သူပြောသော ​ကြယ်ကြွေပုံပြင် ( သူေျပာေသာ ​ၾကယ္ေႂကြပံုျပင္ ) [ Completed ]

အပိုင်း ( ၁၂ ) / အပိုင္း ( ၁၂ )

Unicode
အပိုင်း ( ၁၂ )

" ဒီအိမ်မှာ ဘာစားစရာရှိလဲ မင်းစားဖို့အတွက် ငါတစ်ခုခုလုပ်ပေးမယ်လေ "

" ဘာမှရှိမှာမဟုတ်ဘူး အဖေက အမြဲခရီးထွက်နေရတာ ဒီကိုပြန်လာလည်းခဏပဲ အဲ့တော့ဘာမှသိပ်ဝယ်ထားတာမျိုးမရှိဘူး "

" ဒီနားလေးမှာကော ဈေးဆိုင်တွေဘာတွေရှိလား ငါမင်းစားဖို့ တစ်ခုခုသွားဝယ်ပေးမယ် "

" ရပါတယ် မသွားပါနဲ့ မောင့်အနားမှာပဲနေပေး "

" ဟာ မင်းဆေးသောက်ရမယ်လေ အဖျားကရက်ရှည်သွားရင် ဘယ်လိုလုပ်မလဲ "

" အင်းပါ အဲ့တာဆိုလည်း ဒီအိမ်ရဲ့နှစ်အိမ်ကျော်မှာစျေးဆိုင်ရှိတယ် မောင့်အပေါ်အင်္ကျီထဲကပိုက်ဆံယူသွားလိုက်နော် "

" အင်း အင်း "

ငြိမ်းခရာလည်း သက်မင်းပိုင်ပြောတဲ့အတိုင်းထိုစျေးဆိုင်ကနေ ခေါက်ဆွဲအခြောက်ထုပ်ချဥ်စပ်နှစ်ထုပ် အချိုတစ်ထုပ် ကြက်ဥငါးရာဖိုး အဖျားပျောက်ဆေးတစ်ကဒ်ကို ဝယ်ခဲ့သည်။ထို့နောက် သက်မင်းပိုင်စားဖို့ ခေါက်ဆွဲခြောက်အချိုနဲ့အစပ်ကို တစ်ထုပ်စီပြုတ်ပေးလိုက်သည်။ သူ့အတွက်တော့ ထွေထွေထူးထူးလုပ်မနေတော့ပေ။ သက်မင်းပိုင် မစားတဲ့ခေါက်ဆွဲပြုတ်က သူ့အတွက်ဖြစ်သည်။

" သက်မင်းပိုင် သက်မင်းပိုင် ဟေ့ယျောင် ထအုန်း ဒီမှာ ခေါက်ဆွဲပြုတ်လေးသောက်လိုက်အုန်း ပြီးရင်ဆေးသောက်ရအောင် "

" ဟင် အင်း...အင်းပါ အချစ်ရယ် ဒါနဲ့အချစ် ရေနွေးကဘယ်ကရတာလဲ "

" ငါ တည်လိုက်တာလေ အိမ်အပြင်က သစ်ကိုင်းခြောက်တွေနဲ့မီးမွှေးပြီး မီးဖိုထဲကအိုးနဲ့ပြုတ်လိုက်တာ မင်း အစပ်စားမလား အချိုစားမလား "

" ပင်ပန်းလိုက်တာအချစ်ရယ် မောင့်အတွက်ကပေါင်မုန့်နဲ့လည်း အဆင်ပြေပါတယ် "

" လျှာရှည်လိုက်တာ ဘာလဲ မင်းပိုက်ဆံကုန်သွားလို့လား ငါ ပြန်ပေးမယ် ရော့ စားစရာရှိတာစား ပြီးရင် ဆေးသောက်ရမယ် "

" ဟား မောင်က ပိုက်ဆံကုန်တာကို အရေးမလုပ်ပါဘူး ဒီတိုင်း အချစ်ပင်ပန်းမှာစိုးလို့ပါ "