الجزء السادس عشر ...
ليلاس : اوس هاد الكلب شو بعمل هون
اوس : مالك ليلاس هاد اخي بتعرفي اشي
ليلاس : طبعا عز المعرفه كنو مضروب على راسو فلكم سبب
اوس : اه قلنا عمل حادث
ليلاس : لا شو حادث هي اثر كندرتي على راسو
ما كملت الكلمه اجى فارس
فارس : شو بتعملي هون ليلاس
اوس : بتعرفوا بعض
فارس : انت بتخرس قلة بنات تتعرف عليها
اوس : ليه مالها اربى واحسن صبايا
ليلاس : استنى شو يا مستر فارس قلت لاخوك المصون انك حاولت تعتدي علي وراسك ملفوف اثار الكعب يل خبطو على راسك
اوس : صح هل حكي فارس
فارس : اه صح وانا بعتذر كنت ابعتلك رسائل وارن عليكي وانت ما تردي على مكالمتي ما رفعا حتى قضيه
ليلاس : بتمزح صح ولك انت انسان وقح وحقير
فارس : اسمعيني
ليلاس : مابدي اسمع اشي منك بتعرف كيف انا دمرت نفسيتي بسببك
فارس : انا عارف ما بستحقك بس انقهرت
ليلاس : لا هو كل واحد اذا بنقهر بعمل هيك ما بضل بنت في العالم انا اختصرت الشر لاني اخذت حقي بأيدي بس بدي اقول تف عليك وعلى كل لحظه تعاملت فيها معك ما توقعت في يوم من الايام توقف قدامي وتعتذر ويا للمسخره هل يوم اخر بفتره قصيره
يونس : خلصتي تعال لهون
ليلاس : اتركوا مابدي اخرب الحفله على اوسياندي
اوس (اوسياندي) : انا مصدوم في يل بتحكي معقول يطلع منك هيك فارس انت اخوي صغير ليه هيك عملت
فارس : اسمعني اوس
اوس : اخرس اسمي مابدي اسمعوا من لسانك انقلع لبرا وجهك مابدي اشوفوا ولو هيك انت تربيت وانا اقول في بنت بحبها ومش معبرتني وقصه الحادث ما دخلت راسي
ليلاس : انا بعتذر أموركم العائليه بتحلوها مع بعض
لفيت ظهري واوس ويونس هجموا على فارس والناس تحاول تشيلهم تفزع خربت الحفله وعدت ما انكسر ولا ابكي أخذت تكسي ياخذني على البيت ياه دنيا شو صغيره فارس طلع اخو اوس
بلشت الأحداث توضح براسي أكثر هاد يعني انو يونس من الاساس بيعرف فارس واوس بيعرف كلشي وبستهبلوها علي لا لهون وبكفي لازم اعرف كلشي وقفت غيرت مساري لفندق قريب اقعد افكر الامور دخلت في بعض ..
ليلاس : الو مريم
مريم : اهلين
ليلاس : تعالي فورا على فندق ..... غرفه 5
مريم : ليه
ليلاس : في اشي ضروري لازمتيني فيه
مريم : يلا دقائق وبكون عندك
بعد مكالمه مريم سكرت الخط وضليت قاعده على اعصابي لحد ما اجت
مريم : مالك صوتك ما كان عاجبني مش على أساس كنتي في الحفله
ليلاس : شوفت فارس هناك
مريم : نعم شو جابو
ليلاس : اخو اوس
مريم : شو بتقولي
ليلاس : انت محققه ولازم تعرفيلي يل مخبى
مريم : حبيبتي انا محققه مش ساحره قوليلي يل صار وانا بربطلك الأحداث الممكنة
وبلشت أقلها من لما فارس حاول يعتدي علي ليونس رجع بعدها مباشره لأوس يل تعامله زي العسل للقضيه الغريبه يل طلعت الي
مريم : استني شوي يل بفهموا منك انو كلشي مخطط
ليلاس :مابعرف شو اعمل
مريم : امم اسمعي اوس ما اعتقد الو دخل ولو القضيه غلط ومش حقيقيه كان ما دخلت في المحكمه
ليلاس : صح كلامك
مريم : اذا مستبعد الشك في فارس ويونس على الأغلب بيعرفوا بعض من قبل واه شكلو يونس مخطط مع فارس كلشي بتسألي ليه
ليلاس : ليه
مريم : لانو بكل بساطه يونس كان يقلك مصادري الخاصه
ليلاس : اه
مريم : وشكلو الخطوه الاخيره يل عملها فارس ما كان مخطط الها منيح عشان هيك نزل لانو عرف هل عمله رح تقطع اخبارك عنو واكبر دليل غيرة يونس الكبيره من اوس مش من فارس
ليلاس : اه لاحظت
مريم : اذا يا غبيه يونس واقع في حبك لانو عارف اي اشي بعملوا فارس بكون على علم فيه
ليلاس : تمام كيف اعرف انو بيعرفوا بعض
مريم : تعي لقلك على خطه بتجنن مافي مثلها
......
