكون بخير... ومسح دموعها واخدها بحضنه يطمنها وشرد فحياته الي جايه...
ـــــــــــــــــــــــــــــــــــــــــــ
: خليكِ ماشيه زي الكرنبه كده لحد ميتجوز عليكِ
اردفت فرح بصوت عالي: اكرم ياكرم
اجابها وهو ياتي سريعا من المكتب: اي ياحبيبتي حاسه بوجع...
اردفت قائله بحزن: يرديك مي تقولي اني بقيت كرنبه..وهتتجوز عليا. هو انا بقيت وحشه ياكرم...
اردف سريعا: انت كرنبه فشر دانت ملكه جمال قلبي
وبعدين انا هلاقي زيك فين تاني انت نسخه واحده بس مخلوقه عشانِ
اردفت مي: ايوا عارفه انا التثبيت ده... كله كلام..
اردف اكرم بغيظ: بت انت اخرصي انت اي الي جيبك اصلا.. فين جوزك يلمك انا مش قولتله المره الي فاتت معتش عايزه خليها عندك...
اردفت: منا قولتله وانا جايه تعالي معايا لاكرم ازورهم قالي مع نفسك انا مش عايز اتهزء... قولتله طب انا راحه لوحدي
اردف اكرم: هيثم ده ليه الجنه انه مستحملك، بت خليك ف نفسك ومعتيش تقولي للوليه كلام ينرفزها هي ع تكه فاصبري عما تفضي وبعدين نرفزيها براحتك...
فرح من وراه: وليه؟ وتكه؟ وتفضي؟ اممممم طلقني ياكرم
اردف بسرعه: اي ياحبيبتي دانا بهزر
اردفت مي: لا مش بيهزر انا معاكِ اطلقي وانا اجبلك سيد سيده...
اردف اكرم بطريقه مخيفه وعينه بتطق شرار وهو يدير وجهه لها: روحي لجوزك يامي احسنلك بدل ماتروحيله جثه...
قامت بسرعه وسالت شنطتها: طب ياجماعه منجلكوش ف حاجه وحشه.. جوزي بيستعجلني وقالي متغبيش.. سلام عليكوا... وجرت عالباب ومشيت
بعد خروجها اكرم بص لفرح والاتنين انفجروا ف الضحك...
ـــــــــــــــــــــــــــــــــــــــــــــــــــــــــــــــ
عارفه يايويو اي احسن حل للعيال دي
اجابته ايات: اي ياحبيبي
اردف سيف: نسربهم.. اه والله زي مبقولك كده.. نودي واحد عند امي وواحد عند امك ونرتاح
اردفت ايات: وبعدين بعد منسربهم اي الي هيحصل...
اردف: هنام.. انت متخيله انا معتش بنام خمس دقايق عا بعض... انا سعات بنام فالشغل... حرم كده مستقبلي هيضيع...
اردفت ايات: ياااا دانا مش فاكره اخر مره نمت فيها امته...
اردف سيف: امال هما فين مش سامع صوتهم...
اردفت ايات: ف اوضه الالعاب كانوا بيعملوا دوشه من ساعتها بس سكتوا فأجأه.. تعالوا نشوفهم...
قاموا وفتحو باب الاوضه لقوهم نايمين عالارض ومسكين شعور بعض
ايات بصدمه: يانهار خناق ناموا وهما بيتشاكلو.. ياتري اي ال هيحصل لما يكبروا هيفضلوا ناقر ونقير كده...
شالت حمزه وسيف شال حازم.. وحطوهم ف سريرهم...
اردف سيفوهو ينظر اليهم بحب: هيكونوا سند لبعض ولما واحد يغلط التاني هيقف جنبوا لحد ميصلح الغلط ده...
اردفت ايات: اول محد هيحس بمشاعر حب تجاه بنت هيجري علي اخوه يقوله..
اردف سيف بضحك: واه بقا لو الاتنين حبوا نفس البنت هيبقا ينهار خناق...
اردفت ايات بنفي: مش يمكن واحد يتنازل لواحد... او ممكن الاتنين يتنازلوا عنها ف سبيل انهم يفضلو مع بعض...
اردف سيف: حمزه شخصيه قويه بالرغم انه لسه شهور بس ده باين من تصرفاته... انما حازم بحسه هادي فنفسه ومش مشاغب
ايات: سمعت انه الصفات الي بتبقا بالعكس لما يكبرو
سيف: مش عارف بصراحه.. بس انا نفسي اعيش لحد اما اشوفهم كبار ويعتمد عليهم...
قاطعته ايات: ربنا يعطيك طوله العمر وتجوزهم وتشوف عيالهم وعيال عيالهم
اردف: مش اوي كده كفايه عيالهم احنا هناخد زمنا وزمن غيرنا
اردفت: حبيبب ربنا يخليك ليا وليهم يارب...
اجابها بحب: ويخليكِ لنا ياحبيبتي
ــــــــــــــــــــــــــــــــــــــــــــــــــــــ
بعد شهر
الحقني يا اكرم بوووووولد
اكرم وهو بيدور حول نفسه: اعمل اي... ويروح ويجي وبعدين راح طلب الاسعاف بسرعه
بعد مده ف المستشفي رايح جاي لانها اتأخرت ف العمليات وكان جنبه مي بتهديه وبعدين سمعو صوت البيبي وهو بيصرخ بعدها خرجت الممرضه وشايله اللفه وهي بتقول.. مبروك جالكم ولد ماشاء الله عليه...
اقترب وحمل الطفل قائلا: وفرح عامله اي؟
تكلمت الممرضه قائله بحزن:..........
ـــــــــــــــــــــــــــــــــــــــــ
ندي بدموع: لا اله الا الله
ياسين وهو بيسيب ايدها: محمد رسول الله
ركب العربيه مع زمايله وانطلقت السياره نحو وجهتهم
كانت وقفه قدام الباب مع بابها ومامتها ومامت ياسين وباباه وفجأه حست ان الدنيا بتدور بيها ولفت ليهم وصورتهم بتختفي قدامها ومعدتش حاسه بحاجه
كلهم جريو عليها وبابها شالها طلعها الشقه وعمهااتصل بالدكتور وبعد فتره خرجت الدكتوره من الاوضه وهي بتقول والابتسامه علي وشها: مبروك مدام ندي حامل
.
.
.
.
.
يتبع
#حرم_الشهيد
#ل_هدي_ابراهيم_حور_
أنت تقرأ
حرم الشهيد..بقلم/ هدى ابراهيم "حور
Mystery / Thrillerشخص وقف حياته عشان شغله لحد مضاعت منه اغلى انسانة حبها ف حياته كان مجبر على انه يخبى عنها ظروف شغله بس الظروف اخدته منها بقسوه.. كان قلبها حاسس بالفراق.. وقلبه بيتعصر كل ميشوفها ومش قادر يقولها انا هو جمبك خلاف صديقتها الى وقعت فى اختبار من ربنا ب...
