قاضية قلبك ( مكتمله)

الجزء الرابع ❤️

الجزء الرابع ...
فتحت عيوني وسقف ابيض فوقي مش قادره اتحرك لفيت عيوني لقيت امي بطبطب علي
ليلى : حبيبتي اخيرا صحيتي الله يكسر أيديهم قومي يا بنتي 
ليلاس : وين انا شو صار معي
ليلى : ابوكي ض
ليلاس : خلص لا تكملي تذكرت ويونس ببتسم زي الثعلب يل بتفرج على فريستو وانتو شو ما عملتو اشي الو وينك يا حيان تشوف ابوك شو بعمل فيي
ليلى : اوعي يدرى اخوكي سافر قبل هل احداث ما بيعرف الا انو يونس منيح معك وبعاملك احسن معامله
ليلاس : بتكذبوا عليه يعني كلشي بسببكم وبسبب طمعكم
دخل الدكتور طمن على حالتي
دكتور : اسمعي يا انسه امبين عليكي اثار ضرب اذا بتحبي تشكي لشرطه احنا بنحكي معهم
قبل ما اجاوب امي طلعت فيي نظره عشوي رح تقتلني بلعت ريقي بتوتر وجاوبت لاء
دكتور : اذا شو صاير معك
ليلى : وقعت من درج ما مالها اشي ارتاح نادي على خطيبها يطمن عليها
دكتور : خطيبها فش حدا برا
ليلى : خلص روح انا بحكي معاه بنتي هيني رايحه ثواني
ليلاس : هه معتبرين خطيبي بشر خليني انام لعل وعسى ارتاح شوي من الكابوس يل عايشه فيه ...
ما غفيت شوي الا بلاقي يونس واقف فوقي وابتسامه الشر راسمها بكل وقاحه
يونس : سلامتك يا خطيبتي
ليلاس بتعب : شو بدك جاي تتشمت ارتاح صار يل بدك ياه ابوي ضربني عشوي كنت هموت ارتحت
قرب بخباثه ولمس خدي
يونس : هاد يا حلوه درس عشان تتعلمي صوتك ما يعلى على يونس بيك فهمتي واعرفي انو انا قادر اعمل يل انت مش قادره تعملي
ليلاس : ابعد يدك نجسه عني
يونس بقرف : ولا يهمك بغسلها كمان
ليلاس : واقلك ما فشرت شو ما عملت تنزل راسي
يونس : لا يا قلبي فش الك غيري مرجعك عندي يا حلوه
ليلاس : أخرس هتشوف يا يونس وانا قد وعدي
يونس : يا حبيبتي شكلي رح ارد أعيد مش مشكله يل ما بفهم ينعاد الو ويل ما بتعلم من ضربه بتعلم من ثنتين لا تلعبي مع يل اكبر منك يا حلوه بعدين ما احلاكي وانت معصبه طالعه مثل صوص المفعوص
ليلاس : حتى كلامك بشع زيك
ما كملت الا كان داخل مستر فارس مع بوكيه ورد ابتسمت ابتسامه نصر
فارس : كيفك ليلاس سلامتك تفضلي هل ورد
ليلاس : بتشكرك مستر بس اسفه على سؤال من وين عرفت
فارس: مريم قالتلي لما اجت اليوم على درس قلت لازم ازورك
ليلاس : تسلم جد مش عارفه شو احكيلك
يونس : احم احم شو يا استاذ الوح يل واقف مش معتبره مقام تسلم عليه
فارس : بعتذر بس خفت على ليلاس
يونس : وانت شو دخلك تخاف عليها انت استاذ وبس ويلا روق من هون
فارس : احم حاضر سلامتك ليلاس للمره الثانيه
ليلاس : يسعدك مستر
فارس : مع سلامه ....