اوس : اتركوا يونس بكفي ضرب قد ما ضربتو
يونس : انا بفرجي وين راحت ليلاس
اوس : اكيد روحت
يونس : بعدين تعال انت الثاني شو خصك فيها عم تهتم بتفاصيلها بأشياء ما الك دخل فيها
اوس : نعم نعم اعرف حالك شو بتحكي انت يل ضيعتها من ايدك ما حدا ضربك على ايدك وقلك اتركها
يونس : بس هي الي محجوزه
اوس : يونس احترم حالك ماحدا محجوز لحدا وهي بلسانها قالتلي مافي بينكم اشي
يونس : متى
اوس : ما خصك وخلينا رفقات وحبايب مش على شان بنت نبعد عن بعض وهي بتختار ما خصنا
يونس : بنشوف يلا مع سلامه وودي اخوك على اقرب مشفى
اوس : قوم قوم خزيتنا
....
ليلاس : يا بنت الايه جد حيان محظوظ فيكي
مريم : ولو اي خطه تعالي عندي بس ونفذي بالحرف الواحد
ليلاس : من عيوني هيو بلش يىن علي
مريم : ردي ولا كأنه اسمعتي مني اشي وطبقي يل قلتلك عليه ويلا تعالي لأروحك على البيت قبل ليوصل يونس
ليلاس : والغرفه يل دفعت حقها
مريم : امشي قدامي مش مشكله انا بأخذها
وصلت للبيت امي وخالتي نايمين دخلت بهدوء البيت بجامه رن الجرس تأكدت انو يونس زبطت حالي وفتحت
ليلاس : تفضل ماما وخالتو نايمين
يونس : زعلتي عشان فارس انا ما كنت بعرف
ليلاس :شو رأيك اعمل قهوه وتحكي
يونس : بدك تسمعيني
ليلاس : اه اقعد
دخلت اعمل القهوه لحقني
يونس : ليلاس مالك اشي اليوم
ليلاس : امم لاء مين قال
يونس : بس هيك احساس
ليلاس : لا بالعكس مبسوطه ما تفكر حشرة مثل فارس يأثر عليي
اعملت القهوه وقعدنا
يونس : انت مسامحتيني
ليلاس : يونس سؤال واحد وجوابو واحد
يونس : قولي خوفتيني
ليلاس : انت بتعرف فارس
يونس : بتمزحي اه اكيد منك
ليلاس : يونس لا تكذب علي طول فترة سفرك عينت فارس يراقب كل تحركاتي ويكون عندي بكل قرنه وآخر موقف عملوا كان غير محسوب الو قمت نزلت على البلاد
يونس بتوتر : مين قلك
ليلاس : احكيلي صح ولا لاء
يونس : لاء صح كنت اعرف كلشي بسببو بس والله اخر موقف ما كنت بعرف فيه
ليلاس : ليش هيك بتعمل
يونس : لانو ببساطه بحبك ليلاس افهميني انا ضربت فارس لانو كمان حبك وانا مابدي حدا يحبك غيري
ليلاس : فات الاوان يونس
يونس : لاء ليه فات انا تركتك مجبر مغموم على عيني لا تعملي في حبنا هيك
ليلاس : خلص انا عرفت يل بدي اعرفوا ممكن اشوفك بكره في هل كافيه
يونس : شوبدك ليه هل مكان
ليلاس : لو سمحت بستناك هناك بتعرف جوابي تصبح على خير
دموعي سيطرت علي اتصلت على اوس نسقت معاه موعد ثاني بمكان ثاني الفرق بين الموعدين خمس دقائق مش اكثر
ثاني يوم قمت بنشاط البست ونزلت اقابل يونس وبالفعل أجل على الموعد بزبط
يونس : ليلي أجيت هيك بتعبيني جايبتيني على مكان راقي كان قلتيلي بالبيت
ليلاس : لاء مش حلوه قدام امي وامك
