انعدام الحريه

غيره جميله 😇

بعد ما طلعت نسم من المطعم
وجانت في قمه ازعاجها وزعلها ونرفزتها حيث من قمه الضوجه والحاله إلي بيها نست اليوم
شنو بل نسبه الها
وطبعا نست موعدها مع ابراهيم
*ابراهيم*
هو العامل إلي يشتغل بلاسطبل مال الخيل
وهو إلي يوكلهم ويرعاهم ويعني( فلاح )
عمره ١٦ سنه طفل
طبعا يتيم الاب وعنده بس امه واخته الرضيعه إلي ما تتجاوز سنه من عمرها....
....
امه تشتغل عامله تنضيف عندهم (تحيه لعاملات التنضيف الجميلات😚🤗)
وهي ام لطفلين ابراهيم وملاك
إلي فعلا تشبه الملاك بجمالها وطفوليتها وحتى ابراهيم طفل مهذب
نسم صديقه المفضل ابراهيم لان تقريبا نفس جوو ..ابراهيم يحب يربي الحيوانات ويحب الاجواء الريفيه الطبيعيه مما جذب اهتمام نسم بي وخلته صديقها وحتى دراسه ادرسه بأوقات العطله والفراغ، اما ملاك فكانت نسم تموت عليها هي اصلا إلي تعتني بيها وتلعب وياها ومدللتها حيل ....
فكانت عائلتها الثانيه لنسم
تحبها وتعزها وما تحب احد
يأذيهم......
.
.
.
.
اتصلت على إبراهيم
نسم: الو برهوم شلون الأخبار يا ولد
ان شاء الله زين
اتغديت ؟ ( ببهجه بعد ما هدئت نفسها وحاولت تنسى)
رد عليها
ابراهيم: اي الحمد لله اكلت واشربت
وحتى سبحت ههههه(بضحكه عفويه)
ردت الضحكه اله
نسم(بضحكه وبهجه وكلبها مرتاح لسماع صوته ): اي خوش .. وامك اكلت والمشاغبه مالي هم اكلت..(قصدها ع ملاك)
.
.
راد عليها( بنعم اكلت وهي هسه نايمه)
.
.
نسم: تمام ياروح اختك هسه اني بعد شي ساعه عندك حتى نتجهز للمسابقه
متحمس صح (بحماس )
(راد عليها بنفس قوه الحماس إلي بيها)
ابراهيم: جاهز ومتحمس اصلا اني متأكد انج الفايزه بيها
.
.
ضاحكه ومسروره لسماع صوته وكيف فخور بيها
راده
نسم: اكيد ياروحي طبعا اني الفائزه
تدري ليش لان عندي اخ مثلك شطور ورجال
ويحب اخته نسم وواثق بيها ويساعدها
(كالتها بكل فخر وحاسه بحنيه وبفرحه مو طبيعيه )
يلا ذربالك على روحك وعلى اخيتك وماما
نلتقي يا ولد الى اللقاء(بحماس وتشجيع)
راد عليها( بحماس)
إلى اللقاء .....
.
.
.
.
.
بعد ما ودعت نسم ابراهيم وقفلت الجهاز باعت للسماء اي صح هي طلعت من كل المول
لان حست بخنكه مو طبيعيه
فحبت تهدء نفسها وتستنشق الهواء الطيب
حمدت ربها لان عدها عائله مثاليه
طبعا من تكول" مثاليه"
مو قصدها على اهلها الحقيقين لا لا لا
قصدها على
ابراهيم وعائلته إلي ماخذين دورهم بحياه نسم هواي وحبهم الها مو طبيعي
لانها الوحيده الي ما تتنمر أو تتصنع عليهم
وما تحسسهم هم عدها مجرد خدم
بلعكس مراعيتهم ومنطيتهم الاحترام عكس اعمامها وولد وبنات اعمامها وعماتها الثانين إلي محتلين الغرور والتكبر وشايفين نفسهم فد شي .....
.
.
