لايك وتعليق عشان نستمر❤
نقطه من اول الحياة❤
الحلقة 15
خديجة انصدمت وكان الرد : ما شاء الله هبلتي انتي ولا تستهبلي نسيتي شن دار فيك؟؟؟؟؟
رضوى تبلكمت وملقتش رد غير : نحبه مقدرتش😔
خديجة : تحبيه؟؟؟؟ انتي تحبي من يعاملك زي الحشرة انسي الموضوع وسكري عليه عمر لا😡
رضوى : ماما متوقفيش في طريقي والنبي نبيه🥺
خديجة : اني يا رضوى واقفة في طريقك شوفي روحك كيف وليتي ضعيفة زي زمان اول ما رديتيله اني قلت لا ومفيش وتقطعي علاقتك بيه فااااهمه؟؟؟؟؟
مشت خديجة وقتلها رضوى : مناخده يا ماما
ردت خديجة وبكل قوى صرفقتها كف : متخلينيش نخبر خوتك والكف هذا بيش يوعيك
طلعت خديجة ورضوى مصدومة أمها اول مرة تضربها بس رغم هذا كانت مزالت علي قرارها🤦🏻♀️
-------------------------------------------d0aa_alshek
لبست خلود الردي وطلعت سمحه كعادتها❤
ووتوا روحهم الكل وجو الناس
كان امجد مصبي مع جميلة : اسمعني غدوا الساعة 5 العشية جايات الفرخات يلي ضربن رشا نبيك تلبس انت وحد لبسة شرطة دبرها والسلاح بالربي وخلي الباقي عليا
امجد كاين سارح في جمالها كانت لابسة فستان وردي مبوج شوية : اااءءء أي اكيد ر رح نجيب الشرطة😃
جميلة بصوت واطي : شرطة شنو بتفضحنا صحصح معايا تلبس انت وحد لبسة شرطة🤦🏻♀️
امجد : أي أي حاضر😃
مشت جميلة وكلمها غياسيني : جيجي شنو الرسالة يلي بعتيهلي
جميلة : غسان اني خلاص نبي ننهي هالعلاقة هذي ربي يهنيك مع غيري🤷♀️
غسان : لالا مستحيل تسحابيها بالساهل امال شوفي جميلة واللهي كان مكملتي لين نجيب اهلي ويخطبوك لافاضحك قدام اهلك😠
جميلة : هبلت انت شنو بتفضحني ما تفضحني راني قوية ميغركش شكلي الرقيق🙂
وفجأه فك منها التليفون جابر : تاللهي يا حقير يلي ما تتحشم مزلت تتصل علي هالرقم منكرهك في عمرك مديرليش روحك راجل توا 😡
غسان خاف وسكر وجميلة فكت التليفون : شن درت يا مهبول تي هذا متاع جيم ورياضة بوكس يجيك في الصومال😂
جابر : ميغركش شكلي حتى اني عندي عالقوة😎
جميلة : تعرف تمنيت يكون عندي خو بس للأسف معنديش بس توا لقيته❤
جابر ابتسم فعلا هما كانو زي الخوت في علاقات هكي بس للأسف الناس تترجم فيها غلط الاخوة في منها واجد بس احني منشوفوش فيها🤷♀️
-------------------------------------------d0aa_alshek
اما جاد فكاين مقعمز مع يحيى في القهوة قاله : اسمع جاد رقتهلي واني جاي بنشيش وبنستجم اختنا وتهنينا عليها ادوي شن تبي🙂
جاد : تو انت بأعتبارك ما شاء الله بالعشرة تكلم
يحيى : طبعا خوك شخصية لا تقاوم😎
جاد : بوكل😒
يحيى : شن قلت🙂
جاد : لا شيء ... من النهاية كيف تعرف ان البنت هاذي تحبك ولالا😣
يحيى : هبلها خليها تغار عليك وهيا مش عارفة ان انت تحبها ولا لا؟
جاد : نهبلها صار الحق مش فيك الحق فيا اني يلي جاي ناخد في نصيحتك يلي زي وجهك😒
يحيى : تي خوذها مني اني خوك الكبير مجرد ما تحس انك بضيع من يدها بيدير أي شيء بيش تردك ( جاد برق فيه بنظرة تفكير ويحيى قال ) وبعدين منو هذي😉
جاد : وحده
يحيى ناض تعنق وسلم عليه وقالة : من جد نهنيك مفيش راجل ولد بوه وامه دارها وحب وحده ... ماهو عارفها وحده يا خفيف امال واحد🙂
جاد : منقدرش نقولك
يحيى برق فيه وضحك😂
أنت تقرأ
نقطه من اول الحياة❤
Fiksi Umumلازم نعرفوا ان اهم شيء العيله توقف معاك تساندك عمرك ماتفرط فيها ولا تخسرها ولا تلهى عليها لان بمجرد ماتسيبها يوقف القلم علي كتابة قصتك وبعد ترد يحط نقطه للرجوع الى اول الحياة ... 🤍🤍
