العراق
بابل / الحله/ ٢٠١٢
لسه أتذكر هذا اليوم من هذي السنه
عمري جان ١٢ سنه جنت حيل اصغيره وناعمه وضعيفه جنا بيتنا القديم {بحي شبر }جنه معروفين ببساطه والفقر والتربيه وجنا ساده يعني جدي علي جان سيد وبيبيتي بدريه علويه
لسه أتذكر مقتطفات من طفولتي لما بذاك اليوم جان زايرنا عمي الجبير كريم هو واولاده وخاصه بنته الجبيره* شفق *إلي جانت بعمر المراهقه يعني ١٧ سنه تقريبا لسه أتذكر شكلها وهي زغيره وشلون جانت تحبني اي هي من زمان تحبني جان حبها إلي هواي جبير والي معزه عدها مو طبيعيه بس الضروف هي الي تحكم أن تغير الانسان فعلا الفلوس تغير النفوس بيوم زيارتها النا أول زيارتها جانت تباوعلي وكلتي أول ما التقيت بيها اشرتلي اجي اكعد بحضنها ههههه اي جنت استحي حيل صحيح بس رحت وكعدت من يوم يومه حضنها مريح اصلا جانت تكولي حضني هو بيتج جانت حيل تتغزل بشاماتي واحلا شامه عدها هي الي بركبتي جانت كلما نلتقي أول متبوسني بشامتي جانت حركتها إلمفضله عندي اوه والله ايام ....
ها صح نسيت احجيلكم لمن طلعوا من البيت وهي صعدت بلسياره كامت وصعدتني وياها وكعدت اتكلي من تكبرين اعلمج السواقه بايديه وجنت بس اضحك واستحي حيل خجوله جنت ........
العراق/ حي الصحه/ ٢٠٢٤
كامت من نومها بعد ما سمعت صوت ازعج صوت بحياتها منو غيره المنبه الغبي
كامت من الفراش بصعوبه بس اتذكرت اليوم شنو بلنسبه الها اليوم حيل مهم
فتحت عيونها وابتسمت ومطت جسمها بسعاده نسم: اليوم يوم المسابقه واخيرا شكد جنت ناطره هل اليوم اوف واخيرا
ها انتوا هنا اي اهلا وسهلا بقرائي الأعزاء تعالوا اعرفكم اليوم شنو يصادف عندي وهم ليش اني متحمستله هواي اي نعم راح اخذكم بجوله عن حياتي وشنو من مغامرات راح تصيرلي ترقبوا أول باول صح الغي هواي حتى نسيت شنو ردت اكول ها اي اتذكرت
اليوم يصادف لا لا مو عيد ميلادي اليوم يصادف مسابقه الاحصنه إلي تصير كل سنه اي نعم بطلتكم تحب أن تتسابق بلخيول اعشق حرفيا شي اسمه خيول واحصنه لان بصراحه يعبرن عن الحريه وكيف لما ينطلق المهر بيكم باسرع قوته وانتي فوكاه والهواء البارد يلفح الوجه تحسين كانج ملكتي العالم والله هل الشعور شكد جميل ومريح لكل نفس وروح بلإنسان المهم خليني اجهز نفسي واستعد يلا روحي على غير شخصيه باي........
اربيل / شقه شفق
جانت صاحبه الشعر القصير وهيبه الطول تتمشى وتخابر جدها وهي متأنقه بارقى الملابس وهيبه الاكسسوارات المزينه ايديها المملوئه بلعروق وهي كاعده تاشر وتفهم جدها انو هي جايه باجر حتى تحضر مسابقه الاحصنه
شفق: اي جدي اليوم حجي بسيارتي لا مايحتاج والله اني اجي اوك تمام باجر الصبح اني يمكم قبل العصر اني جاي ان شاء الله زين اي صح جدي ما اوصيك لا تكول لأحد اريد اسويها مفاجأه زين تمام باي باي ...
قفلت الخط واتنهدت باريحيه جانت تفكر
اي بمنو غيرها بنسم بنت عمها الزغير جانت ماخذه تفكيرها كل الوقت من ساعه إلي تركتها بس من تركتها جانت مجبوره بسبب جدها
شفق: خلي اكوم احضر نفسي بعد ماباعت للساعه ٥العصر لازم اني الفجر مغبشه بابل وتحديدا بقصر جدي
يالله ان شاء الله خير كامت وحضرت ملابسها وبدت تاخذ إلي تريده بعد مافتحت كنتورها وشافت صور مجموعه من الصور جانت ضامتهن بصندوق خشبي كلاسيكي متوسط الحجم فتحته وبدات تكلب بصورها صور اعز انسانه على كلبها السنجابه مالتها اي جانت تدلعها بالسنجابه لان جانت تحب الجوز هواي ههههه ضحكت بعد مالمحت ذكرياتها وياها من جانت ببيتهم قبل شي ٥ اسنين لمن عمر نسم جان عشرين سنه اي خمس سنوات اكيد نسم هسه كبرت وصارت امراه ناجحه بحياتها شكد مشتاقه الها شكد نفسي العب وياها مثل قبل وشلون جانت شقاوجيه ويايه مثل الطفله تتحول بايديه وشلون جانت تشلع كلبي من اريد ابوسها اويلي ابتسمت شفق وهي تتذكر حركاتها ولعبها وأيامها الحلوه وياها بس بسبب وعن طريق صدفه دمر كلشي ولا أجى بلوكت الغلط وخلانه نفترق هزت براسها وكالت ان شاء الله خير راح ارجعها لحضني ونرجع مثل قبل واكثر بعد يعني ( زواج)
ابتسمت وكملت ترتيب هدومها وهي كلها امل وثقه انو ما ترجع الا ونسم بحضنها ووراها
..............
يتبع
......
هذا الجزء من البارت اصغيرون كأفتتاحيه لهل الروايه طبعا
شفق حاليا عمرها ب ٣٥ سنه ونسم٢٥ سنه فرق أعمار جبير بينهن واكو بعد شخصيات راح تضهر ترقبوا........
أنت تقرأ
انعدام الحريه
Hành độngلما شخص بعز الفكر يتحول بليله ويوم الى أغنى إنسان بل محامضه وصيته بكل مكان والعالم كلها تحت قيادته نعم يا سادة انه السيد علي . الروايه بيها دم وحزن واكشن وغموض مع لمسه حب بل نسبه الهم "حب محرم "