وثاني شي محتل حياتها (جود )منو جود ، جود
اي الحصان مالتها إلي تموت عليه والي مربيته من الصغر أول ما انولد ولحد هسه
طبعا جود يصير ابن الفرس مالتها
ابن (حور)
الفرس الجبيره امه لجود إلي أول ما دخلت للاسطبل وكعدت عينها عليها
وسبحان الله صارت صديقتها
إلي ما يمر يوم وما تزورها
وكل مسابقه جانت تخوضها نسم جانت الفرس مالها حور ..
وليش سمتها حور
لان جانت من الفرس النادر لونها
جانت شهبه وجانت بيضه بياض ناصع
فسمتها بهذا الاسم لأن فكرت نسم انها من فرس الجنان ......
وثالث واحد والاخير
والي اصلا متربع على عرش كلبها وتفكيرها
هو (شفق) اي شفق منو غيرها ......
.
.
.
مقاطعه تفكيرها طبطبه على جتفها
منداره ولاكيه شفق
مبتسم الها وكانها ملاك ما مسويه اي شي
باعت عليها باحتقان
(ابن الحلال عند ذكره بلبال )
خير شرايده شفق مو حضرتج جوعان ورايده تتزقنبين ليش ما بقيتي وياهن تكملين الزقوم مالتج
(حجتها بنرفزه وبرفعه حاجب وبغيره واضحه)
.
.
ردت عليها بعد ما شافت الغيره الواضحه على محياه وجها وشلون جانت كيوت وهي منزعجه
كانها طفله ماخذين لعبتها....(شلون المثال تحفه👌)
شفق: أممم.... يعني انتي حاليا غيرانه ومزعوجه
عليَ اني صح؟ يعني انتي مو كلتي على الأساس
(وهي تأشر بأيديها )
انُ بطلتي تحبيني وكلتي بعد ما يهمني امرج ووووو (تتقرب منها وتهمس)
بعد ما اريدج هممممم ليش لعد منزعجه
يعني اني حاليا سنكل واكدر
ارتبط باي احد .... مو صح (وهي تغامز بحواجبها)
.
.
.
اهنا اتنرفزت نسم من حركات الطفله إلي كبالها
بس
حبت
تلعب
وياها
بطريقتها
وتستفزها
مثل ما جاي تسوي....😒
راده عليها
نسم: اممم صح كلامج بلبدايه بس الضاهر افتهمتي غلط
اني بعدني على قراري انتي هسه ولا اي شي بحياتي
انتي مجرد أممم(بتقدير مصطنع ) نكدر نكول ماضي وانتهى
والماضي
مجرد ماضي....
ما يرجع راح انتهى
بس نكدر نتعلم منه وناخذ الحذر همين
...
اما بل نسبه إلي صار جوه فهذا مجرد اغاضه لذيج إلي ما تتسمى نرجس
ويعععع(وهي تحاول تتقيء)
.
.
.
ضحكت شفق وهزت راسها
تعرف كلش زين الكلام إلي طالع من هل الكيوت إلي كدامها هو عباره عن جذب
لان جانت تشوف الغيره والغليان
بعيونها وشلون جانت تتمنى تقتلها
.....
شفق: زين تمام
راح نكول حجيج صح بس جاي َاشوف الجذب بعيونج تره اني مو اي احد
نسمي اني شفق هممم (وهي تقترب منها وتصير وجها بوجه الخُ...)
.
.
.
ضلت وحده تباع الُخ غايصه وحده بعيون الخ
ومتناسيات العالم والواقع وكل شي
متذكرات ايامهن وحبهن بذاك الزمن..
وشلون جانن ولا زالن يحبن ويحنن الها........
لحد ما
بادرت شفق وتقربت أكثر وأكثر لحد
ما رادت تبوس شفتها
رادت تضوك طعمها
إلي ما نسته ومشتاقتله حيل حيل
بس صدتها نسم وبعدت
عنها.
...
انقهرت وضاجت بس عذرتها ..
