المجنونه وبنتها
. الخامسهسبحان الله وبحمده
ميران كانت قاعده في اوضتها بتتفرج علي التلفزيون. بملل سمعت صوت الموبيلميران : الو
ريان : الو. مين معاياميران :ايه الاستظراف ده . انت اتصلت بيا علشان تقولي مين معايا
ريان: مفروض اقول ايه
ميران نفخت : قول انت مين أو اقفل
ريان : انتي علي طول كده قطر . عايزين نتكلم
ميران : مبكلمش حد . لو في حاجه مهمه قولها أو اقفل
ريان ضحك ؛ كنت عايز اسمع صوتك واطمن عليكي. في اهم من كده
ميران نفخت : يوووه . مبحبش الهبل .
قفلت الموبيل في وشه
ريان اتعصب : يا بنت اللذينا . دي مش بتتثبت بحاجه بس علي مين . انا هوريها ، مين هو ريان بالظبط
اتصل مره تانيه وميران مسكت الموبيل وشافت نفس الرقم : ده ايه العالم الفاضيه دي . انا مليش خلق . وادي احلي بلوك . خليك مستريح
وراحت عملت للرقم ريان بلوك
حاول ريان يتصل بيها تاني . بس معرفش يوصل
ريان : ماشي يا ميران . انا وانتي والزمن طويل
ابتسم اما عرف انها مش زي البنات السهله و اسلوبها استفزه وقرر يوقعها في شباكه
ريان : يا تري خلف الشراسه دي ايه . اكيد في بنوته رومانسيه ورقيقه ، هستمتع اوي وانتي دايبه فيا يا ميران .
....
عدا اسبوع كمان
ويامن بعيد عن عائشه وميران ومش بيحاول يقرب وله يتصل. وبيقنع نفسه أنه لازم يكمل حياته لوحده زي ما هو متعود .
اما بقى عائشه فهي كانت عايزه تعيش حياتها لبنتها ، من وقت للتاني يامن بيجي علي بالها بس احساسها بالمسؤوليه والخوف بيخليها تلوم نفسها انها بتفكر في راجل اي كان الراجل ده مين
ميران اخيرا فكت الجبس و كانت فرحانه
اليوم اللي بعد كده ،صحيت واستعدت للجامعه
عائشه : مش عايزه اي مشاكل يا ميران . وياريت تكملي باقي الترم من غير حوادث . تكوني عملتي فيا جميل
ميران: والله يا ماما انا بحاول. بس هما اللي بيستفزوني وبيخرجو اسؤ ما فيا. وانا بنت مؤدبه
عائشه: طيب يا بنت يا مؤدبه ممكن تسمعي الكلام
ميران : حاضر يا ست الكل. هعمل اللي تقولي عليه . حاجه تانيه