قاضية قلبك ( مكتمله)

الجزء الثامن

الجزء الثامن ....
فتحت الشنته طلعت الخاتم يل اعطاني ياه يونس  تأملت فيه منيح وكبيتو ...
ليلاس : ومن هون تسكرت قصتك
رزان : ليلاس وينك يلا
ليلاس : هيني خالتي أجيت
لفيت ظهري في الحياه الجديده
بعد سنه ....
الكل متوتر وعلى اعصابو الا بطلتنا
ليلى : لك قومي نايمه في حدا بضل نايم يوم نتائج لهلاء
ليلاس : خليني انام شوي يعني لا في توجيهي ارتحت ولا بعدو
ليلى : مريم بتستناكي برا يلا
مريم : قومي استحي على دمك عندك ضيفه
فتحت عيوني شوي وصحصحت
ليلاس : ضيفه انت صرتي من اهل البيت
رزان : جد يل ليلي من وين الك هل صديقه بتجنن من صبح وهي بتساعد
ليلاس : مزبطه علاقتك مع امي وخالتي وانتو ليش مشكلين حزب فوقي
مريم : نتيجه بعد نص ساعه وانا متوتره وفاقعه توتر وأهلي بزور قبلوا اجي عندك وانت
ليلاس : خلص بكفي بهادل قمت عيله من الاخر
ليلى : يلا مش ضايل اشي عدوا
ليلاس : واحد ... ثنين
مريم : ثلاثه ....وصلت 95 الحمد لله لولولوليش
ليلاس : اشوف انا... 96
مريم : في علامه زياده من وين هل ذكى
ليلاس : شو بعرفتي تعي احضنك واخيرا
رزان : مبروك يا حوب يلا قوموا نعمل حفله هيك مناسبه ما بتضيع
ليلى : معك حق يا اختي قوموا يا بنات
قعدنا نرقص اول مره الفرح بدخل البيت بعد مده طويله
مريم : انا خليني استأذن لانو يمكن امي تقضي علي صارت متصله الف مره وايوا نجحنا من سلامه
ليلاس : مشطوبه هل بنت
ليلى : جوالك برن اكيد حيان ردي عليه ..
حيان : اختي مبروك يا حبيبتي
ليلاس : الله يبارك فيك اشتقتلك مش ناوي تنزل
حيان : قريبا يومين زمن بكون عندك
ليلاس : حبيبي لك انت اخوي وأبوي وكلشي بحياتي
حيان : طبعا انا سندك والحيط يل بتميلي عليه يلا رايح لانو يمكن اتبهدل على تأخير طيري
ليلاس : مع سلامه ..
طلعت ارقص من الغرفه
ليلى : مالك بترقصي شو قلك حيان
ليلاس : هل يومين بكون نازل على البلد مش مصدقه نجحت تعب لياليي وأشهر وظروف يل وقعنا فيها
ليلى : طبعا رغم هل ظروف قدرتي تبدعي
رزان : طيب خفوا علينا مشاعر هلاء وقت التسوق
ليلى : انت خليكي اشتري رح ضيعي المصاري
رزان : مافي اجمل من صرف المهم بمناسبه هل مناسبه مش بدها سفره
ليلاس : صح خالتو بس اخوي نازل على هون احلا هديه بنسبه الي
نزلت دمعه رزان وقعدت تحكي بحرقه قلب
رزان : وانا ابني اكبر نقمه الي مش مصدقه صارلو سنه ونص ما سأل علي لهدرجه مابهمو
ليلى : اختي امسحي دموعك احنا فرحانين مابدنا شي يعكر مزاجنا
تنهدت نهده قويه
رزان : الابن ما بينتسى يا ليلى كل يوم ساكن جوا قلبي ما بنسى كل تفاصيل حياتو البوم ذكريات في راسي كنت كلشي اجيب الو ما اخلي شغله بنفسه وفي الاخير هي جزاتي
ليلى : ريري ولادي هم نفسهم ولادك عادي الا يكون ولد نقمه على اهلو بكرا ابنه بعمل معاه نفس شي الله ما بينسى ظلم
ليلاس بتقلد خالتها : خفوا علينا مشاعر
رزان بضحكه : قليله ادب بتقلديني
ليلاس : لا والله عشان ننسى شوي حابه يوم افرح
ليلى : قبل كلشي ليلي حابه احكي معك في موضوع ابوكي
ليلاس : مابدي اشوفوا خلص انتهى
ليلى : لاء طبعا هاد بضل ابوكي صحيح انفصلنا بس هاد ما بخليكي ما تشوفي ابدا
ليلاس : بشوفوا ورا الحبس أن شاء الله ماما لوسمحتي
ليلى : ما تدعي عليه بضل ابوكي ولو مره في شهر شوفي الفترات الماضيه مشيتها عشان جوك دراسي بس هلاء مافي حجه
ليلاس : ما بوعدك
رن الجرس واحنا قاعدين
ليلاس : رايحه افتح .... مستر فارس
فارس : احم بعتذر يمكن اجيت في وقت غير مناسب
ليلاس : لاء تفضل اهلا وسهلا
فارس : تفضلي هل ورد هديه نجاح مبروك
ليلاس : الله يبارك فيك جد مافي داعي تعب حالك وتيجي هون
فارس : لا ولو طالبتي مابدي افرح الها
ليلاس : تسلم
ليلى : احم استاذ احنا هون شو اخبارك
فارس : بعتذر بس
رزان : هه لا تعتذر ولا عبالك عندك كتلة جمال وما بدك تسرح فيه
ليلاس بتزوير : خالتي
فارس بخجل : احم مع سلامه تأخرت على الجامعه
رزان : مع سلامه ......