يرادلج صبر... حتى ايوب ما يصبره بس ميخالف
يجي يوم وأخذها برضاتج
تنطيها
(كالتها بهمس وجانت أنفاسها تلفح وجها )
باعت عليها نسم
(بعيون كلها تحدي وطغيان)
نشوف.
.
......
مر الوقت بسرعه حيث كل من فاطمه ونرجس وشفق ونسم
كضن الساعه كامله وهنَ يشترن وياكلن وينبسطن(يفرحن )
بس طبعا ما خلت حزازيات بين
نرجس ونسم
وشلون جانت الغيره فاضحه نسم
بسبب تعلق نرجس بشفق
بس كدرت تسيطر على نفسها وتتجاهل
حتى لا تنكشف كدام شفق وضل
تستفزها......
اما شفق جانت بهذا اليوم حيل فرحانه
لان اكتشفت انُ نسم بعدها تحبها وتغار عليها وما تغيرت عليها ابد بس ضلت لازم تكللها
الحقيقه وتكشفلها الدلائل حتى ترجع لاحضانها وتغركها حب ودلال ......
.
.
.
.
.
الساعه ٧ بليل
نزلن من السياره إلي توقفت كبال القصر
توجهت نسم إلى الاصطبل إلي صاير على الجهه
اليمنى من القصر
جانت مشتاقه حتى تشوف ابراهيم وحور وابنها جود
وطبعا راح تتجهز للمسابقه إلي بعد شي
٤؛ ٣ ساعات وتبدي
.
.
.
.
راحت وراها شفق لان ناويه على تكميل
خطتها
..
ابراهيم ابراهيم  وينك اني اجيت
وجبت وياي اغراض الكم..
جانت هاي نسم اتصيح بكل أنحاء للاسطبل
.
.
طلع ابراهيم الها وهو فرحان ومتلهف الها
راكض وحاضنها
وتارك إلي بأيده
عمت الضحك بارجاء الاسطبل
وانطته الملابس إلي اشترتهم اله ولامه واخته
وشويه اكل من المطعم
كل هذا وصار تحت انضار إلي جانت تتأمل
جمالها وجمال شخصيتها ولطفها إلي جان هواي
على كلبها....
نسم(بابتسامه): زين هسه اخذ ذني ورح انطيهن لامك واختك الوكيحه
وهم ما تنسى تسلملي على امك
وتبوسلياها من الوجنات
وكللها حيل مشاقتلج نسم تكول وباجر تُمر عليج
خوش يلا وجهز نفسك وتعال على ال١٠ لان بعد
ساعتين على بدا المسابقه
راح بعد ما شكرها واستأذن منها
...
متوجه لخارج الباب و شايف شفق إلي ابتسمت وسلمت عليه هي الثانيه ....
منتبهه الها نسم وابتسامه لا اراديه طلعت منها
لان تعرف شفق كلش حنونه ويه الأطفال وخاصه الأيتام
حيث عدها منضمه خاصه لرعايه الاطفال اليتامه والناس الفقيره.....
.
.
.
.
اي والله هل الولد غير مؤدب وخلوق
(كالت شفق وهي تقترب باتجاه نسم)
..
(اممم)
ردت عليها
ومنطتها ضهرها
وكاعده تغسل للفرس مالها..
.
.
كامت وشلهت ايديها شفق مضهرها عروق ايديها البارزه
والوشم إلي جان على شكل (سمكه الافتار)
على يمنها وعلى الايد اليسره
اسمها منقوش بوضوح
(نسمي)
انتبهت نسم الها وشلون جانت مغريه هي وحركاتها إلمثيره
توترت بعد ما اقتربت منها
وبدات تساعدها
بشويش بشويش....
لحد ما
صارت شفق وره نسم
التصق ضهر نسم على صدر شفق
وانفاسها بدت تلفح عنق نسم
مما خلى نسم تضعف شويه بس جانت قويه كذالك وداركه انُ هي مو ضعيفه تريد توصل الها
انُ نسم موسهله ابد.......

يتبع...
عيوني حيل يوجعني فما كدرت اكمل ان شاء الله باجر  اكملها....
رايكم بلاحداث .....