نقطه من اول الحياة❤

الحلقه 17🤍

لايك وتعليق عشان نستمر😩❤

نقطه من اول الحياة❤

 الحلقة 17

اما خلود فناضت علي رنة رسالة تليفونها من منير : خلود تمنيت نكون راجلك وحبيبك يلي يوفيلك وميسيبكش لاكن للأسف امي عرفت انك انتي ازوجتي وغصبت عليا اني نخطب امس كان الدفع انتمنى انك تسامحيني وانتي عارفة اني عمري ما كذبت عليك ولاكن كنت موطر منقولكش عشان نشبع منك اخر الأيام ونعاودها مرة ثانية اني اسف💔

خلود رغم انها كانت حاطة احتمال انها تخسرة ولاكن نزلت دمعتها أي بكت بحرقة عليه كانت مش متوقعة ان هوا يسيبها رغم انها تعودت على حياتها شبه مزوجة لاكن انصدمت وبكت بحرقة علية وللأسف مكانش فيه حد يطبطب عليها بما انها مزوجة🤷‍♀️💔

-------------------------------------------d0aa_alshek

 اما امجد فكاين يراجي في جميلة امتى تطلع وبعد طلعت : جميلة صباح الخير❤
جميلة : اهلين ماجد صباح النور ❤
امجد في خاطرة حتى اسمي مش حافظته : اني امجد مش ماجد لاكن كله واحد🌝
جميلة : هههههه اسفة لاكن عادي نفس الحرروف ها كنت تبي شيء؟
امجد : لا بس كنت مدايرلك فولو مرديتيش قلت نقولك يمكن معرفتينيش
جميلة : اوووو سوري اني في اليوم تصدق 100 يديرولي فولو لاكن اكيد هنردة سلاااام👋

ركبت جميلة مع السواق وفرح تراقب في امجد بعدين طلعت : ها من الصبح معاكسات توب بالك ربي يطيحك في بنت حلال🤌
امجد : معاش في منهن😒
فرح : منهنا🙂
 امجد تردد : اءءء المعاكسات تمن😑
 عدت فرح ومشي امجد

-------------------------------------------d0aa_alshek

 كانت اريج في المطبخ تفطر وخش جابر : صباح النور ( اريج ساكتة قال جابر ) حتى الصباح مستكترتيه عليا
اريج : 😒
طلعت اريج وجابر تنهد💔
في حد وهوا يقرا في روايتي البايخة سأل نفسة ليش اريج تتعامل هكي مع جابر اني نقوللكم لان اريج قلتلكم من قبل انها تحبة ولاكن في سبب ثاني بما ان كيف ما عرفنا بلال يكون بوها وهوا اكتشف انها تحبة ميبيهاش تتعلق بيه وهذا هتعرفوه مع الوقت🤌

-------------------------------------------d0aa_alshek

اما رضوى فخلاص تمت الخطوبة كيف ما عرفنا وبما ان عمر مستعجل عشان يحصل بوه الصفقة والفلوس حدد العرس بعد أسبوعين وقال ان بيجوا يدفعوا فيها اليوم أي اليوم كانت الكل يجري ويجهز وكان احمد مش مقتنع لاكن بما ان مزال صغير مش قادر يوقف قدام بوه جي الليل وخلود مطلعتش من جناحها كانت بس تفكر وكل شوية تبكي وهادي روح القاهم مجهزين كل شيء للدفع وطبعا هوا مش حاضر كاين راكب نداه
بوه : هادي هادي أوقف نبيك ( هادي وقف وايراجي بوه يدوي ) شوف يا هادي محترم واجد قرارك بأنك متبيش اختك تزوج عمر بس صدقني عمر ولد كويس وهيهنيها يا ولدي انزل احضر دفع اختك🤌
هادي : بويا اني مش موافق ولا هنوافق ولاكن انت بوها تكفي وتوفي وجودي وعدمه واحد بعدين خيرتها واختاراته🤷‍♂️
 جي هادي بيركب قاله بوه : أي قبل ما ننسى مرتك مريضة امك دقت عليها القتها عيونها منفوخات شوفها بالك تبي نقل الدكتور
 هادي ركب خش للحوش وينادي : خلوووود خلوووود ( لين وصل للدار ) خلود خيرك قالولي مريضة تبيني ننقلك للدكتور ( خلود كانت ساكتة وخلاص جي قعمز عالسرير ) خلود خيرك؟؟؟؟؟
خلود دوت وبدت تبكي : منير خطب وامس دفعة💔 ( هادي انصدم )
هادي : خلود هوا يمكن يسحاب ان
خلود تدوي وهيا تعيط وعصبية : ميسحابش هوا كذب عليا قالي مش هنسيبك وسيبني كان يكلم فيا ويخطب فيها لييش هكيي ليييش اني كنت حاسة ان بيصير هالشئ هوا مش راجل مش راااااجل سيبني😭💔
 
هادي مقدرش يشوف منضرها هكي خداها في حضنة حست بالأمان وقعدت تبكي وهوا حس بأنه يحبها أي يحبها مستحيل يكون غير هكي الإحساس يلي يحس بيه وهيا قعدت تبكي في حضنة معقولة لحظة تغير كل شيء متوقعين تبكي في حضن راجلها علي حبيبها بس خلاص هالحضن غسل حب منير من قلبها وحب ديما من قلبة🤷‍♀️