انعدام الحريه

مفاجئه متفاجئه

الساعه ٨:١٥ص
الخميس
بيت عائله ابو كريم ( سيدعلي)
جان الكل مجتمعين على طاوله الاكل من بنات واولاد السيد علي وأحفاده هم
طبعا كل واحد جان يتضاهر بلحب للثاني بس جان كله جذب لان الحقد والكره اتجاه بعضهم البعض ما ينتهي ابد وراح يستمر من الأولاد إلى الأحفاد حيث جان كريم الابن البكر لعلي
جان يكره اخو الاصغر منه رياض اما رضيه جانت تكره ابويه حيدر وبالنسبه لعمتي اكرام جانت تكره عمي حسين ....
جان كل واحد بحقد على الثاني ويحجي ويدور زلات للثاني حتى أحفاده اي أبنائهم واحد يحس بكره عظيم للثاني عندكم هناك أولاد عمي الجبير (كريم)
حسنين وكرار وحيدر الجبير يكرهون ويحقدون على ولد عمتي احلام الصفيره وولد عمي رياض  مع العلم ماخذين منهم مره يعني بنت عمتي احلام الجبيره ( زينب) متزوجه ابن عمي الجبير كريم ابنه الجبير(حيدر)
جنت اني مستوطنه الكرسي إلي بجانب امي على الجهه اليمنى من الطاوله الجبيره وجنت حيل فرحانه وما مهتمه بكل هذا لان الصراحه اني من زمان اكره هاي العائله لان حيل اتأذيت منهم وخاصه جدي و شفق
و اني كاعده افكر بيها واحجيلكم عنها الا واسمع صوت جان جاي من ورايه
صوت مو غريب على أذني ولا
حتى على عقلي
ولا على كلبي
التفتت وجان اشوفها
و اني على محياه وجهي
الصدمه ...( شفق)
همست بيني وبين نفسي
و اني اشوفها كاعده تنزل من الدرج
وعينها بعيني حطت اول ما التفتت عليها عليه
شفق: مفاجئه
اتفاجئت العائله بلاول بعدين كامت كل من أمها وخواتها باتجاهها واخذنها بلاحضان
واني جنت في وضعيه الصدمه
استوحتلي كل ذكرياتها القديمه وياي
طبعا ما أنكر انو هي لسه بكلبي وفوكاها حليانه بس ذيج شفق مامتغيره هواي نفس جسمها الرياضي ونفس شعرها القصير إلي جان ماخذ عقلي وما زال ليش اجذب عليكم
جان اكو صراع داخلي بين عقلي وكلبي
واحد منهم يريدني اشبكها واضل بحضنها واشم ريحتها والثاني يذكرني بحقيقتها
سمعت صوتها وهي تصيحني
تصيحني
اني
اي
جاي تصيح باسمي اي
نسم اي اسمي نسم منو غيري
هنا ومنو غيرها اتصيحلي بهل الاسم
(نسمي )
باوعت عليها بعد ما استوعبت ورجعت للواقع
وجانت تباوعلي بهذيج النضره
نفس النضره إلي ما تغيرت من ٥ سنوات
نفس التسميه إلي تسميها بي
نفس نضره العيون
نفس الوكفه والهيبه إلي تخلي
مقامها وحبها يزداد يكلبي يوم عن يوم
شفق: نسمي ما مشتاقه لبنت عمج تعالي
وهي تبتسم ذيج الابتسامه البريئه والي تخليني ادوخ بتفاصيلها ....
بس لا انفيت هذا الشي من راسي لان اني مو ذيج البنيه المراهقه إلي تركض وراها
لا اني هسه امراه بالغه عندي عقل وامشي وراها كلبي ميفيد كلبي يدمرني
كمتلهاوابتسمت وكانُ كل شي ما صاير بيناتنا
وتقدمت بدون ما اكول ولا كلمه وحده
بس مديت ايدي الها
بنيه المصافحه وكلتلها
نسم: اهلا وسهلا بيج طبعا مشتاقه لبنت عمي العزيزه من زمان عنج وعن شوفتج
هي عرفت اني احتقرتها واني ما اريد المسها أو حتى اتقرب منها لان بديت اتقزز منها
بس جنت مجبوره على سلام الايادي حتى لا يشكون بشي
العائله جانت متفاجئه من إلي سويته لان جانت تعرف طفولتي كلها كضيتها وحتى مراهقتي ويه شفق باختصار شفق جانت مثلي الاعلى جانت امي وابويه جنت ما انام الا واني بحضنها وما اكل الا وهي توكلني جانت تسميني بنيتي لو طفلتي طبعا العائله كل اعتقادها جننا مثل الأخوات بس احنه لا
لزمت ايدي وصافحتني وجانت تباوع لوجهي وشلون محياه المكر والكيد مبين عليه
ابتسم نفس الابتسامه مالتي
ورفعت حاجبها ولزمت ايدي حيل وبدت تسحبني لعند حضنها وشبكتني شبكه قويه
وهمست باذني
شفق : هذا السلام الحقيقي يا بنيتي مو ؟
لا تحاولين حتى تتعاركين وتدفعيني عنج لان تعرفين كدام الكل واكفه صح!واني اعرفج من النوع الخجوله حيل ....... وباست أذني وجانت أول بوسه ما بعد فراق ٥ سنوات
حرفيا بهذا اليوم حيل تأثرت وتفاجئت
بلي سوته بيه وشلون شعرت بوكتها
خلت حرب عالميه داخليه بكل أجزاء جسمي
كلبي ازدادت نبضاته ودكاتها لدرجه هي
سمعتها اما عقلي أتذكر كل البوسات والاحضان مالتها اوف .........
وفراشات ببطني خربطت احوالي
😣😣😣😣😣😣
بعد ما وخرت عنها وبلكوه طبعا
جان جسمي خدر وجنت مو بوعي
بس اداركت الوضع وخرت بسرعه عاديه
واسأذنت من الكل ورحت لغرفتي
ما التفتت الها مع العلم جان عقلي وكلبي يكولولي التفتي وباعي عليها بس كابرت وكلت لا بعد ما أتذكرت الناس المسكينه والاطفال إلي بلشوارع والناس إلي انقتلت وغيرها وغيرها من ظلم......
غرفه نسم
دخلت وجان كلشي متخربط عندي
تفكيري مشاعري كلشي حرفيا
وجان جسمي يرجف وكاعده اتنفس بسرعه
واحاول اهدء نفسي
ليش ليش رجعت مو جنت مرتاحه بحياتي
ليش رجعت اتأذيني ليش رجعت تخلين افكر
بيها ...
باوعت على نفسي بلمرايه وضحكت باستهزاء
والله" ليش رجعت تخليني افكر بيها "
ليش اني يا يوم ناسيتها وما مفكره بيها
ليش يا يوم واني حاطه صورتها وما انام والا
حاضنتها يا يوم أخ أخ أخ( واني امرخ راسي)
بتعب نفيت الشي من راسي
لا لا مستحيل مستحيل ارجعلها
هي جذبت عليه
طول السنوات إلي عشتها وهي لابسه قناع الملاك وهي بلحقيقه شيطان وانكس من ابليس حتى لا تؤ
اسمعيني نسم ما لازم تتأثرين بيها
ولا حتى بشكفه محبه
تكونين الها لازم تطلع من عقلج وكلبج ومن كل تفكيرج
لازم تكونين قويه
لازم تروايها وتثبتيلها انتي مو ذيج نسم الطفله إلي تركض وراها وجانت تموت على ريحتها لا
انتي لازم تقاوميها اعرف اعرف هذا الشي صعب بس راح نتخطاه اكيد
اي اني واثقه من هل الشي
لازم اراويها من نسم الجديده
نسم إلي راح تاخذ حقها وحق كل إنسان ما الا اي ذنب بلي سوته هي وجدي إلقاتل الإرهابي الداعشي
يارب ساعدني يارب ........