ليلاس : ما احسنو هل مستر
يونس : هي اصحي من الأحلام مش قلت هاد زلمه بديش اشوفوا
ليلاس : ما دخلني بعدين هو لحالو أجا مش انا يل قلتلو تعال بعدين حضرتك عندك شغل صح ليه جاي عندي مش انا ما بهمك ليه بتغار من فارس وانت سبب ضربي من ابوي شوبدك مش انا ما يستاهل يضيع علي قطعه ذهب وشوفتك وانت جايب علبة شوكولا ممكن تفهمني ليه بتناقد حالك
يونس : انت ملكي فهمتي ممتلكاتي ما برضى حد يقتنيها
ليلاس : انا ملك نفسي فهمت
يونس : بنشوف مين ربحان في الاخر يا خطيبتي ....
راح وسكر الباب وفي راسي الف سؤال بعد ساعتين طلعت من المشفى على البيت وما شوفت يونس مده اسبوع من أبعدها احلى فتره وأبوي حاول يعتذر الي واكيد سامحتو بضل ابوي صحيح قاسي بس قلبو ابيض وعارفه ظروف يل حكمتو تحسنت نفسيتي وكنت اداوم ويونس ما الو اي أثر تلفون ما تصل لأجى وقت حفله الخطوبه البست فستان فضي على قد الجسم وآلو ذيل تحفه فنيه وشعري فردتو مع تاج صغير وسكريينه مفتوحه كبرني اكبر من عمري بسنين
مريم : ملكه ولك بتجنني شو هل جمال منيح يونس عقله معو بهل جمال
ليلاس : بتعرفي صرلي اسبوع ما بعرف عنو اشي من يوم ما دخلت المشفى
مريم : مستعجله على حظك اكيد هلاء رح ياخذك وبتشوفي جمالو نيالك عليه
ليلاس : مريم بتمزحي قبل اسبوع كنتي بتشتمي لانو دفشني
مريم : اه صحيح نسيت اذا حقير
ليلاس : هه جد انك منفصمه وين ماما
مريم : خالتو ليلى بصاله وقالتلي اوصل الك انو حيان مارح يجي اليوم
اختفت ابتسامتي المصنعه لاني كنت حابه يشاركني رغم انها مش فرحه بنسبه الي
مريم : ليه اختلفت ملامح وجهك معك حق تزعلي بس حرام ضغط شغل عندو لفوق راسو
ليلاس : كلشي لخير ...
دخل بعد ساعه يونس ببدله كحليه مرتبه وانيقه مسك ليلاس ومريم بتزغرط راحت في سياره يل وراهم  فتحلها الباب وقعد  يتأملها فتره منيحه
ليلاس : ليش هيك بتطلع التزم حدودك مفكر نسيت كلامك
يونس بهيام  : ملكه بتجنني
ليلاس : اركز من وين بتحكي هل كلام
مسك شعرها وحطو ورا ظهرها ولبسها سنسال
يونس : هاد ما بيلبق الا على رقبتك
قعدت احسس بنسسال مصدومه مين لاعب في الاعدادات
ليلاس : يونس احكي شو مالك بعدين جابلي سنسال الماس من متى ايش فيه قول وريحني
قرب بهمس زي فحيح الافعى
يونس : كلشي بوقتو حلو يا حبيبتي ولا حرام احب خطيبتي
بعدت بقرف
ليلاس : لا طبعا ما بحق الك لانك انسان شراني مش طبيعي
يونس : رح امسك اعصابي ونروح على صاله قبل ما نتأخر
طول طريق وهو يطلع على انعكاس وجهي في المرايا ويحط اغاني للمخطوبين ما قدرت احكي كلمه لانو اكيد هل حكي وراه الف حكايه وصلنا وما خلاني انزل الا ليمسك ايدي دخلنا على صاله والكل فرحان ويرقص وانا قلبي مش مرتاح اوزع ابتسامات مليئه بالخوف وتوتر شو القادم يا يونس
بعد ساعه بزبط مسك ايدي
يونس : اسمعي ليلاس بدي اروح خمس دقائق وراجع
ليلاس : ليه الحفله حلوه
يونس : ما بتأخر يا حب
راح وضليتي على توتر امي لاحظت علي حاولت تلطف الوضع  دخل يونس انصدمت وقفت من مكاني لساني ارتبط ايش هاد
#يتبع
صوره الفستان في الكومنت ❤️