انعدام الحريه

اعتاب😟

طلعت من مكتب جدي وما اسمع الا وحده تركض ورايه وتصيحني
منو غيرها يعني (شفق )
طبعا لان حضرتي مهوسه بيها حتى خطوات مشيتها اعرفها
التفتت الها ببرود بعد أول صوت لان الصراحه ردت ارزلها على إلي سوته الصبح
شفق : نسمي
بس التفتت وما حجيت ولا كلمه باوعلتها بحتقار وتكبر بس اكو شي جواي لو يهدء جان ارتاحيت منو غيره" كلبي"
شفق: شلون..
مقاطعتها
نسم: الحمد الله بأفضل حال بدون شوفتج من شفتج تعكر ام مزاجي
الصراحه تعاي اكلج بعدين انتي شلون تتجرئين تشبكيني بدون ما حتى تاخذين أذني؟
شفق؛ ليش ما يصير اسلم واحضن روحي ونصفي الثاني؟
مقاطعتها بصوت وبضحكه عاليه بعض الشي
نسم: هههاي نصفي الثاني ؟ والله اي نصف شفق
(بوجه بارد واعصاب تالفه وبدت حرارتي ترتفع)
شفق إلي بيناتنا انتهى من ٥ سنوات تذكرين لو اذكرج شنو انتي ومنو
وشنو إلي سويتي بي وشلون اكتشفت قذارتج
وشلون جنت مخدوعه بهل الوجه الملائكي والدلال والحب إلي عباره عن جذب
(صحت باخر كلامي بسبب استفزازها إلي )
مقاطعتني هي بردها بعد ما احيت الصدمه على وجهها
شفق: حبي اني عباره عن جذب ودلالي لا لا انتي اكيد فاهمه غلط مستحيل
نسم: شنو المستحيل شفق ها ( واني ادفع بيها) شنو هو المستحيل( بصياح) حبج إلي ودلالج جان كله جذبه تدرين ليش لان لو جنتي تحبيني ما جنتي ضميتي عليه شي جبير من قذاره جدي وقتله للناس وتحالفه ويه داعش ولا بعد انتي جنتي وياها الأخره من هذا كله والطامه الكبرى انتي * انتي شفق المراه إلي احبها لا مو بس احبها جانت مثلي الاعلى وقدوتي جنت ما انام الا واني بحضنها ولا اكل الا من ايدها هههههه والله وبيوم وليله اكتشف عن طريق الصدفة والغلط انُ حبيبتي وقدوتي عباره عن وحش يكتل العالم الابرياء وعدها كل ملفات جدي إلي اكيد حاطه عندج لان تعرفين انتي وحده وياه بلمنضمه الارهابيه وجنتي تعرفين انو جدي واحد ارهابي ساقط
طلعت كل قهري بوجها ونزلت دمعتي مو بسبب شي بسبب خداعها إلي وبسبب قتل الناس واذيتهم وتنفسي جانت حيل مضطرب وكلبي كام يدك حيل ويوجعني
أما هي جانت صافنه عليه ومصدومه على كل كلمه اطلعها من حلكي تنفي براسها وكانُ ما مصدكه إلي كاعده اكولها رادت توكفني
شفق: اوكفي انطيني مجال خلي افهمج كل كلامج غلط اني ما إلي دخل انتي مفتهمه غلط اصبري
ورادت توكفني بس اني دفعتها وحذتها بعد ما رادت تلمسني
نسم: حدج لهنا وبس ماريد اسمع ولا كلمه ولا حتى انج تحاولين تلمسيني مره ثانيه لاتلمسيني جاي تكش نفسي واتقزز منج لا تلمسيني بايديج المتروسات دم دم هواي ناس ابرياء شفق اوعج حتى تحتكين بي
شفق: انتي فاهمه غلط اني ما لي دخل ليش مجاي تفهمين عليه اني
قاطعتها
نسم: لا والله والملفات إلي شفتها بلخزانه مالتج والي قريتها وياريت ماقريت المصايب البيها شفق شنو هل الملفات وشسوي عندج ممكن اعرف ها اذا انتي ما مالج دخل لعد شيسون الملفات إلي جانن كلهن بأسماء ناس مجرمه ولا بعد اكو ملف لسه اتذكره شفق ملف إلي دمره لكلبي وحركه لمن فتحته ولكيت كل اسماء شباب الشهداء إلي راحوا بمجزره سبايكر
نزلت راسها وما كدرت تحجي
باوعت عليها بخيبه وكلبي انكسر للمره الثانيه
واني اشوفها وما مصدكه معقوله هاي شفق إلي احبها زين ليش؟
تركتها ومشيت واني ابجي وبقهر
شفق( بعقلها) شلون اكدر افهمج اني بريئه شلون ؟وانُ ذني الملفات جانن راح يودن جدي للسجن واني إلي راح اخذ حق كل شهيد ومظلوم انظلم شلون بس
ليش هيج ياريتني ما حطيتهن بلخزانه بذاك اليوم .....