يونس : يعني شو قررتي على فكره الشيخ شوي بوصل البيت
ليلاس بكبرياء : يونس فكرت في موضوعنا وبصراحه فاشل وما بزبط للاسف الماضي بضل لاحقني حاولت اسامح ماقدرت كل مره بتمطر فيها دنيا اتذكر كيف خليتني انزل من سياره زي الكلبه امشي كنت احب المطر وبسببك كرهتو كرامتي صارت في الأرض
يونس : في الحب مافي كرامه وانا كثير اعتذرتلك
ليلاس : اسفه كبريائي اكبر من الحب يل انت لحالك بينتو من طرفي ماصار اشي ولا أثر علي اول اكم يوم تعبت بعدين تأقلمت وهلاء صار دورك وأعتقد خلصت القعده يلا بعتذر عندي موعد
يونس : وين رايحه وقلبي يل قضيتي عليه وسرقتي
ليلاس : حاولت انتقم ماقدرت حرقت صور ماقدرت اجرحك انت عملت زي الجلاد يل بضرب العصفور
يونس : لا تعملي هيك فينا انزلت عشانك
ليلاس : لاء انت نزلت عشان مصالحك مش اكثر بلأذن
لفيت ظهري وامشيت شوفت دمعه نازله من عينة يونس يل ولا مره شوفت ضعفو هل مره شوفتو امشيت ومن بعد ما طلعت من هل مكان وعدت نفسي صفحة يونس اسكرها وارميها بالبحر مثل ما عملت بالخاتم بعد أقل من خمس دقائق نزلت على مكان الكافيه
اوس : مرحبا ليلاس
ليلاس : يا هلا بعتذر كأنو تأخرت
اوس : لاء عادي كل وقتي الك
ليلاس : قبل سؤال اوس وما تلف ولا دور
اوس : بسمعك
ليلاس : كنت تعرف انو فارس متبوع ليونس وبحبني الي شخصيا
اوس : رح اكون صريح معك كنت بعرف شغلات سطحيه بس مين ما بعرف اكبر دليل انصدمت فيكي لو بعرف ما استحيت وحكيتلك
ليلاس : مارح اجادلك انت ادرى
اوس : بس رح اقلك فارس ابوي تبرى منه ونحرم من الورثه واليوم سفريتو
ليلاس : جد
اوس : اه لا انا ولا عيلتي بنقبل في الغلط لا فيكي ولا في غيرك
ليلاس : تسلم هاد شي بفرحني
اوس : ويونس شو صار فيه
ليلاس : مابعرف بصراحه خلينا في موضوعنا انا زي ما قلتلك نزلت على المحكمه واول لقاء بعد ساعه
اوس: جد
ليلاس : اه أن شاء الله رح نمشي في هل قضيه شوي شوي لتأخذ حقك
اوس : وانا معك
ليلاس : رح اتناقش معك في الأمور يل ممكنه للقضيه
اوس : حاضر عم اسمعك
خلصنا حديث حاول يوصلني بس رفضت
روحت على البيت لقيت خالتي بتبكي
ليلاس : خالتي مالك
رزان : يونس رح يسافر كمان مره رح يحرمني من شوفتو
ليلاس بأستغراب : ليه
رزان : حبيبتي مافي غيرك بغير رئيو
ليلاس : انا شو الي دخل
رزان : حبيبتي على شاني
ليلاس : حاضر رح احاول
دقيت الباب ودخلت
ليلاس : يونس لازم احكي معك
#يتبع
أنت تقرأ
قاضية قلبك ( مكتمله)
Детектив / Триллер#قاضية_قلبك #بقلم_هناء_أيمن #بقلم_Hanaa_Ayman #المقدمه.... هل مره القصة متل ما بتحبو البطل القاسي و البطلة البريئة لما يجبروك ترجع من السفر لتتزوج بنت خالتك وانتي بتكرها و تصبحا و تمسيا بقتل و ضرب و ذل وتعيشا بجحيم و باليوم يلي مفروض يكون اسعد...