الساعه ١٠ ص
نزلت ادور على جدي بين الحدايق و الممرات
رحت لمكتبه بعد ما سألت الموضفه إلي تشتغل عدنا "العامله"
دكيت الباب وسمحلي بدخول
بس اتفاجئت شفق عنده
اوه الضاهر جانوا يخططون شلون راح يدمرون
العراق والناس المسكينه إلي بي
اقتربت واني كلي ثقه وكبرياء
نافيه ومتجاهله النضرات إلي جانت تنضرها إلي
وشلون جانت تتمعن بيَ وبكل دقه وتيتسم وسارحه بجمالي 😏
واني ما جنت مهتمه من بره جنت بارده
وكلي ثقه بس من جوه
الله وحده اليعلم شصاير بيَ
نسم: جدي اليوم تعرف عندي مسابقه ما خيل وتعرف انته لازم تجي مو صح بما انك الجبير مالتنا
وانته جنت جزء من بناء الاسطبلات
والمزرعه مالتك اصلا فتعرف
انته وعدتني "وعد رجال "ها
ما أنكر جدي قدملي هواي من المساعده وخلاني اسوي إلي نفسي بي باختصار جدي دللني وخلاني اعيش ايام كل حلوه من حياتي بس شنو الفائده من هذا كله بعد ما اكتشفت الحقيقه مالته سعادتي جانت تتسوه على رأس ناس ابرياء دمرت حياتهم ...
علي؛ هههههه اكيد طبعا ثم اني يا يوم وعدتج وما نفذت وعدي يا جدو لا تخافين متذكر هل التاريخ ومحفور براسي كل سنه ومن هذا الشهر عدنا هل المسابقه وطبعا اكلج ها لازم تفوزين مثل كل سنه
ضحكت واحجيت وبكل فخر
نسم: طبعا غير اني نسم بنت حيدر وجدي علي
غير صيطنا معروف بكل مكان اكيد افوز ثم هاي مو اول سنه افوز بيها دوم الفوز مكتوب اليَ وغير هي الهوايه إلمفضله عندي
بس ها اكلك اني من افوز اريد هديه
ضحك جدي وهزلي رأسه
وكلي من عيوني
بعدها
استأذنت منه والتفتت منطيه ضهري
للانضار إلي جانت تخترقني
جانت تباوعلي بفخر جانت مفتخره بيَ
جنت كل كلمه كاعده اكولها جانت تباوع عليه واتسجلها بدماغها وتحتفض بيها ......

يتبع....
شلون الاحداث
احسها خفيفه على الكلب
هل الروايه من زمان
جانت بعقلي وجنت اريد اكتبها
بس جان واهس ما عندي بس
هسه لا والله كل الواهس صار بيها......