٢٠١٩
الساعه ١٢ ص
الاثنين
غرفه شفق
صياح وضحك ولعب طالع من الغرفه
متجاهلات كلشي وغاركات بحبهن
وعشكهن المايخلص
منو غيرهن (شفق ونسم)
جانن يلعبن لعبه بلبلي وجان الاتفاق إلي تخسر تسوي إلي تكوله الفايزه
شفق: اني إلي راح افوز حضري شفايفج حبيبي
نسم: فشرتي والله اني إلفايزه
لا لا لا شفق
شفق: واووووه ههو يلا يلا انطيني بوسه يلا معليه مالي دخل يلا
نسم: لا تحلمين وخري 
وهنا كامت نسم تركض بارجاء الغرفه وتنطز منا وهناك لاحكتها شفق وجانن يضحكن بأصوات عاليه والاجواء حيل حلوه ...
لحد ما بلغلط نسم وكعت على الخزانه مال شفق وانفتحت شويه من بابها
انتبهت نسم بعد ما كومتها شفق بوسط قلقها وضحك الثانيه
شفق: ها تعورتي بيج شي اني كم مره اكلج انتبهي لو واكعه ومنكسره رجل شكول
نسم: أممم تخافين عليه دكتوره شفق
شفق: طبعا اتخبل غير انتي عافيتي وروحي ومرتي وكلشي واهم شي بهل الدنيا الغبره
اصلا لو ما انتي جان اني من زمان ما عايشه حياتي بصوره الصحيحه انتي سبب وجودي وبقائي وسعادتي بهل الحياه يا روح الروح انتي
نسم: أممم كافي كافي غزل اسكتي ما اتحمل تره بسرعه أخجل حيل
(وهي تحط ايدها على حلك شفق )
شفق:( تبوس ايدها) اذا ما اتغزل بيج بيمن اتغزل بحبوبتي
كامن يضحكن لحد ما التفتت نسم ورادت تسد الباب لحد ما لاحضت ملفات بالوان مختلفه
اسألتها بعد ما فكرت شنو ذني الملفات
طبعا جانت نسم تعرف كل شي عن شفق وحتى هي الي تنضف وترتب اغراضها والصدفه جانت اليوم الصبح مرتبه الكنتور مالتها وما لكت هيج ملفات عدها
نسم: شفق
شفق: (بعد ما رجعت تلعب بلبلي ) همم
نسم: ذني شنو ؟ ( وهي اطلع الملفات وتراويها لشفق )
التفتت شفق وانصدمت ركضت بسرعه وتاركه إلي بايدها واخدتهن منها وهي تحاول تفهم نسم انو ماكو شي ومجرد ملفات بلشغل وتحاول تلهيها
طبعا نسم جانت ذكيه وجانت تعرف ملامح شفق شلون من تجذب تتغير فما عبرت عليها السالفه بس غلست وقررت تتفحصهن من تنام
....
الساعه ٣ ص
بعد ما نامت شفق وغطت بنومها قررت نسم تكوم بهدوء وتروح للخزانه
فتحتها بهدوء وشافت الملفات واخذتهن وطبت للحمام وبدت تقرا
وهنا انصدمت نسم واكتشفت ماضي وحاضر جدها ومنو هو وشلون صار بليله ويوم هيج غني ....
جانت تقرا ودموعها ١٠ على ١٠ والصدمه الكبرى الملفات جانت بغرفه حبيبتها
جانت صدمتها حيل قويه ما حجت ولا كلمه ولا حتى تفتهم من شفق قررت تطلع وتروح من غرفتها وكتبت رساله لشفق
انُ علاقتهاانتهت وانُ هي اكتشفت كل شي
بس هل فعلا اكتشفت كلشي ؟

يتبع..
....
.
نشوفكم باجر ......
هاي شلون الاحداث
احسها حماس ....