ليلاس : خالتي ليه هيك تحكي
رزان : ما شوفتي كيف سرح فيكي ألزلمه دايب فيكي مش ملاحظه
ليلاس : يدوب في حالو بعد ابنك ما بعيدها توبه
رزان : هه معك حق في هي بس حرام مش كل أصابعك واحد
ليلاس : ماما حابه اروح على مطعم زهقت القعده
رزان : فكره حلوه واتصلي على رفيقتك بنروح نأخذها
ليلاس : يلا من عنيا
..........
كرسون : تفضلوا شو تطلبوا
رزان  : صبايا استحلوا ونقو انا وليلى رح نروح على طاوله بعيده عنكم
ليلاس : ليه خالتي اممم
رزان : قليلة ادب عشان تاخذوا راحتكم
مريم : اعملوا يل بترتاحوا عليه .... مالك شوفي طول الوقت تقولي في شغله ضروريه بدك تقوليلي ياها
ليلاس : حيان نازل بعد يومين
مريم : طيب شو اعمل
ليلاس : غبيه انت عأساس مش طول الوقت احكيلي زبطيلي ياه
مريم بخجل : ولك كنت بمزح
ليلاس : اصدق هلاء بعدين شو بدي احلا انك تكوني مرت اخوي
مريم : وليه اسكتي شو بتقولي
ليلاس : انت يل اسكتي لازم يحبك مش على كيفو
مريم : ولك خلص خجلت مش عارفه احكي
ليلاس : اول مره بشوفك بتستحي وخلص انتهى بتيجي بعد يومين عنا عأساس بدك تشوفي بس بتنصدمي فيه وبتسلمي عليه خلص انتهى انا بخطط وانت بتنفذي
مريم : انت من وين الك كل هل تفكير
ليلاس : ما الك بس عليكي طبقي يلا خلينا نقوم عندهم شوفي نظراتهم رح ياكلونا
مريم : هه طيب يلا
مر اليوم طبيعي  لحد ما شوفت رساله من فارس حابب يشوفني بكرا الساعه 12 الظهر ماعرفت شو اكتب قمت عند خالتي وامي
ليلاس : ماما بدي اخذ رأيك في شي
ليلى : احكي
ليلاس : فارس باعتلي رساله اشوفو بكرا وانا بصراحه مش عارفه مش حابه يتقرب مني
رزان : بتمزحي ليلاس بتلاقي مثل فارس ولك امبين آدمي وابن ناس وبحبك طبعا اقبلي
ليلاس : مابدي حدا يحبني بس رح اشوف
ليلى : لا ماما كلام خالتك صح الزلمه ساعدك ايام توجيهي كثير ردي الجميل على الأقل
ليلاس : خلص رح ابعتلوا موافقه يخليلي ياكم انا
ثاني يوم البست وتجهزت نزلت على المكان يل قلي عليه لقيتو سابقني
ليلاس :مرحبا بعتذر يمكن تأخرت
فارس : لا ولو كل الوقت الك
ليلاس بخجل : تسلم يسعدك
فارس: شو ناويه تدخلي تخصص يعني اقريتي عليه
ليلاس : أن شاء الله محاماه رح احاول قد ما بقدر اخلصها بسنين أقل
فارس : حلو موفقه يعني يمكن ادرسك
ليلاس : جد بتمزح متى تعينت دكتور
فارس : قبل فتره
ليلاس : وليه ما قلتيلي هيك اعرف بعدين
فارس : هيك اعرفتي ما كنت حابب اقولك قبل كنتي فتره توتر وضغط
ليلاس : امم وشو مناسبه هل عزيمه يا مستر
فارس : اه اكيد في سبب
ليلاس : هيني بسمعك
#يتبع