المجنونه وبنتها
التاسع
رجعو من الاجازه الي حياتهم اليومية
في البيت ... ميران لاحظت أن والدتها مريضه
ميران : ماما ، مالك
عائشه: مفيش يا ميران .
ميران : لا في ، انتي شكلك تعبان وشك اصفر
عائشه : حاجه بسيطه ، جنبي واجعني شويه . ممكن تكون الأملاح عاليه زي كل مره
ميران : انتي لازم تروحي للدكتور . هتفضلي كده تاخدي مسكنات
عائشه: اعمليلي ينسون هكون كويسه
ميران : قومي بس معايا نروح لدكتور
عائشه : لو مبتطليش زن هقوم اديكي علي وشك . هاتي الينسون واسكتي وله هقوم اعمله انا
ميران : لا. خلاص هعمله ..
خرجت ميران وعملت الاعشاب لعائشه بس لسه زي ما هي تعبانه لا دي حالتها بتسؤ اكتر
ميران : ماما انا مش هسكت اكتر من كده ، لو مرحتيش معايا للدكتور هتفضل باي دكتور يجيلك
عائشه بتعب : تعالي ساعديني البس
راحو للدكتوره تكشف عليها وقالتلها أن المراره ملتهبه ولازم تدخل عمليات
الدكتوره نقلتهم المستشفي وميران كانت خايفه
ومحدش معاها اتصلت بيامن وهي بتعيط
يامن : يا حبيبتي اهدي وفهميني مين زعلك ، ماما وله حد تاني
ميران بدموع : لا . ماما تعبانه والدكتوره قالت انها لازم تعمل عمليه
يامن : انتم في مستشفي ايه
ميران قالتله اسم المستشفي ودقائق وكان يامن دخل عليهم
يامن : الف سلامه عليكي يا قلبي
عائشه : مشو الراجل ده من هنا ..
يامن : يعني انا جاي اطمن عليكي . تطرديني
عائشه وهي تعبانه ونايمه علي السرير: انت ايه اللي جابك مين قالك
ميران: انا يا ماما
عائشه: يومك مش معدي . هات جزمتك يا يامن
يامن أستغرب ' جزمتي انا. كبيره عليكي
. عائشه : هات بس
ميران : حتي وانتي تعبانه عايزه تضربيني بالجزمه ،
يامن ضحك : معلش يا بنتي . هنعمل فيها ايه .
عائشه : مش عجباك يعني
يامن : للاسف عاجبني
عائشه : للاسف ايه للاسف دي يا استاذ
يامن : انتي بتدوري علي مشكله .صح
ميران سابتهم وخرجت..
يامن مسك ايد عائشه : خايفه
عائشه : مش بخاف من حاجه
ابتسم ؛ انا جنبك متقلقيش
عائشه : لو حصلي حاجه خلي بالك من ميران هي ملهاش غيري
